PODHU NEWS | 338 தலைமை ஆசிரியர்களுக்கு பணியிட மாறுதல் உத்தரவு| Dinamalar

பொது செய்தி

தமிழ்நாடு

338 தலைமை ஆசிரியர்களுக்கு பணியிட மாறுதல் உத்தரவு

Added : ஜூன் 19, 2012
Advertisement
 
 
Advertisement
 
 
Advertisement

சென்னை : பள்ளிக் கல்வித் துறையில் பணிபுரியும் ஆசிரியர்களுக்கு, பணியிட மாறுதல் வழங்குவதற்கான பொது கவுன்சிலிங், சென்னையில் நேற்று துவங்கியது. அரசு, நகராட்சி மேல்நிலைப் பள்ளி தலைமை ஆசிரியர் 338 பேருக்கு, நேற்று பணியிட மாறுதல் உத்தரவுகள் வழங்கப்பட்டன. ஆசிரியர் பணியிட மாறுதல் கவுன்சிலிங் மற்றும் பதவி உயர்வுக்கான கவுன்சிலிங், சென்னை, அசோக் நகர் அரசு மகளிர் மேல்நிலைப் பள்ளியில், நேற்று துவங்கியது. பள்ளிக் கல்வி இயக்குனர் மணி தலைமையில், காலையில், மாவட்டத்திற்குள் மாறுதல் பெறும் ஆசிரியர்களுக்கும், பிற்பகலில் மாவட்டம் விட்டு மாவட்டம் மாறுதல் பெறும் ஆசிரியர்களுக்கும், கவுன்சிலிங் நடந்தது. இரு கவுன்சிலிங்கும் சேர்த்து, 800 ஆசிரியர் கலந்து கொண்டனர். இவர்களில், 338 பேருக்கு, பணியிட மாறுதலுக்கான உத்தரவை, இயக்குனர் வழங்கினார். இணை இயக்குனர் கண்ணப்பன் (இடைநிலைக் கல்வி) கூறும்போது, ""380 இடங்கள் காலியாக இருந்தன. இதில், 338 பேருக்கு, பணியிட மாறுதல் உத்தரவு வழங்கப்பட்டுள்ளன. எனினும், மொத்த காலியிடங்கள், அப்படியே இருக்கும். 20ம் தேதி, மேல்நிலைப் பள்ளி தலைமை ஆசிரியர் பதவி உயர்வு கவுன்சிலிங் நடக்கிறது. அப்போது, தற்போதுள்ள அனைத்து காலியிடங்களும் நிரப்பப்படும்'' என்றார்.

Advertisement


இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை