E-paper| Mobile Apps

iPad

iPad E-paper

iPhone

Android

Android Tablet

Windows

Windows 8

Blackberry

bbicon OS 10

Mobile Election

| Get Font | Site Map |  RSS Feed
Advertisement
பதிவு செய்த நாள் : பிப்ரவரி 20,2013,23:47 IST
கருத்துகள் (100)  கருத்தை பதிவு செய்ய
எழுத்தின் அளவு:

பல ஆண்டுகள் தொடர்ந்து நடந்த முயற்சிகளின் பலனாக, காவிரி நடுவர் மன்ற இறுதித் தீர்ப்பை, அரசிதழில் அதிகாரப்பூர்வமாக மத்திய அரசு வெளியிட்டுள்ளது. காவிரி விவகாரத்தில், தமிழகத்திற்கு கிடைத்த மிகப்பெரிய வெற்றியாகக் கருதப்படுகிறது.

சுப்ரீம் கோர்ட் விதித்த கெடுவைத் தொடர்ந்து, எதிர்பார்க்கப்பட்டதை போலவே, காவிரி நடுவர் மன்ற இறுதித் தீர்ப்பு, மத்திய அரசின் அரசிதழில் வெளியிடப்பட்டது. நீர்வளத் துறை செயலர், சாமல் கே சர்க்கார் கையெழுத்திட்ட அந்த உத்தரவு, அரசிதழில் வெளியிடப்பட்டதற்கான தகவல், நேற்று காலை, 11:00 மணியளவில் அறிவிக்கப்பட்டது.இறுதித் தீர்ப்பின்படி, காவிரியில் தமிழகத்துக்கு, 419 டி.எம்.சி., அளவு தண்ணீர் வழங்கப்பட்டுள்ளதாகக் கூறப்பட்டுள்ளது. தமிழகத்தின், அமராவதி மற்றும் பவானி நீர்தேக்கங்களின் தண்ணீரையும் உள்ளடக்கிய அளவு தான், இந்த 419 டி.எம்.சி., தமிழகத்துக்கு என, கர்நாடகாவில் இருந்து கிடைக்க இருப்பது, உண்மையில் 182 டி.எம்.சி., அளவு தண்ணீர் தான்.

எந்தவொரு அசாதாரண பருவநிலையும் ஏற்படாத பட்சத்தில், காவிரி நதி நீரின் மொத்த அளவு, ஆண்டுக்கு 740 டி.எம்.சி., என இறுதித் தீர்ப்பு தெரிவித்துள்ளது. இந்த மொத்த அளவில் இருந்து தான், தமிழகம், கர்நாடகம், கேரளா, புதுச்சேரி என, நான்கு மாநிலங்களுக்கும் தண்ணீர் பகிர்ந்து அளிக்கப்பட்டுள்ளது. தமிழகத்துக்கு என அளிக்கப்படும், 419 டி.எம்.சி., தண்ணீரை, மாத வாரியாக பிரித்து, ஒவ்வொரு மாதமும், இவ்வளவு தண்ணீர் வழங்க வேண்டுமென, தீர்ப்பில் கூறப்பட்டுள்ளது.

அதன்படி, தமிழகத்துக்கு, ஜூன் மாதம், 10 டி.எம்.சி.,யும், ஜூலை மாதம், 34 டி.எம்.சி.,யும், ஆகஸ்ட் மாதம், 50 டி.எம்.சி.,யும், செப்டம்பர் மாதம், 40 டி.எம்.சி.,யும், அக்டோபர் மாதம், 22 டி.எம்.சி.,யும், நவம்பர் மாதம், 15 டி.எம்.சி.,யும், டிசம்பர் மாதம், 8 டி.எம்.சி.,யும் அளிக்க வேண்டும்.பிப்ரவரி முதல், மே மாதம் வரை, தலா, 2.5 டி.எம்.சி., அளவு தண்ணீர் தமிழகத்துக்கு திறந்து விட வேண்டும். தமிழகத்துக்கு உண்டான பங்கீட்டு தண்ணீரின் அளவை, பிலிகுண்டுலு என்ற இடத்தில் வைத்து தான் அளவீடு செய்ய வேண்டும்.இந்த விவரங்கள் எல்லாமே, நடுவர் மன்றத்தின் தீர்ப்பில் உள்ளன.

இவை எல்லாவற்றையும் அப்படியே ஏற்றுக் கொண்டு, அரசிதழிலும் வெளியிடப்பட்டுள்ளது.
காவிரி நதி நீர் நிர்வாக ஆணையம் மற்றும் காவிரி நதி நீர் ஒழுங்குமுறை குழு என, இரண்டு அமைப்புகள் உருவாக்கப்பட வேண்டும்; அவ்வாறு உருவாக்கப்படும் இந்த அமைப்புகள் தான், நதி நீர் பங்கீட்டை செயல்படுத்தும் அமைப்புகளாக திகழும் என, இறுதித் தீர்ப்பில் தெரிவிக்கப்பட்டிருந்தது.இந்த இரண்டு அமைப்புகள் அமைக்கப்படுவது குறித்து, அரசிதழில் எவ்வொரு தகவலும் இல்லை. மாறாக, இது விஷயமாக, நீர் வள அமைச்சகமானது, சட்ட அமைச்சகத்துக்கு, ஒரு கடிதத்தை எழுதியுள்ளதாக தெரிகிறது.அந்த கடிதத்தில், "காவிரி நதி நீர் விவகாரம் தொடர்பாக, ஏராளமான வழக்குகள் சுப்ரீம் கோர்ட்டில் உள்ளன. அவ்வளவு வழக்குகள் நிலுவையில் உள்ள நிலையில், இப்பிரச்னைக்கு சட்டப்படியான முடிவு இன்னும் வரவில்லை. இவ்வாறு சட்டப்படியான தீர்வு கிடைக்காத நிலையில், நிர்வாக ஆணையத்தையும்,

ஒழுங்குமுறை ஆணையத்தையும் அமைத்தால், அதில் சட்டப் பிரச்னை ஏதும் வர வாய்ப்புள்ளதா' என்று விளக்கம் கேட்கப்பட்டுள்ளது.

இதற்கான விளக்கம் கிடைத்த பின், இந்த குழுக்கள் அமைக்கப்படும். அரசிதழில் வெளியான, 90 நாட்களுக்குப் பின், இந்த உத்தரவு அமலுக்கு வரும் என, கூறப்பட்டுள்ளது. எனவே, வரும் ஜூன் மாதம் 12ம் தேதி, மேட்டூர் அணை, வழக்கமாக திறக்கப்படும் போது, அரசு பிறப்பித்த உத்தரவு முழுமையாக அமலுக்கு வரும் என, எதிர்பார்க்கலாம்.

நடந்தாய் வாழி காவிரி... :

1890: ஆங்கிலேயர் ஆட்சியில் மைசூர் சமஸ்தானமாகவும், மெட்ராஸ் ராஜதானியாகவும் இருந்த காலத்தில், காவிரிப் பிரச்னை தலைதூக்கியது.
1892: நதிநீர் பங்கீடு குறித்து முதல் ஒப்பந்தம் கையெழுத்தானது. சில ஆண்டுகள் கழித்து இந்த
ஒப்பந்தத்தை மைசூர் சமஸ்தானம் நிராகரித்தது.
1910: கர்நாடகாவில் கண்ணம்பாடி அணை கட்ட முடிவானது. இதை தமிழகம் எதிர்த்தது. மேட்டூரில் அணை கட்ட தமிழகம் முடிவு செய்தது.
1924 பிப்.18: காவிரி நீரைப் பகிர்ந்து கொள்வதில் அப்போதிருந்த சென்னை மாகாணம் மற்றும் மைசூர் அரசு இடையே ஒப்பந்தம் கையெழுத்தானது.
1956: மொழிவாரி மாநிலங்களாக இந்தியா பிரிக்கப்பட்டது. சென்னை மாகாணத்துக்கு உட்பட்டிருந்த காவிரி உற்பத்தியாகும் இடமான குடகு, கர்நாடகாவுடன் இணைந்தது.
1974 பிப்.18: சென்னை மாகாணம் -மைசூர் இடையே ஏற்பட்ட ஒப்பந்தம் ரத்தானது.
1990 ஜூன் 2: காவிரி நதி நீர்ப்பங்கீடு குறித்து விசாரிக்க பிரதமர் வி.பி.சிங், சித்ததோஷ் முகர்ஜி தலைமையில் மூவர் நடுவர் நீதி மன்றத்துக்கு உத்தரவிட்டார்.
1991 ஜூன் 25: ஆண்டுக்கு 205 டி.எம்.சி., (1 டி.எம்.சி., = 100 கோடி கன அடி) தண்ணீர் தமிழகத்துக்குத் தரவேண்டும் என்றும், காவிரியால் பயன் பெறும் 11.2 லட்சம் ஏக்கரின்அளவை உயர்த்தக் கூடாது என்றும் கர்நாடகாவுக்கு உத்தரவு.
1991 டிச.11: நடுவர் நீதி மன்றத்தின் உத்தரவை ஏற்குமாறு, கர்நாடக அரசுக்கு சுப்ரீம் கோர்ட் ஆணை. இந்த உத்தரவைத் தொடர்ந்து, கர்நாடக தமிழர்கள் தாக்கப்பட்டதில் 20 பேர் பலி.
1993 ஜூலை: இடைக்கால உத்தரவை அமல்படுத்தக் கோரி ஜெயலலிதா உண்ணாவிரதம்.
1996 ஆக.,- 1997 ஜன.5: சுப்ரீம் கோர்ட்டின் பரிந்துரைப்படி தமிழக முதல்வர் கருணாநிதிக்கும்,
கர்நாடக முதல்வர் படேலுக்கும் இடையே நடந்த பேச்சுவார்த்தை, தீர்வு எட்டப்படாமல் முடிந்தது.
1998 ஜூலை 20: நடுவர் மன்ற தீர்ப்பை அமல்படுத்தினால் கர்நாடகா - தமிழகம் இடையே சட்டம் ஒழுங்கு பிரச்னை ஏற்படும் என கர்நாடக அனைத்துக் கட்சி எம்.பி.,க்கள், பிரதமர் வாஜ்பாயிடம் மனு.
1998 ஜூலை 21: ஆக. 21க்குள் தமிழகத்துக்குச் சேர வேண்டிய 205 டி.எம்.சி., நீரை கர்நாடகா வழங்கிட, மத்திய அரசு நடவடிக்கை எடுக்க வேண்டும் என சுப்ரீம் கோர்ட் உத்தரவு.
1998 ஆக.8: காவிரி பிரச்னையில் சுமூகத் தீர்வு
காணாவிட்டால், வாஜ்பாய் அரசுக்கான ஆதரவு வாபஸ் என ஜெயலலிதா எச்சரிக்கை.
1999 மே 7: 1991-92ல் கர்நாடகாவில் தாக்கப்பட்ட தமிழர்களுக்கு உரிய நிவாரணத்தை மே 15க்குள் வழங்க சுப்ரீம் கோர்ட் கர்நாடக அரசுக்கு உத்தரவு.
2002 அக்.,: கர்நாடக முதல்வர் எஸ்.எம்.கிருஷ்ணா, சுப்ரீம் கோர்ட் தீர்ப்பை அவமதித்ததிற்காக கோர்ட்டில் மன்னிப்புக் கோரி, காவிரி நீரை திறந்து விட உத்தரவிட்டார்.
2002 அக்.12: காவிரியில் தண்ணீர்த் திறந்துவிடக் கோரி நடிகர் ரஜினிகாந்த் சென்னையில் உண்ணாவிரதம்.
2003 ஜன.13: தமிழகத்துக்கு குறிப்பிட்ட அளவில் தண்ணீர் தர கர்நாடகா ஒப்புதல்.
2006 ஆக.3: காவிரி ஆணையத்தின் ஆயுள் மேலும் ஆறு மாதங்களுக்கு நீட்டிக்கப்பட்டது.
2007 பிப்.5: காவிரி நடுவர் நீதிமன்றம், இறுதி

Advertisement

தீர்ப்பை அறிவித்தது. தமிழகத்துக்கு ஆண்டுதோறும் 19.2 கோடி கனஅடி தண்ணீர் திறந்துவிட வேண்டும். கேரளா, புதுச்சேரிக்கு உரிய நீரையும் வழங்க வேண்டும் என கோர்ட் உத்தரவிட்டது. தமிழகம் ஏற்றுக்கொண்டது. கர்நாடக அரசு எதிர்த்து மனுத்தாக்கல். 2012, செப்.13: காவிரியிலிருந்து தமிழகத்துக்கு தொடர்ந்து தண்ணீர் தர முடியாது என முதல்வர் ஷெட்டர் திடீர் அறிவிப்பு.
செப்.19: காவிரியில் தினமும் 9 ஆயிரம் கனஅடி தண்ணீர் திறந்துவிட பிரதமர் மன்மோகன்சிங் உத்தரவு.
செப்.24: தண்ணீர் திறந்துவிடக் கோரி சுப்ரீம் கோர்ட்டில் தமிழக அரசு மனு.
செப்.28: தண்ணீர் திறந்து விடாத கர்நாடக அரசுக்கு, சுப்ரீம் கோர்ட் கடுமையான கண்டிப்பு.
அக்.8: தினமும் 9 ஆயிரம் கனஅடி தண்ணீர் திறந்து விட வேண்டும் என சுப்ரீம் கோர்ட் உத்தரவிட்டது. இதற்கு பிரதமர் தான் பொறுப்பு என அறிவித்தது.
அக்.8: பிரதமர் அக்.20 வரை தண்ணீர் திறந்துவிட உத்தரவிட்டார். சுப்ரீம் கோர்ட் உத்தரவையும், பிரதமர் உத்தரவையும், சில மணி நேரங்களில் கர்நாடகா அவமதித்தது.
அக்.9: கர்நாடகா அரசு மீது, தமிழக அரசு நீதிமன்ற அவமதிப்பு வழக்கு தொடர்ந்தது.
அக்.9:கர்நாடகாவைக் கண்டித்து காவிரி டெல்டா மாவட்டங்களில் ரயில் மறியல் நடந்தது. ஆயிரக்கணக்கானோர் கைது.
அக்.10: பிரச்னை தொடர்பாக பிரதமரை சந்தித்து பேச, கர்நாடக முதல்வர் ஷெட்டர் டில்லி சென்றார். இரண்டு நாட்கள் காத்திருந்து பிரதமரை சந்திக்க முடியாமல் ஏமாற்றத்துடன் திரும்பினார்.
அக்.17: நீர்ப்பங்கீடு குறித்து புதிய மனு ஒன்றை தமிழக அரசு, சுப்ரீம் கோர்ட்டில் அளித்தது.
நவ.15: காவிரி நதிநீர் ஆணையம், நவ.16-30க்குள் 4.81 டி.எம்.சி., தண்ணீரை தமிழகத்துக்கு திறந்துவிட உத்தரவிட்டது.
நவ.29: காவிரிப் பிரச்னை குறித்து, கர்நாடக முதல்வர் ஜெகதீஷ் ஷெட்டருடன், தமிழக முதல்வர் ஜெயலலிதா பெங்களூருவில் பேச்சுவார்த்தை.
டிச.6: தமிழகத்துக்கு உடனடியாக, 10 ஆயிரம் கனஅடி நீரை திறந்து விட சுப்ரீம் கோர்ட் உத்தரவு.
டிச.7: நீர் திறந்து விட முடியாது என எம்.பி.,க்களுடன் பிரதமரை சந்தித்து ஷெட்டர் கூறினார்.
டிச.7: தமிழகத்துக்கு 10 ஆயிரம் கனஅடி நீர் திறப்பு.
டிச.10: தமிழகத்துக்கு 12 டி.எம்.சி., நீர் திறந்து விட சுப்ரீம் கோர்ட் உத்தரவு.
டிச.21: காவிரி நடுவர் மன்ற தீர்ப்பை அரசிதழில் வெளியிட பிரதமருக்கு ஜெ., இரண்டாவது முறையாக கடிதம்.
டிச.25: அரசிதழில் நடுவர் மன்ற தீர்ப்பை வெளியிடக் கூடாது என பிரதமருக்கு ஷெட்டர் கடிதம்.
2013, ஜன.4: காவிரி நடுவர் மன்ற தீர்ப்பை, அரசிதழில் வெளியிட தாமதிக்கும் மத்திய அரசுக்கு சுப்ரீம் கோர்ட் கண்டனம்.
ஜன.11: காவிரி நடுவர் மன்ற இறுதித் தீர்ப்பை அரசிதழில் வெளியிட பிரதமர் முடிவு.
பிப்.4: காவிரி நடுவர் மன்ற இறுதித் தீர்ப்பை, மத்திய அரசு பிப்.20க்குள் கெஜட்டில் வெளியிட சுப்ரீம் கோர்ட் உத்தரவு.
பிப்.9: தமிழகத்துக்கு 2.44 டி.எம்.சி., தண்ணீர் திறப்பு.
பிப்.13: குறைந்த அளவு தண்ணீர் திறந்து விட்ட கர்நாடக அரசு மீது, தமிழகம் அவமதிப்பு வழக்கு தொடர்ந்தது.
பிப்.20: காவிரி நடுவர் மன்ற இறுதித் தீர்ப்பை மத்திய அரசு கெஜட்டில் வெளியிட்டது.
- நமது டில்லி நிருபர் -




Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (100)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
22-பிப்-201306:18:11 IST Report Abuse
ரவி மாணிக்கம் வாழ்த்துக்கள்....
Rate this:
0 members
0 members
0 members
Share this comment
Cancel
P. Kannan - Bodinayakkanur,இந்தியா
21-பிப்-201310:16:31 IST Report Abuse
P. Kannan கடைசிவரை போராடி பெற்ற உரிமை ஜெயா அரசின் சாதனைதான் என்பதை எல்லோரும் ஒத்துக்கொள்ளத்தான் வேண்டும். மிக்க மகிழ்ச்சி .மனமுவந்த பாராட்டுக்கள்.
Rate this:
3 members
0 members
16 members
Share this comment
Cancel
Manoharan J - Bangalore,இந்தியா
21-பிப்-201310:16:13 IST Report Abuse
Manoharan J வாழ்த்துக்கள் .... முதல்வருக்கு ......
Rate this:
1 members
0 members
8 members
Share this comment
Cancel
meekannan - Chennai,இந்தியா
21-பிப்-201310:15:53 IST Report Abuse
meekannan தமிழகத்தின் ஒவ்வொரு முநேற்றதிற்கும் வளர்ச்சிக்கும் அடிப்படை வித்தாக எப்போதும் இருப்பவர் நம் கலைஞர் என்பதை இந்த தீர்ப்பில் இருந்து புலப்படும். 1970,1971ல் நடுவர்மன்றம் அமைக்க சட்டமன்ற தீர்மானம் போட்டு பின்பு அதோடு நின்றுவிட்டதை மீண்டும் தனக்கு ஆட்சி அளித்த மக்களுக்காக 1989ல் உயிர்பித்து அதை செயல் வடிவம் தந்து 1990ல் வி.பி.சிங் ஆட்சி காலத்தில் கருணாநிதியின் வர்புறுத்தனினால் துணிவோடு நடுவர்ம்றம் அமைத்து தந்து அதன் இடைகால தீர்ப்பையும் 1991ல் பெற்று தந்தார் அந்த இடைகால தீர்ப்பை நிறைவேற்ற கோரி அம்மா ஒருநாள் அடையாள உண்ணாவிரதம் இருந்தார் என்பதை நாடறியும். இதன் முடிவாக 2007ல் நடுவர்மன்றத்தின் இறுதி தீர்ப்பை பெற்று தந்தார். இப்படி அவரின் மூலம் கஷ்ட்டப்பட்டு வாங்கப்பட்ட தீர்ப்பை அம்மா ஆட்சிகாலத்தில் அரசிதழில் வெளிவரவைத்ததிற்கு அம்மாவிற்கு நன்றி.
Rate this:
18 members
0 members
4 members
Share this comment
Cancel
JAY JAY - CHENNAI,இந்தியா
21-பிப்-201310:06:59 IST Report Abuse
JAY JAY இதில் தமிழக ஆளும் கட்சி பெருமைபட்டுகொள்ள ஒன்றும் இல்லை... இது முழுக்க முழுக்க அரசியல் காரணம் போலவே தோன்றுகிறது... காங்கிரஸ் கட்சியின் துணை தலைவராக ராகுல் ஆன பிறகு நடக்கும் மாற்றங்களில் இதுவும் ஓன்று... காங்கிரஸ் ஜெயலலிதாவுக்கு வலை வீசுகிறது, மற்றும் செப்டம்பர் மாதம் பாராளுமன்ற தேர்தல் வரும் என்பதற்கான அறிகுறிகள் தான் இவை... ஜெயலலிதாவின் பிறந்த நாளுக்கு காங்கிரஸ் இந்த பரிசை கொடுத்து அம்மையாரை குளிர்விக்க முயற்சி செய்கிறது என்றே தோனுகிறது............... [ ஆனால் அரசிதழில் வந்து விட்டால் மட்டும் தமிழகத்துக்கு தண்ணீர் கிடைக்கும் என்று நினைத்து விட முடியாது...கர்நாடகம் , எங்களது 270 tmc தண்ணீரே எங்களிடம் இருப்பு இல்லை என்று சொன்னால் , 470 tmc தமிழகத்துக்கு எங்கிருந்து கொடுக்க முடியும் என்று அடுத்த கேள்வி எழுப்பும். மீண்டும் இது உச்சமன்றதுக்கு போகும்... இப்படி ஓடும் கதை... சட்டபூர்வமாக மத்திய அரசு ஒத்து கொண்டுள்ளது என்பது மட்டும் தான் நேற்று நடந்தது...ஆனால் இனி தமிழ்நாட்டுக்கு இரண்டு மடங்கு தண்ணீர் விட்டு கொண்டு தான் கர்நாடகம் வேறு வேலை பார்க்கும் என்று நாம் நினைத்தால் நாம் முட்டாள்கள்...] .வரும் பாராளுமன்ற தேர்தலில் ஜெயலலிதா முன்பு உள்ளது மூன்றே சாய்ஸ்.. 1 . மறுபடியும் வெட்கத்தை விட்டு தேமுகவை தாஜா பண்ணி கூட்டணியில் இழுக்க வேண்டும்..இங்கே அதிமுக இழக்க வேண்டியது வெட்கம்.. 2 . தேமுதிக, காங்கிரஸ், திமுக கூட்டணி அமைந்தால் அது அதிமுகவிற்கு மிக பெரிய இழப்பு..அத்தகைய சூழ்நிலையில் அதிமுகவிற்காக வலிய காத்து நிற்கும் காங்கிரசை ஈகோ பாராமால் தனது பக்கம் இழுத்து கொண்டு , அதிமுக, காங்கிரஸ், பாமக கூட்டணி அமைத்தால் , தேமுதிக/திமுக கூட்டணியை கவிழ்துவிடலாம்... இங்கே அதிமுக இழக்க வேண்டியது ஈகோ...3 . இல்லைஎன்றால் திமுக/தேமுதிக/காங்கிரஸ் கூட்டணி அமைந்தால் , ஜெயலலிதா தனித்து நிற்கிறேன் பேர்வழி என்று பாமக/மற்றும் கம்யுனிஸ்ட் மதிமுக ஆகியவற்றுடன் மட்டும் கூட்டணி சேரவேண்டும் அல்லது பாஜக/மதிமுக/பாமக வுடன் கூட்டணி சேர வேண்டும்...இங்கு இழக்க வேண்டியிருப்பது சிறுபான்மையினர் ஓட்டுக்கள்... ஆக மொத்தம் அதிமுக வெட்கத்தை விட்டு, தேமுதிகவை கூட்டணியில் சேர்த்து கொள்வார்களா, அல்லது வெட்கத்தை விட்டு காத்து இருக்கும் காங்கிரசை , அதிமுக ஈகோவை விட்டொழித்து கூட்டணி சேர்த்து கொள்வார்களா என்பது காலத்தின் கையில் உள்ளது, என்றாலும் போட்டி கடுமையாக இருப்பதால் ஜெயலலிதா கடைசி சாய்ஸ் ஐ தான் கடைசியில் தேர்ந்தெடுப்பார் என்பது போல தான் தற்போதைய நிகழ்வுகள் நடக்கின்றன....
Rate this:
6 members
0 members
76 members
Share this comment
Cancel
Mohandhas - singapore,சிங்கப்பூர்
21-பிப்-201310:06:13 IST Report Abuse
Mohandhas சட்டத்தை மதித்தால் தான் இந்த தீர்ப்பு இறுதி தீர்ப்பு,,, கர்நாடகாவில் நடப்பதைபார்த்தல் இதெல்லாம் சட்ட புத்தகத்தோடு நின்று விடுமோ என்ற பயம் வருகிறது..
Rate this:
1 members
0 members
5 members
Share this comment
Cancel
Jeyaseelan - Abu Dhabi,ஐக்கிய அரபு நாடுகள்
21-பிப்-201310:05:59 IST Report Abuse
Jeyaseelan காவேரியில் வரப்போகும் தண்ணீரை விட டாஸ்மாக்கில் வழங்கப்படும் தண்ணீரின் அளவு அதிகரித்துக்கொண்டே வருகிறது. ஆத்தா இதற்கும் ஒரு முடிவு கட்ட வேண்டும். மேலும் தமிழக மக்கள் இறுதி தீர்ப்பு அரசிதழில் வெளிவிட்டதை கொண்டாடுவதில் பெருந்தன்மையோடு கொஞ்சம் அடக்கி வாசிக்க வேண்டும், நமது சிரிப்பு அடுத்தவருக்கு (கர்நாடகவிற்க்கு) எரிச்சலை உண்டுபன்னக்கூடாது.
Rate this:
2 members
0 members
6 members
Share this comment
Cancel
Kannan Chandran - covai,இந்தியா
21-பிப்-201310:01:01 IST Report Abuse
Kannan Chandran தமிழக முதல்வரோட இந்த போராட்ட குணம் என்றும் நிலைத்திருக்க வேண்டுகிறேன்.....
Rate this:
1 members
0 members
7 members
Share this comment
Cancel
itashokkumar - Trichy,இந்தியா
21-பிப்-201309:58:13 IST Report Abuse
itashokkumar ஏங்க இதெல்லாம் கடமைங்க. கடைமையை மீறி என்ன வேலை செய்து இருக்கீங்க டாஸ்மாக் மூலம் மக்களின் பணத்தை சுரண்டி அவர்களை கையாலாகதவர்களாக தெருவில் விடுவதா.
Rate this:
3 members
0 members
3 members
Share this comment
Cancel
K Sanckar - Bengaluru ,இந்தியா
21-பிப்-201309:49:39 IST Report Abuse
K Sanckar அரசாங்க கெஜட்டில் வந்தால் போதாது அம்மா நடைமுறையில் வர வேண்டும். தம்பட்டம் அடித்து கொள்ளாதே
Rate this:
8 members
0 members
5 members
Share this comment
Cancel

உங்கள் கருத்தைப் பதிவு செய்ய :
Login :
( OR )Login with
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.