Chopper scam: 'Middleman' Haschke 'cleaned up' documents | ஹெலிகாப்டர் ஊழல் ஆவணங்கள் அழிப்பு? இன்று இத்தாலி செல்கிறது அதிகாரிகள் குழு| Dinamalar

பொது செய்தி

இந்தியா

ஹெலிகாப்டர் ஊழல் ஆவணங்கள் அழிப்பு? இன்று இத்தாலி செல்கிறது அதிகாரிகள் குழு

Updated : பிப் 18, 2013 | Added : பிப் 17, 2013 | கருத்துகள் (31)
Advertisement
 ஹெலிகாப்டர் ஊழல் ஆவணங்கள் அழிப்பு?,Chopper scam: 'Middleman' Haschke 'cleaned up' documents

புதுடில்லி :ஹெலிகாப்டர் பேரத்தில், 360 கோடி ரூபாய் லஞ்சம் கொடுக்கப்பட்ட விஷயம் தொடர்பான, அனைத்து ஆதாரங்களையும், இந்த பேரத்தில் இடைத் தரகராக செயல்பட்ட, குயிடோ ஹஸ்கே, அழித்து விட்டதாக தகவல் வெளியாகியுள்ளது.

இத்தாலி அரசுக்கு சொந்தமான, "பின்மெக்கானிகா' நிறுவனத்திடமிருந்து, வி.வி.ஐ.பி.,க்கள் பயணிக்க, 12 ஹெலிகாப்டர்களை வாங்க, மத்திய அரசு, 2010ல், ஒப்பந்தம் மேற்கொண்டது. இந்த ஒப்பந்தத்தின் மதிப்பு, 3,600 கோடி ரூபாய்.இது தொடர்பான பேரத்தில், இந்தியாவை சேர்ந்த முக்கிய பிரமுகர்கள் சிலருக்கு, இத்தாலி நிறுவனம், 360 கோடி ரூபாய் லஞ்சம் கொடுத்தது அம்பலமானது. இதையடுத்து, பின்மெக்கானிகா நிறுவன தலைவர், குய்சொப்பி ஒர்சி, ஹெலிகாப்டர் விற்பனை பிரிவு தலைவர், ஸ்பாக்னோலினி ஆகியோர், இத்தாலி அதிகாரிகளால் கைது செய்யப்பட்டனர்.ஹெலிகாப்டர் பேரத்தில், சுவிட்சர்லாந்தை சேர்ந்த, குயிடோ ஹஸ்கே, கார்லோ ஜெரோசா ஆகியோர், இடைத் தரகர்களாக செயல்பட்டனர். இத்தாலி அதிகாரிகளின் அறிக்கையை, அந்நாட்டு பத்திரிகையான, "ரிபப்ளிகா' வெளியிட்டுள்ளது.

அதில் கூறப்பட்டு உள்ளதாவது:ஹெலிகாப்டர் பேரத்தில், இந்தியாவை சேர்ந்தவர்களுக்கும், "பின்மெக்கானிகா' நிறுவனத்துக்கும் இடையே, இடைத்தரகராக செயல்பட்டதில், குயிடோ ஹஸ்கேவுக்கு முக்கிய பங்கு உண்டு.இந்திய அரசு தரப்பில் இடைத் தரகர்களாக யார் யார் செயல்பட்டனர், இரு தரப்புக்கும் இடையே, பணப் பரிமாற்றங்கள் எப்போது நடந்தன, எவ்வளவு பணம், கைமாறியது போன்ற விவரங்கள் அனைத்தும், குயிடோவுக்கு தெரியும்.இவை அனைத்தையும், தன் கம்ப்யூட்டர் டிரைவில், "பனோரமா பாக்ஸ்' என்ற பெயரில், பதிவு செய்து வைத்திருந்தார். ஹெலிகாப்டர் பேரம் தொடர்பான விவகாரம், பெரிதானதை அடுத்து, இந்த தகவல் அனைத்தையும், குயிடோ அழித்து விட்டார்.இதையடுத்து, விசாரணை அதிகாரிகள், குயிடோவின் தாயார் வீட்டில், அதிரடிச் சோதனை நடத்தினர். அங்கிருந்த, சூட்கேசில், ஹெலிகாப்டர் பேரம் தொடர்பான. சில விவரங்களை, ஹார்டு டிஸ்க்கில், அவர் மறைத்து வைத்து இருந்ததை, அதிகாரிகள் கண்டுபிடித்தனர்.அந்த, ஹார்டு டிஸ்க்கையும், ஹெலிகாப்டர் பேரம் தொடர்பான சில ஆவணங்களையும், அதிகாரிகள் கைப்பற்றினர். இந்த ஆவணங்கள் தற்போது, இத்தாலி அரசின் வழக்கறிஞர், பஸ்டோ அரிசோவிடம் ஒப்படைக்கப்பட்டுள்ளது. இதில், ஹெலிகாப்டர் பேரம் தொடர்பான அனைத்து விஷயங்களும் இடம்பெற்றிருக்குமா என்ற, சந்தேகமும் ஏற்பட்டு உள்ளது.இவ்வாறு, அதில் தெரிவிக்கப்பட்டுள்ளது.

இதற்கு இடையே, "ஹெலிகாப்டர் பேரம் தொடர்பான அனைத்து விவரங்களையும், அறிக்கையாக, தங்களிடம் தாக்கல் செய்ய வேண்டும்' என, ராணுவ அமைச்சகத்திடம், மத்திய லஞ்சம் மற்றும் ஊழல் தடுப்பு ஆணையம் வலியுறுத்திஉள்ளது.ஆனாலும், ராணுவ அமைச்சகத்தில் உள்ள, லஞ்சம் மற்றும் ஊழல் தடுப்பு பிரிவு, "இது தொடர்பான அறிக்கையை தயார் செய்வதற்கு, அதிகபட்சமாக நான்கு மாதங்கள் வரை ஆகும்' என, தெரிவித்துள்ளதாகவும், தகவல் வெளியாகியுள்ளது.இந்நிலையில், இத்தாலியின் சட்ட நடைமுறை குறித்த விவரங்களை தெரிந்து கொள்வதற்காக, அங்குள்ள வழக்கறிஞர் களின் உதவியை, சி.பி.ஐ., நாடியுள்ளது.

இதனிடையே ஹெலிகாப்டர் பேரத்தில், 360 கோடி ரூபாய் லஞ்சம் கொடுத்த விவகாரம் குறித்து விசாரிக்கவும் ஆவணங்களை திரட்டவும், சி.பி.ஐ., அதிகாரிகள் மற்றும் ராணுவ அமைச்சக பிரதிநிதிகள் அடங்கிய கூட்டுக் குழு, இன்று இத்தாலி செல்கிறது. அங்கு அந்நாட்டு வழக்கறிஞர் உதவியுடன், ஹெலிகாப்டர் ஊழலில் சம்பந்தப்பட்டுள்ள இந்தியர்களின் விபரங்களை அதிகாரிகள் திரட்ட உள்ளதாக கூறப்படுகிறது.

Advertisement


இதையும் தவறாமல் படிங்க ...



Advertisement

வாசகர் கருத்து (31)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Kannan Venkatesan - Dubai,ஐக்கிய அரபு நாடுகள்
18-பிப்-201310:58:05 IST Report Abuse
Kannan Venkatesan இடலியாவில் பிறந்த சோனியா காந்தி? சோனியா இந்திய சுதந்திரத்திற்கு பாடுபட்டகாங்கிரஸ் கட்சியில் அடிமட்ட மெம்பெர் பதவியில் கூட இருக்க தகுதி அல்லாதவர், உடனடியாக கட்சி மற்றும் இந்திய தேசதிளிருதும் நீகினல்தான் இந்தியா பிழைக்கும் இதற்கு சமீபத்திய ஹெலிகாப்ட்டர் இட்டலியிள்ருந்து?? வாங்கியதில் ஊழல் 360 கோடி+....? சாட்சி
Rate this:
Share this comment
Cancel
D.Selvaraj - Tirunelveli,இந்தியா
18-பிப்-201310:57:02 IST Report Abuse
D.Selvaraj சோனியா காந்தியின் சொந்த நாடல்லவா இத்தாலி, அதனால் தான் அம்மையார் இன்னும் வாய் திறக்கவில்லை. இந்த பிரச்சனையை மறைக்க யாரையாவது தூக்கில் போடலாமா என்று ஜனாதிபதி ,பிரதமரிடம் ரகசியமாக ஆலோசித்து வருவராக இருக்கும் . கொஞ்சம் பொறுத்துதான் பார்ப்போமே அடுத்த பலி யார் என்று,
Rate this:
Share this comment
Cancel
mirudan - kailaayam,இந்தியா
18-பிப்-201310:30:40 IST Report Abuse
mirudan காங்கிரஸ் ஆட்சி தொடர்ந்தால் ஹெலி ஹெப்டரும் காணாமல் போய் விடும்
Rate this:
Share this comment
Cancel
BLACK CAT - Marthandam.,இந்தியா
18-பிப்-201310:17:49 IST Report Abuse
BLACK CAT ஹெலிகாப்டர் ஊழல் ஆவணங்கள் அழிப்பு? இன்று இத்தாலி செல்கிறது அதிகாரிகள் குழு ...... இந்த ஹெலிகாப்டர் ஊழலை பயன்படுத்தி அதிகாரிகள் குழு இத்தாலி முழுவதும் சுத்தி பார்க்க ஒரு அறிய வாய்ப்பு .... மக்கள் வரி பணம் தான் வீண் .. நீங்கள் ஒரு ஆணி யும் பிடுங்க மாட்டீர்கள் என்பது எங்களுக்கு தெரியும் .....
Rate this:
Share this comment
Cancel
Baskaran Kasimani - Singapore,சிங்கப்பூர்
18-பிப்-201309:48:15 IST Report Abuse
Baskaran Kasimani வேறு ஒன்றும் செய்யவேண்டியதில்லை. ஹெலிகாப்டர்களை திரும்பகொடுத்து எல்லா பணத்தையும் வட்டியும் முதலுமாக கேட்கவேண்டும். தானே உண்மைகள் வெளி வரும். லஞ்சம் வாங்கியவர்களுக்கு ஆப்பு - கொடுத்தவர்களுக்கும் ஆப்பு.
Rate this:
Share this comment
Cancel
எம்.ஆர்.பி.குமார் - CHENNAI,இந்தியா
18-பிப்-201309:41:51 IST Report Abuse
எம்.ஆர்.பி.குமார் மறுபடியும் ஒரு குழி தோண்டி இந்த போர்பார்ஸ்-2 ம் பாகத்தை புதைத்து விடுவார்கள்..அதற்க்கு இத்தாலி டூர்.. இந்த காங்கிரஸ்-இன் 9 வருட சாதனைகள் நினைக்கும் போதும் இந்தியர்கள் அனைவரும் "பெருமிதம்" கொள்ளவேண்டும்.. ஏன்ன நம்மை விட இளித்தவாயர்கள் இந்த உலகத்தில் இருக்க மாட்டார்கள்.....
Rate this:
Share this comment
Cancel
Nallavan Nallavan - Kolkata,இந்தியா
18-பிப்-201308:49:10 IST Report Abuse
Nallavan Nallavan வழக்கே இருக்காது .... விவகாரம் சமாதியாகிவிடும் .... வாழ்க பாரத மணித் திருநாடு ...
Rate this:
Share this comment
Cancel
Ramasami Venkatesan - Chennai - now in Brisbane - Aus,இந்தியா
18-பிப்-201308:48:12 IST Report Abuse
Ramasami Venkatesan முதலில் குட்ட்ரோசி இப்போது குயிடோ ஹஸ்கி - எல்லாமே இத்தாலியில் போய் முடிகிறது ?
Rate this:
Share this comment
Cancel
Ambaiyaar@raja - Nellai to chennai ,இந்தியா
18-பிப்-201308:08:58 IST Report Abuse
Ambaiyaar@raja எல்லா உழல களின் போதும் அதில் சம்பந்தப்பட்டவர் பதவி விலகினால் போதும் காங் கட்சி புனிதமாகிவிடும் இது தான் அவர்களின் கலாசாரம். இப்போது இதில் சம்பந்த பட்டவர் பதவி விலகுவாரா இதை போல இதுவரை இருந்த எந்த அரசும் சுதந்திரத்தில் இருந்து இன்று வரை இவளவு முறைகேட்டில் ஈடுபட்டது இல்லை. இந்த காங் அரசு தான் அதற்க்கு தலைமை ஏற்றவர் மண் மோகன் சிங் எம்பது தான் கொடுமை எந்த முறைகேட்டிலும் ஈடுபடாதவர் ஆனால் இனி எல்லா காலத்திற்கும் உழல அரசாங்கத்திற்கு தலைமை வகித்தவர் என்ற பெயர் அவருக்கு நிரந்தரம். இது தான் பாவம் ஓரிடம் பழி ஓரிடம் என்பதா.
Rate this:
Share this comment
Cancel
Raj - Chennai,இந்தியா
18-பிப்-201308:03:07 IST Report Abuse
Raj ஆவணங்கள் அழிப்பு தெரிந்த விஷயம் தானே இல்லையென்றால் தீப்பிடித்துவிடும் சிபிஐ கோமாவில் இருக்கும் வரை இதெல்லாம் சகஜம் இத்தனை வருடமாய் என்ன செய்துகொண்டு இருந்தார்கள்? இத்தாலி அரசு மட்டும் வழக்கை விசாரிக்க வில்லை என்றால் இந்த சதி மரைக்கப்பட்டுஇருக்கும்
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை