போன், இ-மெயில் ஒட்டு கேட்க பாக்., உளவு அமைப்புக்கு அதிகாரம்| Dinamalar

போன், இ-மெயில் ஒட்டு கேட்க பாக்., உளவு அமைப்புக்கு அதிகாரம்

Added : பிப் 22, 2013
Advertisement
 
 
Advertisement
 
 
Advertisement

இஸ்லாமாபாத் : பாகிஸ்தான் உளவு அமைப்புகளுக்கு, அதிக அதிகாரம் அளிக்க வகை செய்யும், போன் மற்றும் இ-மெயில்களை கண்காணிக்க ஏதுவான, "நேர்மையான விசாரணை மசோதா, 2013'ல், அதிபர், ஜர்தாரி நேற்று கையெழுத்திட்டார். இந்த சட்டத்தின் மூலம், உளவு அமைப்புகளின் அதிகார வரம்பு அதிகரித்துள்ளது. "நேர்மையான விசாரணை மசோதா, 2013' பாகிஸ்தான் பார்லிமென்டின் கீழ்சபையான, தேசிய அசெம்ப்ளியில், டிசம்பர், 20ல் நிறைவேற்றப்பட்டது; மேலவையான, செனட்டில், இம்மாதம், 1ம் தேதி நிறைவேறியது. எனினும், இரண்டு சபைகளிலும் பலத்த எதிர்ப்பை, இம்மசோதா சந்தித்தது. தனி நபர் சுதந்திரம் பறிபோய்விடும் என, எதிர்க்கட்சியான, பி.எம்.எல்., - என் மற்றும் முத்தாஹிதா குவாமி இயக்கம் ஆகிய கட்சிகளை சேர்ந்த, எம்.பி.,க்கள் எதிர்ப்பு தெரிவித்து, கடும் அமளியில் ஈடுபட்டனர். அவர்களை சமாதானப்படுத்திய, பிரதமர், ரஜா பர்வேஸ் அஷ்ரப் மற்றும் சட்ட அமைச்சர், பரூக் நயிக் ஆகியோர், "அப்பாவி மக்களுக்கு எதிராக, ஒருபோதும் இந்த சட்டம் தவறாக பயன்படுத்தப்பட மாட்டாது; தீவிரவாதிகளையும், தீவிரவாத செயல்களையும் கட்டுப்படுத்துவதற்கான நடவடிக்கையே இது' என உறுதி அளித்தனர். இந்த மசோதாவில், அதிபர், ஜர்தாரி நேற்று கையெழுத்திட்டதை அடுத்து, சட்டமானது. இனிமேல், சந்தேகத்திற்கு இடமான போன் அழைப்புகள், இ-மெயில் தொடர்புகள் போன்றவற்றை, பாக்., உளவு அமைப்பினர், எந்த நேரத்திலும் ஒட்டு கேட்கவோ, உளவு நடவடிக்கை மேற்கொள்ளவோ முடியும்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை