Dinamalar

தமிழகம் முழுவதும் நில அபகரிப்பு வழக்குகளை விசாரிக்க, அமைக்கப்பட்ட சிறப்பு கோர்ட்கள், கடந்த ஏழு மாதங்களாக, முடங்கிக் கிடக்கின்றன.கடந்த ஆட்சி காலத்தில், தமிழகத்தில் நில விற்பனை வெகு ஜோராக நடந்தது. இதில், தனியாருக்கு சொந்தமான, பல ஆயிரம் ஏக்கர் விவசாயம் மற்றும், பராமரிப்பில்லாத நிலங்கள் விற்கப்பட்டன.
அரசியல்வாதிகள்:தவிர, சில அரசியல்வாதிகளும், நில ஆக்கிரமிப்பாளர்களும், தரிசாக, கேட்பாரற்று கிடந்த, அரசுக்கு சொந்தமான நிலங்களையும், சொந்தமாக்கிக் கொண்டனர்.ஆட்சி மாற்றம் ஏற்பட்டதும், முதல் நடவடிக்கையாக, அரசியல்வாதிகள் அபகரித்த அரசு நிலங்கள் மற்றும் அடாவடியால் வாங்கப்பட்ட விவசாய பூமிகளை, மீண்டும் நில உரிமையாளர்களுக்கே வழங்க, நடவடிக்கை எடுக்கப்பட்டது.

இதற்காக, தமிழகத்தில் சிறப்பு போலீஸ் படை மற்றும் நில அபகரிப்பு வழக்குகளை விசாரிக்கும், சிறப்பு கோர்ட்கள் துவக்கப்பட்டன.கோவை,

திருப்பூர், ஈரோடு, சேலம் மற்றும் நாமக்கல் மாவட்டங்களில், அதிக பரப்பிலான நிலம் அபகரிக்கப்பட்டிருந்தது கண்டுபிடிக்கப் பட்டு, போலீசார் தீவிர விசாரணை மேற்கொண்டனர்.இந்நடவடிக்கையில், பல முக்கிய புள்ளிகள் கைது செய்யப்பட்டு, நிலங்கள் மீட்கப்பட்டன. மேலும் பலர், நடவடிக்கைக்கு பயந்து, நிலங்களை, உரியவர்களுக்கே திருப்பிக் கொடுத்தனர்.
கடந்த ஆண்டு, ஜூலை, 20ம் தேதி, கோவை, திருப்பூர்,ஈரோடு உட்பட, தமிழகம் முழுவதும் முக்கிய நகரங்களில், நில அபகரிப்பு வழக்குகளை விசாரிக்கும், சிறப்பு கோர்ட்கள் திறக்கப் பட்டன; நீதிபதிகள், ஊழியர்கள் நியமிக்கப்பட்டனர். அரசு வழக்கறிஞர்கள் நியமிக்கப்பட இருந்த நிலையில், இக்கோர்ட்களில் விசாரிப்பதற்கான வழக்குகள் பெறப்பட்டன.

விசாரணை:ஒவ்வொரு கோர்ட்டிலும், குறைந்தது, 700 கோடி ரூபாய் மதிப்புள்ள, பல நூறு ஏக்கர் பாசன மற்றும் வறட்சி நிலங்கள் அபகரிக்கப்பட்டது