Advertisement
பதிவு செய்த நாள் : பிப்ரவரி 21,2013,00:29 IST
கருத்துகள் (6)  கருத்தை பதிவு செய்ய
எழுத்தின் அளவு:

அரசிடம் இருந்து வறட்சி நிவாரணம் கிடைக்கும் என, எதிர்பார்த்து ஏமாந்த, டெல்டா மாவட்டங்களை சேர்ந்த, விவசாய தொழிலாளர்கள், வேலை தேடி, கேரள மாநிலத்திற்கு படையெடுத்து வருகின்றனர்.

தஞ்சை, திருவாரூர், நாகை உள்ளிட்ட, டெல்டா மாவட்டங்களில், பெரிய அளவிலான தொழிற்சாலைகள் ஏதும் இல்லாததால், இந்த மாவட்ட மக்களுக்கு, விவசாயம் மட்டுமே, பிரதான தொழிலாக உள்ளது. வறட்சி உள்ளிட்ட காரணங்களால், விவசாய தொழிலில் பாதிப்பு ஏற்படும்போது, இம்மாவட்ட மக்களின் வாழ்வாதாரமும் பாதிக்கப்படுகிறது.டெல்டா மாவட்டங்களில், ஒன்பது லட்சத்திற்கும், மேற்பட்ட விவசாய தொழிலாளர்கள் உள்ளனர். தண்ணீர் தட்டுப்பாடு காரணமாக, கடந்தாண்டு, டெல்டா மாவட்டங்களில், குறுவை சாகுபடி நடக்காததால், விவசாய தொழிலாளர்கள் வேலைவாய்ப்பை இழந்தனர்.

பறிபோனது:இருப்பினும், சம்பா சாகுபடி நடந்தால், அதை வைத்து நிலைமையை சமாளிக்கலாம் என, அவர்கள் காத்திருந்தனர். சம்பா சாகுபடி துவங்கினாலும், வடகிழக்கு பருவமழை ஏமாற்றியதால், தண்ணீரின்றி பயிர்கள் கருகியதால், விவசாய தொழிலாளர்களுக்கான வேலைவாய்ப்பு பறிபோனது. அரசிடம் இருந்து விவசாயிகளுக்கு, ஏக்கருக்கு, 25 ஆயிரம் ரூபாய்; விவசாய தொழிலாளர்களுக்கு, 10 ஆயிரம் ரூபாய் கோரப்பட்டது. இந்த பணத்தை, போக்குவரத்து, உணவு செலவிற்குப் பயன்படுத்தி, வெளிமாநிலங்களுக்கு வேலைக்கு செல்லலாம் என, விவசாய தொழிலாளர்கள் காத்திருந்தனர்.

ஏமாற்றம்:ஆனால், விவசாயிகளுக்கு மட்டும், ஏக்கருக்கு, 15 ஆயிரம் ரூபாய் நிவாரணமாக,

முதல்வர் ஜெ., அறிவித்துள்ளார். விவசாய தொழிலாளர்களுக்கு, அரசிடம் இருந்து, நிவாரணம் தொடர்பான எந்த அறிவிப்பும் வெளியாகவில்லை. இதனால், டெல்டா மாவட்டங்களை சேர்ந்த, லட்சக்கணக்கான விவசாய தொழிலாளர்கள், ஏமாற்றம் அடைந்துள்ளனர்.அதேநேரத்தில், 100 நாள் வேலைத் திட்டம், 150 நாட்களாக உயர்த்தி அறிவிக்கப்பட்டது. மேலும், வேலைவாய்ப்பை ஏற்படுத்தும் வகையில், 15 ஆயிரம் பண்ணை குட்டைகள் அமைக்கப்படும் என்ற அறிவிப்பும், அரசு தரப்பில் வெளியிடப்பட்டது.அரசின் அறிவிப்பு இன்னும் செயல்பாட்டிற்கு வராததால், ஏமாற்றம் அடைந்துள்ள டெல்டா விவசாய தொழிலாளர்கள், வயிற்று பிழைப்புக்கு வழியின்றி, கேரள மாநிலத்திற்கு செல்கின்றனர்.போக்குவரத்து செலவிற்காக, தங்கள் வீட்டில் இருந்த எலக்ட்ரானிக் பொருட்கள், சைக்கிள் உள்ளிட்ட வாகனங்களை, குறைந்த விலைக்கு அவர்கள், விற்பனை செய்து வருகின்றனர். குறிப்பாக, கேரளமாநிலத்தில், பாலக்காடு, திருவனந்தபுரம், எர்ணாகுளம் உள்ளிட்ட பல்வேறு இடங்களுக்கு, டெல்டா விவசாய தொழிலாளர்கள், அதிகளவில் சென்றுள்ளனர்.

ரூ.500 வரை வருமானம்:அங்குள்ள வாழை, தென்னைத் தோட்டங்களில், அவர்கள் பணிஅமர்த்தப்பட்டு வருகின்றனர். டீ கடை, மளிகைக் கடை, கட்டட வேலை, செங்கல் தயாரிப்பு சூளைகளிலும், விவசாய தொழிலாளர்கள், பணியில் சேர்ந்துஉள்ளனர். இதன் மூலம், நாள்தோறும், 300 ரூபாயில் இருந்து அதிகபட்சமாக, 500 ரூபாய் வரை, அவர்களுக்கு கூலி கிடைப்பதாக தெரிகிறது.தனியாக சென்றுள்ள விவசாய தொழிலாளர்கள், தங்கள் குடும்பத்தினரையும், உறவினர்களையும், கேரளாவிற்கு அழைத்து செல்லும் பணியில், தற்போது, ஆர்வம் காட்டி

Advertisement

வருகின்றனர். இதனால், வரும் நாட்களில் டெல்டா மாவட்டங்களை சேர்ந்த, மேலும் பல கூலித் தொழிலாளர்கள், கேரளாவிற்கு படையெடுக்க வாய்ப்புள்ளதாக கூறப்படுகிறது. கேரளா:இதுகுறித்து, தமிழ் மாநில விவசாய தொழிலாளர் சங்க, தஞ்சை மாவட்ட செயலர் பக்கிரிசாமி கூறியதாவது:தஞ்சையில் மட்டும், 4.30 லட்சம் விவசாய தொழிலாளர்கள் உள்ளனர். திருக்காட்டுப்பள்ளி, கும்பகோணம், திருவையாறு, பாபநாசம், ஒரத்தநாடு, பேராவூரணி போன்ற இடங்களை சேர்ந்த, விவசாய தொழிலாளர்கள், அதிகளவில், கேரளாவிற்கு பிழைப்பு தேடி சென்றுள்ளனர்.தஞ்சையில், தென்னை விவசாயம் இருப்பதால், அதை வைத்து பிழைப்பு நடத்தலாம் என, பல தொழிலாளர்கள், இங்கேயே தங்கியுள்ளனர். ஆனால், திருவாரூர், நாகையில்,அதற்கும் வழியில்லாததால், வேலை தேடி, வெளிமாநிலங்களுக்கு செல்வோர் எ ண்ணிக்கை அதிகமாக உள்ளது.

சாப்பாடு:மத்திய அரசின், 100 நாள் வேலைத் திட்டத்தில், பல இடங்களில் குறைந்த பட்சம், 80 ரூபாயும், அதிகபட்சமாக, 110 ரூபாயும், சம்பளம் வழங்கப்படுகிறது. விலைவாசி உயர்ந்துள்ள நிலையில், இந்த பணத்தில் மூன்று வேளை வயிறாற சாப்பிட முடியாத நிலை உள்ளது.பல ஊராட்சி தலைவர்கள், அதிகாரிகளுடன், சேர்ந்து, தங்களுக்கு தேவையானவர்களுக்கு மட்டுமே வேலை வழங்குகின்றனர். இது போன்ற பல்வேறு நெருக்கடியில், சிக்கி தவிக்கும் விவசாய தொழிலாளர்கள் தான், வேறு வழியின்றி, கேரளா செல்கின்றனர்.இதே நிலை தொடர்ந்தால், டெல்டாவில் விவசாய தொழிலாளர்களுக்கு வரும் காலங்களில் பற்றாக்குறை ஏற்படும். இதனால், விவசாயம் அடியோடு பாதிக்கப்படும். இதை கருத்தில் கொண்டு, விவசாயிகளின் வேலைவாய்ப்பை பெருக்க, அரசு உடனடி நடவடிக்கை எடுக்க வேண்டும்.இவ்வாறு, பக்கிரிசாமி கூறினார். - நமது நிருபர் -




Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (6)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
vaidyanathan - Chennai,இந்தியா
26-பிப்-201315:55:16 IST Report Abuse
vaidyanathan unless other wise find permananent solution for cavery water this cannot be sorted out. This problem starts Four to Five decades back off late the problem is very high. Central government should take action to connect Ganga and cavery. Like National Highways, Indian Railways, water management control should bring under central government. Paying compensation is only a temperory solution.
Rate this:
0 members
0 members
0 members
Share this comment
Cancel
Venkat Venkatesan - Chennai,இந்தியா
21-பிப்-201308:23:04 IST Report Abuse
Venkat Venkatesan ஒன்னு பத்திரிக்கைகளும், சமூக ஆர்வலர்களும் அரசாங்கமும் அதிகாரிகளும் என்ன செய்யனும்னு வரிஞ்சு கட்டிகிட்டு பேசுறாங்க, எழுதுறாங்க... இல்லாட்டி, நம்ம மக்கள் இந்த அளவுக்கு கஷ்டப்படுறாங்க, அவங்கள கவனிங்க, அரசு ஒழிக, வாழ்க, மாறுகன்னு குரல் குடுக்குறாங்க (ஆதாயத்த கணக்குபன்னி), அரசும் நலத்திட்டங்க்கள்ங்கிற பேர்ல முதலாளிகள் நட்டத்த மனசுல வச்சு திட்டமோ, சலுகையோ, மானியமோ, உதவியோ வழங்குது... இப்போ பாருங்க, நமக்குலாம் சோறு போடுற தமிழகத்தின் நெல் களஞ்சியம் தஞ்சை...?? நாகை, திருவாரூர்... இதுலல்லாம் ராஜா மாதிரி தாங்கள் உண்டு தங்களோட விவசாயம் உண்டுன்னு செஞ்சுகிட்டு இருந்த விவசாய மக்களோட நிலமைய?... அவங்களுக்கு விவசாயத்த தொடர வேற வழி தெரியாததல, உதவி இல்லாததால இவ்வளவு காலமா செஞ்சுகிட்டு வந்த பரம்பர தொழில விட்டுட்டு, பொழப்பு தேடி பெத்தவங்களையும் சகோதர சகோதரிகளயும், மனைவி மக்களையும் பிரிஞ்சு வெளி மாநிலத்துக்கு வேலைக்கு போற கொடுமைன்னா என்னன்னு... கோடி கணக்குல சுருட்டிகிட்டு குஜால் பண்ணிக்கிட்டு கூத்தடிக்கிற அரசு அதிகாரிகளுக்கோ, அரசியல்வாதிகளுக்கோ எப்ப புரிய போவுது?? வேற மாநிலங்களுக்கு பொழப்பு தேடி போற என் மக்கள எந்த அசம்பாவிதமும் நடக்காம காப்பத வேண்டியது அந்த சாமியோட பொறுப்பு, கவலை படாதிங்க மக்களே, அந்த ஆண்டவனே நம்ம பக்கம்தான்... நிச்சயம் ஒரு வழி பொறக்கும்....
Rate this:
0 members
0 members
8 members
Share this comment
Cancel
21-பிப்-201307:45:59 IST Report Abuse
அறிவாலயம் c / o போயஸ் விவசாயிகளுக்கு நிவாரணத்துக்கு பதில் அடுத்த போகத்துக்கு உரம் பூச்சி மருந்து விதை இடுபோருட்களுக்கு மான்யமாக வழங்கலாம் . பணமாகக் கொடுத்தால் முதலாளியும் தொழிலாளியும் டாஸ்மாக்கில்தான் செலவழிக்க வாய்ப்பு அதிகம்
Rate this:
1 members
0 members
3 members
Share this comment
Cancel
Sivakumar Manikandan - UAE,ஐக்கிய அரபு நாடுகள்
21-பிப்-201304:23:13 IST Report Abuse
Sivakumar Manikandan கேரளா பணக் காரர்கள் BHEL MRF தமிழ் CINEMA & ஹாட் சிப்ஸ் & டி ஷாப் மூலம் வரும் பணத்தை கொண்டு கூடிய விரைவில் தமிழ் நாட்டில் உள்ள அணைத்து விளை நிலங்களை வாங்கி கேரளாவில் வீணாகும் தண்ணீரை தமிழ் நாட்டிற்கு திருப்பி விட்டு விவசாயம் பண்ணினாலும் ஆச்சிரியப் படுவதற்கு இல்லை........அப்படி ஒரு நிலை ஏற்பட்டால் அப்போது கூட கருணாநிதி குடும்பம் மலையாளி குடும்பமாக மாறி அரசியல் பண்ணுவரே தவிர .........தமிழர்களை பற்றி கவலைப் பட மாட்டார் .............அடிப்படை தேவையான மின்சாரம் இல்லை & தண்ணி இல்லை DMK சென்ட்ரலில் இருந்து எதுக்கு ...........மகன் அழகிரி & மகள் கனிமொழியை காப்பாற்றவா?..........தமிழ் இனி மெல்ல தமிழ் மக்களோடு சாகும் ..............சென்னை corporation குப்பை லாரி 9 டிப்போ பராமரிப்பு ஒப்பந்தம் மாண்டியத் மோட்டார் என்ற மலையாளி நிறுவனம் கடந்த 10 வருடம் மேலாக வைத்துள்ளது ....என் தமிழ் நாட்டில் ஆள் இல்லையா?............சினிமா துரை மலையாளி கையில் உள்ளது ...........இடுப்பு அவளுகளுக்கு தான் நல்ல இருக்குமாம் .........திருச்சி பெல் ஏரியா முழுவதும் மலையாளிகள் ........தமிழ் நாட்டில் டி கடை 60% மலையாளிகள் ..............ஏன் நம்ம தமிழ் காரன் டி கடை வைக்க கூடாது ........டி கடை வச்சாலே டெல்ட மாவட்ட விவசாய கூலி எல்லாருக்கும் வேல கிடைச்சிரும் .........ஆனா நம்ம ஆளுகளுக்கு நம்ம தமிழ் நட்டு டி கடையெல டி சாப்புட மாட்டான்.....நம்மளுக்கு கேரளா காரன் போடுற சாக்கட டி தான் புடிக்கும் ............என்னன்னா இனியா நயன் தாரா லட்சுமி மேனன் டி சாப்புடளைஎன கோவிச்சிக் கிருவாங்க .................எப்ப தமிழ் நாட்டுல ஜாதி கட்சிகள் & ஜாதி கட்சி தலைவர்கள் ஒளியிரார்களோ அப்ப தான் நாடு விளங்கும் ...... சென்னைல டி கடை sanks கடை எல்லாமே மலையாளிகள் ..........
Rate this:
8 members
0 members
32 members
Share this comment
Periya-Rasu - Baton Rouge,யூ.எஸ்.ஏ
22-பிப்-201317:14:00 IST Report Abuse
Periya-Rasuமிகவும் சரி . மலையாளிகளின் நிலத்தை பிடுங்கி தமிழ்நாட்டை விட்டு விரட்டுங்க சார்...
Rate this:
2 members
0 members
3 members
Share this comment
23-பிப்-201314:57:25 IST Report Abuse
இந்தியாவின் ஒரு துளிஐய்யா சிவகுமார், பெரிய-ராசு அண்ணனுங்களா... தமிழ்நாடு தனி நாடு இல்லை.. இந்திய துணைக்கண்டத்துல ஒரு பகுதி. ஒரு தமிழ்நாட்டுக்காரனுக்கு இந்த நாட்டுல என்ன உரிமை இருக்குதோ, அதே உரிமை கேரளாக்காரனுக்கும் உண்டு. அந்த உரிமையை வேற மாநிலத்துக்காரன் தரலைன்னா (உதாரணம்: முல்லப்பெரியார்), அதுக்காக உச்சநீதிமன்றம் வரைக்கும் போய்க்கூட சண்டை போடலாம். ஆனா, யாரையும் மாநிலத்தை விட்டு போக சொல்ல யாருக்கும் உரிமை இல்லை. அவங்க உழைக்கறாங்க காசு பாக்கறாங்க. அதே மாதிரி, நம்மா ஆளுங்களும் கேரளா-ல போய் உழைக்கறாங்க காசு பாக்கறாங்க. இதுல என்ன தப்பு? எதுக்கு நிலத்தை பிடுங்கி தமிழ்நாட்டை விட்டு அவங்களை விரட்டணும்? ஆதே மாதிரி அவங்களும் செஞ்சா, நாடு-ன்னு ஒண்ணு இருக்கறதே மறந்து போயிடுமே.. இது மிகவும் ஆபத்தான போக்கு. இன்னிக்கி பக்கத்துக்கு மாநிலத்துக்காரனை விரட்டச் சொல்ற நீங்க, நாளைக்கு உங்க வசதிக்கு, பக்கத்துக்கு மாவட்டக்காரனை விரட்ட சொல்ல மாட்டீங்கன்னு என்ன நிச்சயம்? சிவகுமார் அண்ணன் சொல்லறதுல ஒண்ணு யோசிக்கலாம்: நம்ம ஆளுங்க டீக்கடை போட்டா, ஏன் நம்ம பக்கத்துக்கு மாநிலத்துக்காரன் கடை மாதிரி கூட்டமே வர்றதில்லைன்னு பாக்கணும். (ஆனா, நம்ம அமைச்சர் ஓ. பன்னீர்செல்வம், டீக்கடை வெச்சிதான் முன்னுக்கே வந்தாரு. இன்னும் அவர் ஊருல அந்த டீக்கடை இருக்குதாமே..)....
Rate this:
1 members
0 members
3 members
Share this comment
Cancel

உங்கள் கருத்தைப் பதிவு செய்ய :
Login :
( OR )Login with
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.