Advertisement
தினமலர் முதல் பக்கம் » எக்ஸ்குளுசிவ் செய்தி »தமிழ்நாடு
பதிவு செய்த நாள் : மார்ச் 03,2013,01:17 IST
தமிழக போலீசில், 30க்கும் மேற்பட்ட பிரிவுகள் செயல்பட்ட போதிலும், வசூல் பிரிவுகளாக கருதப்படும் உணவு கடத்தல் தடுப்பு பிரிவு, திருட்டு வி.சி.டி., ஒழிப்பு, மதுவிலக்கு, போதை பொருள் தடுப்பு பிரிவு, பொருளாதார, வணிக குற்றப் பிரிவுகளில் பதவிகளை பெறுவதில், அதிகாரிகள் மத்தியில் பலத்த போட்டி நிலவுகிறது.
போலீசில் சட்டம் - ஒழுங்கு, குற்றப்பிரிவு, போக்குவரத்து பிரிவு ஆகிய மூன்று துறைகளும் பிரதானமானதாக காணப்பட்டாலும், இவை தவிர, சி.பி.சி.ஐ.டி.,- எஸ்.பி.சி. ஐ.டி., செக்யூரிட்டி பிராஞ்ச் சி.ஐ.டி., கியூ பிராஞ்ச், வணிக குற்றப்பிரிவு, பொருளாதார குற்றப்பிரிவு, கோர்ட் விஜிலென்ஸ், டிரான்ஸ்போர்ட், மதுவிலக்கு பிரிவு, போதைப் பொருள் ஒழிப்பு பிரிவு என, 30க்கும் மேற்பட்ட பிரிவுகள் செயல்படுகின்றன.
அதிகரிப்பு: இந்த பிரிவுகளில், சாதாரண போலீஸ் முதல், ஏ.டி.ஜி.பி., வரையிலான பதவிகளில், காலிப் பணியிடங்களின் எண்ணிக்கை, நாளுக்கு நாள் அதிகரித்துக் கொண்டே செல்கிறது. கடந்த, 2012 ஜனவரி, 1 நிலவரப்படி (போலீசின் இணைய தள தகவலின் படி) ஏ.டி.ஜி.பி., பணியிடங்கள் நான்கு, ஐ.ஜி., பணியிடங்கள் 10, டி.ஐ.ஜி., பணியிடங்கள் ஆறு, எஸ்.பி., பணியிடங் கள் ஒன்பது பணியிடங்கள் காலியாக உள்ளன. மேலும் துணை கமிஷனர் பணியிடங்கள் (ஆயுதப்படை பிரிவு) இரண்டு, ஏ.டி.எஸ்.பி., பணியிடங்கள் 77, ஏ.டி.எஸ்.பி., ஆயுதப்படை பணியிடம் எட்டு,
போலீசில் சட்டம் - ஒழுங்கு, குற்றப்பிரிவு, போக்குவரத்து பிரிவு ஆகிய மூன்று துறைகளும் பிரதானமானதாக காணப்பட்டாலும், இவை தவிர, சி.பி.சி.ஐ.டி.,- எஸ்.பி.சி. ஐ.டி., செக்யூரிட்டி பிராஞ்ச் சி.ஐ.டி., கியூ பிராஞ்ச், வணிக குற்றப்பிரிவு, பொருளாதார குற்றப்பிரிவு, கோர்ட் விஜிலென்ஸ், டிரான்ஸ்போர்ட், மதுவிலக்கு பிரிவு, போதைப் பொருள் ஒழிப்பு பிரிவு என, 30க்கும் மேற்பட்ட பிரிவுகள் செயல்படுகின்றன.
அதிகரிப்பு: இந்த பிரிவுகளில், சாதாரண போலீஸ் முதல், ஏ.டி.ஜி.பி., வரையிலான பதவிகளில், காலிப் பணியிடங்களின் எண்ணிக்கை, நாளுக்கு நாள் அதிகரித்துக் கொண்டே செல்கிறது. கடந்த, 2012 ஜனவரி, 1 நிலவரப்படி (போலீசின் இணைய தள தகவலின் படி) ஏ.டி.ஜி.பி., பணியிடங்கள் நான்கு, ஐ.ஜி., பணியிடங்கள் 10, டி.ஐ.ஜி., பணியிடங்கள் ஆறு, எஸ்.பி., பணியிடங் கள் ஒன்பது பணியிடங்கள் காலியாக உள்ளன. மேலும் துணை கமிஷனர் பணியிடங்கள் (ஆயுதப்படை பிரிவு) இரண்டு, ஏ.டி.எஸ்.பி., பணியிடங்கள் 77, ஏ.டி.எஸ்.பி., ஆயுதப்படை பணியிடம் எட்டு,
திணறல்: தமிழகத்தில், குற்றச் செயல்களை தடுக்கும் வகையில், காலிப் பணியிடங்களை அரசு, நிரப்ப முன் வந்த போதும், போலீஸ் அதிகாரிகள் தங்களுக்குள் போட்டி போட்டுக் கொண்டு நீதிமன்ற படி ஏறுவதால், பணியிடங்களை நிரப்ப முடியாமல் அரசு திணறி வருகிறது. இதை சரி செய்யும்
வகையில், 12 ஆயிரத்து, 200 போலீசார் சமீபத்தில் தேர்வு செய்யப்பட்டு, அவர்களுக்கு பயிற்சியும் வழங்கப்பட்டு வருகிறது. ஆனால், எஸ்.ஐ., இன்ஸ்பெக்டர், டி.எஸ்.பி., - ஏ.டி.எஸ்.பி., - எஸ்.பி., அந்தஸ்திலான பணியிடங்களுக்கு பதவி உயர்வு மூலம் நிரப்ப முடிவு செய்யப்பட்டது. ஆனால், பதவி உயர்வில் அதிகாரிகள் இடை யே நிலவும் போட்டியால், நீதிமன்றங்களுக்கு செல்வதும், தடை உத்தரவு பெறுவதும் தொடர் கதையாக உள்ளதால், பணியிடங்கள் நிரப்பப்படாமல் உள்ளன. போலீசில், 1979ல் எஸ். ஐ.,யாக பணியில் சேர்ந்து, தற்போது டி.எஸ்.பி.,க் களாக உள்ள, 113 பேருக்கு, ஏ.டி.எஸ்.பி., யாக பதவி உயர்வு வழங்க அரசாணை பிறப்பிக்கப்பட்டது. ஆனால், அந்த உத்தரவு நடை முறைப்படுத்தும் முன்னரே, சில அதிகாரிகள் நீதிமன்றம் சென்றதால், தடை பட்டு உள்ளது.
Advertisement
ஏ.டி.எஸ்.பி., பணி உயர்வு
ஒத்திவைக்கப்பட்டதால், இன்ஸ்பெக்டரில் இருந்து, டி.எஸ்.பி., எஸ்.ஐ.,யில் இருந்து இன்ஸ்பெக்டர் என, அனைத்து பணியிடங்களுக்கும் பதவி உயர்வு வழங்குவதில் சிக்கல் ஏற்பட்டுள்ளது. இது ஒரு புறம் இருக்க, தற்போது பதவி உயர்வை எதிர்பார்த்து இருக்கும்,
டி.எஸ்.பி.,க்கள், இன்ஸ்பெக்டர்கள், எஸ்.ஐ.,க்கள் போலீசில் வருமானம்
அதிகமுள்ள துறைகளை தேர்வு செய்து, அதை கைப்பற்ற களம் இறங்கி உள்ளனர். இதற்கு அதிகாரிகள் மத்தியில் பலத்த போட்டி ஏற்பட்டு, பதவிக்கு தக்க பேரம் நடத்தப்பட்டு வருகிறது.மவுசு: அந்த வகையில் அதிகாரிகள் மத்தியில், உணவு கடத்தல் தடுப்பு பிரிவு முதன்மை இடத்தை பெற்றுள்ளது. இரண்டாவதாக திருட்டு வி.சி.டி., ஒழிப்பு பிரிவு, மூன்றாவதாக மதுவிலக்கு பிரிவு, நான்காவதாக பொருளாதார குற்றப்பிரிவு, ஐந்தாவதாக வணிக குற்றப்பிரிவுக்கு, அதிகாரிகள் மத்தியில் மவுசு அதிகரித்து உள்ளது. மேலும், மேல் அதிகாரிகளின் நன்மதிப்பை பெறும் வகையில், வழக்குகளும் பதிவு செய்து விடலாம் என்பதால், இந்த பிரிவுகளில் பணியிடம் பெற, அதிகாரிகள் மத்தியில் கடும் போட்டி நிலவுகிறது. இதற்காக உயர் அதிகாரிகளை பிடித்து, பணியிடம் பெறவும் காய் நகர்த்தி வருகின்றனர்.
- நமது சிறப்பு நிருபர் -
மேலும் எக்ஸ்குளுசிவ் செய்திகள்:
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
(8)
arul - chennai,இந்தியா
தமிழ் நாட்டில் எந்த கட்சி ஆண்டாலும் போலீஸ் கொள்ளை அடிப்பதை நிறுத்துவதில்லை, மாமுல் வாங்கி கோடி கோடி பணம் சேர்கிறார்கள்.
Share this comment
Abdul rahim - Thanjavur,இந்தியா
எப்படிங்கடா நமது நாடு உருப்படும்
Share this comment
ashok - madurai,இந்தியா
நீங்கள் சொல்லுவதை பார்த்தால் பல போலீஸ் கோடீஸ்வரர்களை இந்த வருடம் பார்க்கலாம் போல. இன்றைக்கு பதவியில் உள்ள போலீஸ் அதிகாரிகளின் சொத்துக்களை கண்காணிக்க மாவட்ட ரீதியாக ஒய்வு பெற்ற நீதிபதிகளின் கண்காணிப்பில் குழுக்களை ஏற்படுத்த வேண்டும். தவறான வழியில் சொத்து சேர்த்த அதிகாரிகளின் சொத்துக்களை(மகள்,மருமகன்,சம்பந்தி பெயரில் சொத்து வாங்கி மாற்றும்) பறிமுதல் செய்ய வேண்டும். இதன் மூலம் தமிழகத்தின் கடனை அடைக்க அரசு முயற்சிக்க வேண்டும். உண்மையான தகவல் தரும் நபர்களுக்கு அரசு விருது வழங்கி அரசு பணியில் சேர்க்க முன்னுரிமை அளிக்க வேண்டும்.
Share this comment
கபாலி - Faraway Land,அன்டார்டிகா
எவ்வளவு மவுசு இருந்து என்ன செய்ய... ஓட்டல்ல தின்னுட்டு போற போக்கிலே கேஷியருக்கு சல்யுட் அடிக்கிரவுங்களும் கண்ணுல படறாங்களே.
Share this comment
g.s,rajan - chennai ,இந்தியா
திருடர்கள் சீருடையில் இருப்பதைப்போலத்தான் அர்த்தம் .அவர்கள் இல்லாமல் இருப்பதால் திருடுகிறார்கள் ,ஆனால் இவர்கள் இருந்தும் திருடுகிறார்கள் .காவல் துறை நிமிர்ந்து நடப்பது எப்போது ?
ஜி.எஸ்.ராஜன்
சென்னை .
Share this comment
Tasmac Priyan - chennai,இந்தியா
மதுவிலக்கு என்று ஒரு பிரிவா? அங்கே என்ன செய்கிறார்கள்?
Share this comment
Bala G - brisbane ,ஆஸ்திரேலியா
எவ்வளவு கேவலமாக இருக்கிறது. இவர்களைப் போன்றோர்களால் நாட்டில் சட்டம் ஒழுங்கு நிலைமை எப்படி நல்ல நிலைமையில் இருக்கும். லஞ்சம் வாங்கினால் உடனடி டிஸ்மிஸ் மற்றும் குண்டர் சட்டம் பாய்ந்தால் ஒருவனும் காசு வாங்க மாட்டான். குற்றம் செய்தவன் எவனாக இருந்தாலும் உள்ளே போக வேண்டியதுதான். ஒழுங்காக வேலையும் செய்வார்கள். அப்படி சட்டம் கொண்டு வர யாருக்கு தைரியம் இருக்கிறது.ஆள்பவர்களே லஞ்சத்தில் குளிக்கும்போது இவர்களும் தன் பங்கிற்கு தங்கள் வேலையை காண்பிக்கிறார்கள். மக்களாகிய நாம் திருந்தாதவரை நம் நாட்டை யாராலும் திருத்த முடியாது.
Share this comment
மதுரை விருமாண்டி - சான் ஹோஸே, கலிபோர்னியா ,யூ.எஸ்.ஏ
நம்ம பூலீஸ் மந்திரியின் சுத்தம் இப்பவாவது சொம்புகளுக்கு புரியுதா ?? இல்லை, இதுவும் அவகளுக்கு தெரியாமா நடக்குதுன்னு காத்து குத்தப் போறீங்கள ? ஒரு இட மாற்றத்திற்கு பல லட்சங்கள் முதல் சில கோடிகள் வரை லஞ்சம் புரளும் பணி இடங்கள் ஆயிரக்கணக்கில் உள்ள அசிங்கமான துறைகளில் போலீஸ் துறை முதலிடம் வகிக்கிறது.. இதை வளர்த்து விட்டவர் இவர் இல்லை என்று சொல்லி விட்டு நெருப்புக் கோழிகள் போல் தலையை மண்ணுக்குள் புதத்தைதுக் கொண்டு இருட்டில் இருந்தால் இதெல்லாம் தெரியாது தான்.. அன்னை தெரசாவின் வாரிசு போல நாடகம் ஆடிக் கொண்டு, நாட்டை தரிசாக்கிக் கொண்டிருக்கும் கும்பலின் தலைவியை விரட்ட, மக்கள் என்று தான் கண் விழிப்பார்களோ...
Share this comment
உங்கள் கருத்தைப் பதிவு செய்ய :
( OR )Login with
New to Dinamalar ?
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
இ-புத்தகம் | வர்த்தகம் | வரி விளம்பரங்கள் | புத்தகங்கள் | உலக தமிழர் செய்திகள் | Advertisement Tariff | வாசகர் கடிதம் | International Edition | Font Help? | Dinamalar Publications
Copyright © 2013 Dinamalar - No :1 Tamil News Website. Designed and Hosted by Web Division,Dinamalar. | Contact us
Copyright © 2013 Dinamalar - No :1 Tamil News Website. Designed and Hosted by Web Division,Dinamalar. | Contact us