pothu news | பெட்ரோல் விலை குறையுமா? எண்ணெய் நிறுவனங்கள் புதுமுடிவு| Dinamalar

பொது செய்தி

இந்தியா

பெட்ரோல் விலை குறையுமா? எண்ணெய் நிறுவனங்கள் புதுமுடிவு

Added : ஜூன் 19, 2012
Advertisement
 
 
Advertisement
 
 
Advertisement

புதுடில்லி: "பெட்ரோல் விலையில், இன்னும் சில நாட்களுக்கு மாற்றம் செய்யும் திட்டம் எதுவும் இல்லை' என, பொதுத் துறை எண்ணெய் நிறுவனங்கள் தெரிவித்துள்ளன.


பொதுத் துறை எண்ணெய் நிறுவனம் ஒன்றின் மூத்த அதிகாரி ஒருவர் கூறியதாவது: சர்வதேச சந்தையில் நிலவும் கச்சா எண்ணெய் விலை நிலவரத்துக்கு ஏற்ப, மாதத்துக்கு இரண்டு முறை, பெட்ரோல் விலையை மாற்றி அமைப்பது குறித்து, பொதுத் துறை எண்ணெய் நிறுவனங்கள் ஆய்வு செய்து வருகின்றன. கச்சா எண்ணெயின் விலை குறைந்துள்ளதால், இம்மாதம் 15ம் தேதியிலிருந்து, பெட்ரோல் விலையை லிட்டருக்கு, ரூ.1.60 குறைக்கலாம் என, ஆலோசிக்கப்பட்டது. ஆனால், அமெரிக்க டாலருக்கு எதிரான இந்திய ரூபாயின் மதிப்பு சரிந்துள்ளதையடுத்து, பெட்ரோலை இறக்குமதி செய்வதற்கான செலவு அதிகரித்துள்ளது. எனவே, பெட்ரோல் விலையை இன்னும் சில நாட்களுக்கு மாற்றம் செய்ய முடியாத நிலை ஏற்பட்டுள்ளது. கிரீசில் தேர்தல் நடந்துள்ள சூழ்நிலையில், சர்வதேச அரசியல் நிலவரத்தையும், கச்சா எண்ணெயின் விலையையும், தொடர்ந்து கூர்ந்து கவனித்து வருகிறோம். இதில் ஏற்படும் மாற்றங்களுக்கு ஏற்ப, பெட்ரோல் விலையில் மாற்றம் செய்வது குறித்த முடிவு இன்னும் சில நாட்களுக்கு பின் எடுக்கப்படும். இவ்வாறு அந்த அதிகாரி கூறினார்.


Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை