Dinamalar

டில்லியில் ஜனாதிபதி மாளிகையில் 15 ஏக்கர் பரப்பளவில் உள்ள மொகல் தோட்டம் இந்தியர்கள் அனைவரும் பார்க்கவேண்டிய, நினைத்து பெருமைப்பட வேண்டிய அருமையான பராம்பரியமான மலர்த்தோட்டம்.

இந்த மொகல் தோட்டத்தில் 33 வகையான மூலிகை மரங்களும், 250 வகையான போன்சாய் செடிகளும், 2500 வகையான அரிய மரங்களும், கணக்கிலங்டகாத மலர்களும் பூத்து குலுங்குகின்றன.

கிட்டத்தட்ட 35 தோட்டக்கலை வல்லுனர்கள் இந்த தோட்டத்தை பராமரிக்கின்றனர்.
இப்போது பெய்துள்ள மழை காரணமாக ,இங்குள்ள லில்லி மலர்கள் உள்பட அனைத்து மலர்களும் பூத்து குலுங்குகின்றன. புது நறுமணம் வீசி அனைவரையும் வசீகரிக்கின்றது.
இவ்வளவு அருமையான மொகல் தோட்டம் வருடத்திற்கு ஒரு முறை சில நாட்கள் பொதுமக்கள் பார்வைக்காக திறந்துவிடப்படும். அந்த வகையில் கடந்த 15ம்தேதி திறந்துவிடப்பட்டது. 17ம்தேதி வரை பார்வையிடலாம்.
இங்கு நடைப்பயிற்சி செய்வதன் மூலம் புத்துணர்வை பெறுகிறேன், இந்த இடத்தை பெரிதும் நேசிக்கின்றேன் என்று மொகல் தோட்டத்தினை பொதுமக்களுக்காக திறந்துவிடப்படும் நிகழ்ச்சியில் கலந்துகொண்டு பேசிய ஜனாதிபதி பிரணாப்முகர்ஜி குறிப்பிட்டார்.
மொகல் தோட்டத்தில் எடுத்த புகைப்படங்களை போட்டோ கேலரி பகுதியை கிளிக் செய்து பார்க்கவும்.