PODHU NEWS | மருத்துவமனை கட்டடங்கள் பராமரிப்பிற்கு தனிப்பிரிவு| Dinamalar

பொது செய்தி

தமிழ்நாடு

மருத்துவமனை கட்டடங்கள் பராமரிப்பிற்கு தனிப்பிரிவு

Added : ஜூன் 19, 2012
Advertisement
 
 
Advertisement
 
 
 
Advertisement

சிவகங்கை : அரசு மருத்துவ கல்லூரி, ஆஸ்பத்திரிகளுக்கு புதிய கட்டடம் கட்டுதல், பராமரிப்பு பணிகளை மேற்கொள்ள பொதுப்பணித்துறையில் தனி கட்டுமான பிரிவை ஏற்படுத்தி அரசு உத்தரவிட்டுள்ளது. தமிழக பொதுப்பணித்துறையின் கீழ் கட்டுமானம், பராமரிப்பு பணிகளை மாவட்டங்களில் உள்ள செயற்பொறியாளரின் கீழ் கோட்ட பொறியாளர்கள், உதவி பொறியாளர்கள் செயல்பட்டனர். அரசு அலுவலகங்கள், பள்ளிகளுக்கு புதிய கட்டடம் கட்டுதல், பராமரித்தல் போன்ற பணிகளை செய்து வந்தனர். இந்நிலையில், தேசிய சுகாதார திட்டம் மூலம் சுகாதாரத்துறைக்கென நிதி ஒதுக்கப்படுகிறது. இந்த நிதி மூலம் தமிழகத்தில் அரசு மருத்துவ கல்லூரி, ஆஸ்பத்திரிகள், சுகாதார நிலையங்களுக்கு புதிய கட்டடம் கட்டுதல், பராமரித்தல் போன்ற பணிகள் மேற்கொள்ள மத்திய சுகாதாரத்துறை உத்தரவிட்டுள்ளது. மத்திய அரசு நிதியை முறையாக பயன்படுத்தும் பொருட்டு இங்கு புதியதாக தனிப்பிரிவு துவங்கி கட்டடம் கட்டுதல், பராமரித்தல் பணிகளை மேற்கொள்ள அரசு உத்தரவிட்டுள்ளது. பிரிப்பு: சுகாதாரத்துறை இயக்குனர் வேண்டுகோளை ஏற்று, அரசு சுகாதாரத்துறை கட்டடங்கள் கட்டுதல், பராமரித்தல் பணிகளை மேற்கொள்ள பொதுப்பணித்துறையில் தனி கட்டுமான பிரிவை ஏற்படுத்தி உத்தரவிட்டுள்ளது. நிர்வாக பொறியாளரின் கீழ் 3 மாவட்டங்கள் நிர்வகிக்கப்பட உள்ளது. ஜூன் 14 முதல் இந்த உத்தரவு அமலுக்கு வந்துள்ளதாக அரசு தெரிவித்துள்ளது. பொதுப்பணித்துறை கட்டுமான பிரிவு, மருத்துவ கட்டுமான பிரிவாக மாற்றப்பட்டுள்ளது. புதிய பிரிவு: மதுரை செயற்பொறியாளரின் கீழ் மதுரை,தேனி, திண்டுக்கல் மாவட்டங்களில் உதவி கோட்ட பொறியாளர், 15 பொறியாளர் அலுவலகம், சிவகங்கை செயற்பொறியாளரின் கீழ் சிவகங்கை, ராமநாதபுரம், விருதுநகர் மாவட்டங்களில் உதவி கோட்ட பொறியாளர்கள், 12 உதவி பொறியாளர் அலுவலகங்கள், திருநெல்வேலி செயற்பொறியாளரின் கீழ் பாளையங்கோட்டை, சங்கரன்கோவில், நாகர்கோவில், தூத்துக்குடி துணை கோட்ட பொறியாளரின் கீழ் 14 பொறியாளர் அலுவலகங்கள் என மாநில அளவில் பிரிக்கப்பட்டுள்ளது.

Advertisement


இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை