court news | நித்யானந்தா சீடரின் மனு ஐகோர்ட்டில் தள்ளுபடி| Dinamalar

நித்யானந்தா சீடரின் மனு ஐகோர்ட்டில் தள்ளுபடி

Added : ஜூன் 19, 2012
Advertisement
 
 
Advertisement
 
 
Advertisement

பெங்களூரு: நித்யானந்தா சீடர் வள்ளி ராமநாதன் தாக்கல் செய்த, "ஹேபியஸ் கார்பஸ்' மனுவை, கர்நாடக உயர் நீதிமன்றம் தள்ளுபடி செய்தது.


கடந்த சில நாட்களுக்கு முன், பிடதி நித்யானந்தா ஆசிரமத்தில் நடந்த கலாட்டாவின் போது, நித்யானந்தா தலைமறைவாக இருந்து, பின், நீதிமன்றத்தில் ஆஜரானார். இந்த நேரத்தில், அவரது சீடர் வள்ளி ராமநாதன், கர்நாடக உயர் நீதிமன்றத்தில் தாக்கல் செய்த ஹேபியஸ் கார்பஸ் மனுவில், "ராம்நகர் செஷன்ஸ் நீதிமன்றம், நித்யானந்தா மீது சுமத்தப்பட்ட இரண்டு வழக்குகளிலும், ஜாமின் கொடுத்து உத்தரவிட்டது. ஆனால், பிடதி போலீசார், அவரை விடுதலை செய்யாமல், வேண்டுமென்றே வேறொரு வழக்கை, அவர் மீது தொடுத்து கைது செய்து அழைத்து சென்றுள்ளனர். அவரை உயர் நீதிமன்றத்தில் ஆஜர்படுத்த வேண்டும்' என்று கூறியிருந்தார். இம்மனுவை விசாரித்த கர்நாடக உயர் நீதிமன்றம், கடந்த மூன்று நாட்களுக்கு முன், ராம்நகர் மாவட்ட எஸ்.பி., அனுபம் அகர்வாலுக்கு நோட்டீஸ் அளித்தது. உயர் நீதிமன்றத்தில் நேரில் ஆஜராகி, விளக்கம் அளிக்க வேண்டும் என்று உத்தரவிட்டது. இதையடுத்து, ராம்நகர் மாவட்ட போலீஸ் எஸ்.பி., அனுபம் அகர்வால், உயர் நீதிமன்றத்தில் ஆஜரானார். நீதிபதியிடம் அவர் கூறுகையில், ""நித்யானந்தா, மைசூரு சிறைச்சாலையிலிருந்து ஜாமின் பெற்று, மதுரைக்கு பாதுகாப்புடன் அழைத்து சென்று விடப்பட்டார். தற்போது அவர், மதுரை ஆதீனத்தில் இருக்கிறார்,'' என்றார். இதையடுத்து, வள்ளி ராமநாதன் மனுவை தள்ளுபடி செய்து, உயர் நீதிமன்றம் உத்தரவிட்டது.


Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை