ARASIAL NEWS | ஆளுங்கட்சி தலையீட்டால் சத்துணவு அமைப்பாளர் விபரம் வெளியிட தடை| Dinamalar

அரசியல் செய்தி

தமிழ்நாடு

ஆளுங்கட்சி தலையீட்டால் சத்துணவு அமைப்பாளர் விபரம் வெளியிட தடை

Added : ஜூன் 19, 2012
Advertisement
 
 
Advertisement
 
 
 
Advertisement

சிவகங்கை : ஆளுங்கட்சியினர் தலையீட்டால் சத்துணவு அமைப்பாளர், சமையலர், உதவியாளர் பணிக்கான காலி பணியிடம், தகுதி, தேர்வு செய்யும் முறை குறித்த விபரங்களை சிவகங்கை மாவட்டத்தில் ஊராட்சி ஒன்றிய அலுவலகங்களில் ஒட்டாமல் மறைக்கின்றனர். தமிழக அரசு,பள்ளிகளிலுள்ள சத்துணவு மையங்களில் காலியாக உள்ள அமைப்பாளர், சமையலர், உதவியாளர் பணியிடங்களை நிரப்பப்படும் என அறிவித்துள்ளது.
இதற்கான விண்ணப்பங்களை அந்தந்த ஊராட்சி ஒன்றியம்,நகராட்சிகளில் வாங்கி வருகின்றனர். சிவகங்கை மாவட்டத்தில் அமைப்பாளர் 92, சமையலர் 76, உதவியாளர் 275 காலிபணியிடங்களுக்கு விண்ணப்பம் வரவேற்கப்பட்டுள்ளது. விண்ணப்பதாரர்களின் கல்வி தகுதி, ஜாதிவாரியான ஒதுக்கீடு, வயது போன்ற விபரங்கள் அடங்கிய பட்டியலை அந்தந்த ஊராட்சி ஒன்றியங்கள், நகராட்சிகளில் வெளியிட வேண்டும் என அறிவிக்கப்பட்டது. தலையீடு: ஆனால், இம்மாவட்டத்தில் இப்பணியிடங்களை நிரப்ப ஆளுங்கட்சியினரின் தலையீடு அதிகரித்துள்ளது. ஒவ்வொரு பணிக்கும் குறைந்தது 30,000 முதல் ஒரு லட்ச ரூபாய் வரை வசூலிக்கின்றனர். இதற்காக, காலிபணியிட விபரம், தகுதி போன்ற விபரங்களை வெளியே ஒட்டவேண்டாம் என அதிகாரிகளுக்கு "அன்பு கட்டளை' இடுகின்றனர்.பெரும்பாலான ஊராட்சி ஒன்றிய அலுவலகம், நகராட்சிகளில் பட்டியல் வெளியிடப்படவில்லை. முழுவிபரங்கள் தெரியாமல் வேலை கிடைக்கும் என்ற நம்பிக்கையில் விண்ணப்பதாரர்கள் விண்ணப்பித்து வருகின்றனர். கலெக்டரின் நேர்முக உதவியாளர் (சத்துணவு) ஜோதிபாய் கூறியதாவது: காலிபணியிட விபரம் இன சுழற்சி, தகுதி முறைப்படி தான் நிரப்பப்படும். இதில், தவறு நடக்க வாய்ப்பில்லை. ஆளுங்கட்சியினர் தலையீடு இருக்க வாய்ப்பில்லை. இதற்கென அமைக்கப்பட்ட அரசு அதிகாரிகளை கொண்ட குழு தான் அமைப்பாளர், சமையலர், உதவியாளர் பணியிடங்களை நிரப்பும். அந்தந்த ஊராட்சி ஒன்றியம், நகராட்சிகளில் காலிபணியிட விபர பட்டியல் ஒட்டப்பட்டுள்ளது. முறைப்படி தான் தேர்வு நடக்கும். விண்ணப்பதாரர்கள் யாரிடமும் பணத்தை கொடுத்து ஏமாற வேண்டாம், என்றார்.

Advertisement


இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை