Advertisement
தினமலர் முதல் பக்கம் » பொது செய்தி »தமிழ்நாடு
பதிவு செய்த நாள் : மார்ச் 04,2013,23:06 IST
சென்னை: பல கட்ட சட்டப் போராட்டங்களை கடந்து, 11 ஆண்டுகளுக்குப் பின், கூட்டுறவுத் தேர்தல் அறிவிக்கப்பட்டு உள்ளது. "கூட்டுறவு சங்கங்களுக்கான தேர்தல், ஏப்., 5ம் தேதி துவங்கி, மே 6ம் தேதி வரை, ஐந்து கட்டங்களாக நடக்கும்' என, தமிழக கூட்டுறவு தேர்தல் ஆணையர் மோகன் அறிவித்துள்ளார். லோக்சபா தேர்தலுக்கு முன், தமிழக கட்சிகளுக்கு பலப்பரீட்சையாக இது அமையும் என, எதிர்பார்க்கப்படுகிறது.
"உள்ளாட்சி தேர்தலைப் போல, கூட்டுறவு சங்கங்களின் தேர்தலை, ஐந்தாண்டுகளுக்கு ஒருமுறை கட்டாயம் நடத்த வேண்டும்' என, மத்திய அரசு சட்ட திருத்தம் கொண்டு வந்துள்ளது.
"உள்ளாட்சி தேர்தலைப் போல, கூட்டுறவு சங்கங்களின் தேர்தலை, ஐந்தாண்டுகளுக்கு ஒருமுறை கட்டாயம் நடத்த வேண்டும்' என, மத்திய அரசு சட்ட திருத்தம் கொண்டு வந்துள்ளது.
22,532 சங்கங்கள்: இதையடுத்து, முதல்முறையாக, கூட்டுறவு தேர்தலை நடத்த, தனி தேர்தல் ஆணையத்தை, தமிழக அரசு அமைத்துள்ளது. இயங்காத கூட்டுறவு சங்கங்களை நீக்கி, தேர்தல் நடத்தப்படுகிறது. கூட்டுறவு தேர்தல் குறித்து, ஆணையர் மோகன் அறிக்கை: கூட்டுறவு சங்கங்களின் பதிவாளர், பால் வளம், மீன் வளம், தொழில் வணிகம், கதர், கிராம தொழில்துறை ஆணையர்கள், கைத்தறி, கால்நடை பராமரிப்பு, சர்க்கரை, வீட்டுவதி, சமூக நலம், வேளாண் துறை இயக்குனர்கள் கட்டுப்பாட்டில் உள்ள, 22 ,532 கூட்டுறவுச் சங்கங்கள் இயங்குகின்றன. இவற்றுக்கான தேர்தல், ஐந்து கட்டங்களாக நடக்கின்றன. முதல் கட்டமாக, கூட்டுறவு விற்பனை சங்கங்களை தவிர, இதர தொடக்க கூட்டுறவு சங்கங்களுக்கு தேர்தல் நடத்தப்படும்.
கட்டுப்பாட்டு அறை: தேர்தல் குறித்த விவரங்களை பெறவும், புகார்களை தெரிவிக்கவும், தேர்தல் ஆணைய அலுவலகத்தில், 24 மணி நேரமும் இயங்கும் கட்டுப்பாட்டு அறை துவங்கப்பட்டு உள்ளது. 044 -
24351403 என்ற தொலைபேசி எண்ணில், கட்டுப்பாட்டு அறையை தொடர்பு கொள்ளலாம்.
சட்டம் - ஒழுங்கு பிரச்னை ஏற்படும் என,
Advertisement
கண்டறியப்படும் கூட்டுறவு சங்கங்களுக்கு போலீஸ் பாதுகாப்பு அளிக்கப்படும். ஓட்டுப் பதிவு மற்றும் ஓட்டு பெட்டிகள் பாதுகாப்பு, ஓட்டு எண்ணிக்கை ஆகியவற்றுக்கும், உரிய போலீஸ் பாதுகாப்பு ஏற்பாடு செய்யப்படும். இவ்வாறு அறிக்கையில் கூறப்பட்டுள்ளது. லோக்சபா தேர்தலுக்கு, அதிகபட்சமாக, 10 மாதங்களே உள்ள நிலையில், நடக்க இருக்கும் கூட்டுறவு சங்க தேர்தலிலும், அதன் தாக்கம் இருக்கும் என, எதிர்பார்க்கப்படுகிறது.
மேலும் முதல் பக்க செய்திகள்:
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
(21)
Yoga Kannan - Al Buraidh,சவுதி அரேபியா
அப்படி எல்லாம் இல்லைங்க அல்போன்ஸ் .... சம்பத் அங்க இருக்காருள்ள அந்த விசுவாசத்துள சொல்லுறாரு செந்தமிழ் கார்த்திக் ... யாராரு எந்தந்த கூட்டுறவுக்குன்னு முடிவு பண்ணுன பிறகு தானே THERTHAL தேதியே அறிவிச்சிருகங்கா.... இது ஒன்னும் முன்னோட்டமும் இல்ல பின்னோட்டமும் இல்ல ... காவிரி நடுவர் மன்ற தீர்ப்பு மாதிரி நான் தான் என்று பெருமை பட்டுகெலாம்....
Share this comment
ANBE VAA J.P. - madurai,இந்தியா
எதுக்கு இந்த தேர்தல் சடங்கு எல்லாம் ஏற்கனவே ஆளும் கட்சி காரங்க ,விவசாயிகள் இல்லாத பிறந்த குழந்த முதல் பழம் கிழம்வரை சங்க உறுபினரா சேர்த்து அவர்களுக்கு தேவையான போலி ஆவணத்த ரெடி பண்ணியாச்சு அதற்கு பின்னாடிதான் இந்த தேர்தல் அறிவிப்பே வருது எதிர் ,எதிரி கட்சியெல்லாம் எப்படியும் காணாம போயிரும் அதனால் ஆளும் கட்சியே தனக்கு வேண்டியவர்களை சங்க பிரநிதிகளாக நியமித்து ,தேர்தலுக்கு ஆகும் செலவை மிச்ச படுத்தலாம்
Share this comment
Pugal - Kovai ,இந்தியா
கூட்டுறவு சங்கத் தேர்தலுக்கும் பொது வாக்காளர்களுக்கும் எந்த சம்பந்தமும் இல்லாத போது, இது எப்படி பாராளுமன்ற தேதளுக்கான பலப் பரீட்சை என்று கூற முடியும்? அந்த சங்கங்களில் உறுப்பினர்கள் ஆளும் கட்சியினர் மட்டுமே பெரும்பான்மை எண்ணிக்கையில் இருக்கிறார்கள் என்பது அந்தக் கட்சிக் காரர்களே ஒத்துக் கொள்ளும் நிஜம். சும்மா இப்படியெல்லாம் கிளப்பிவிடுவதில் அர்த்தமே இல்லை.
Share this comment
arul - trichy,இந்தியா
முதலிலில் கூட்டுரவு சங்க உதவியாளர் தேர்வின் முலம் தேர்வு செய்த வர்களின் பட்டியலை வெளி விடுங்கள் ,அப்புறம் தேர்தலை நடத்துங்கள்
Share this comment
ஆரூர் ரங - chennai,இந்தியா
கூட்டுறவு சங்கங்கள் சரியாக செயல்பட்டால் அது விதிமீறல் வணிகவளாகங்கள் கட்டி கொள்ளையடிக்கும் வணிகர்களுக்கு வேட்டு வைக்கும் மொத்த விற்பனையாளர்கள் இந்த சங்கங்கள் உயிரோடு இருப்பதையே விரும்புவதில்லை விலைவாசி குறைந்துவிடுமே கலப்பட வணிகம் அழிந்துவிடுமே.அந்நிய சில்லறை வணிகம் எடுபடாமல் போய்விடுமே . எனவே அவர்கள் கூட்டுறவு இயக்கங்களை அழிக்கவே முயற்சிப்பர். மக்கள்தான் அரசியல்வாதிகளை இந்தத் தேர்தலில் நிற்கவிடாமல் /வெல்லமுடியாமல் விரட்டி அடிக்கவேண்டும் .
Share this comment
Kanal - Chennai,இந்தியா
பெரும்பாலான கூட்டுறவு சங்களில் அதிமுகவினர் மட்டுமே உறுப்பினர்கள் ஆக முடிகிறது. ஆட்சி அதிகாரத்தை கையில் வைத்துக்கொண்டு கூட்டுறவுத்தேர்தலில் வெற்றி பெற ஆளும் கட்சி முனைகிறது. ஏற்கனவே ஊழல் பெருக்கெடுத்து ஓடும் அவலநிலையில் கூட்டுறவுச்சங்களிலும் தங்கள் திருவிளையாடலை ஆரம்பிக்க உள்ளனர் அதிமுகவினர். மந்திரிகளின் மகா ஊழல் காரணமாக உளவுத்துறையின் எச்சரிக்கையின் விளைவாக அடிக்கடி டிஸ்மிஸ் செய்யப்படுவது வழியாக ஊழல் பணம் ஒழுங்காக செட்டில் செய்யப்படாதையும் காட்டுகிறது. மொத்தத்தில் கூட்டுறவுத் தேர்தல் தேவையற்ற ஒருகூத்து இப்போது
Share this comment
VENKATESWARAN V - coimbatore,இந்தியா
நிச்சயமாக உள்ளாட்சி தேர்தலிலாவது மக்கள் ஓட்டு போட்டார்கள். கூட்டறவு தேர்தல் அப்படியில்லையே. பிறகு எப்படி இதனை பாராளுமன்ற தேர்தலுக்கான பலபரீட்சை என்று கூறமுடியும்?...
Share this comment
villupuram jeevithan - villupuram,இந்தியா
இம்மாதிரி கூட்டுறவு சங்க தேர்தல்கள் நேர்மையாகவோ, சுதந்திரமாகவோ நடை பெறவில்லை திமுகவின் கடந்த கால ஆட்சியிகளில். திமுக ஆட்சியில் சென்னை மாநகர தேர்தல் நடந்தவிதம் டிவியில் தான் பார்த்தோமே? உயர்நீதிமன்றமும் இடித்துரைத்ததே? இப்போது அந்த அளவு முறைகேடு நடக்க வாய்ப்பில்லை. ஆனால் இத்தேவ்ர்தல்கள் மூலம் பலப்பரிட்ச்சை என்று சொல்லுவதெல்லாம் அபத்தம் தான்.
Share this comment
முட்டாள் - kingston,ஜமைக்கா
அருமை சகோ
Share this comment
குடியானவன்-Ryot - தண்ணீர் இல்லா தேசம் ,இந்தியா
கறவை மாடு இல்லாதவன் பால் உற்பத்தியாளர் கூட்டுரவு சங்க உறுப்பினர், விவசாய நிலம் இல்லாதவன் விவசாய கூட்டுரவு சங்க உறுப்பினர். இதில் என்ன கொடுமை என்றால் உறுப்பினர் படிவத்தை மொத்தமாக அதிமுக தொண்டர்கள் தான் விநியோகிக்கிறார்கள் அதனால் என்னை போன்ற உண்மையான விவசசாயிகளுக்கு உறுப்பினர் படிவம் கண்டிப்பாக கொடுக்கமாட்டார்கலாம். இதையெல்லாம் எங்கள் பகுதி விவசாய கூட்டுறவு சங்க செயலாளரிடம் கேட்டால் பதில் மௌனம். இதையெல்லாம் பார்க்கும்போது விவசாயிகளுக்கு பயிர்கடன் வழங்கி உதவும் கூட்டுறவு வங்கி மற்றும் பால் கூட்டுறவு சங்கங்கள் மூடுவிழா காணும்நாள் தொலைவில் இல்லை என்று மட்டும் தெரிகிறது.
Share this comment
செந்தமிழ் கார்த்திக் - NamakkaL to ChennaI,இந்தியா
நீங்க ryot ல இருக்கீங்க , அப்பறம் எப்படி கேட்டிங்க ???...
Share this comment
ஆரூர் ரங - chennai,இந்தியா
கறவை மாடு இல்லாதவன் மட்டுமல்ல. பசுவுக்கும் காளைக்கும் வித்தியாசம் தெரியாதவன்கூட ஆவின் சங்கத்தில் இருக்கிறான்...
Share this comment
குடியானவன்-Ryot - தண்ணீர் இல்லா தேசம் ,இந்தியா
Ryot என்பது பிறமொழி சொல். அது உழவன், குடியானவன் என்று பொருள் . In Andhra you can see lot of Ryot Bazzar it is உழவர் சந்தை in Tamil Nadu...
Share this comment
குடியானவன்-Ryot - தண்ணீர் இல்லா தேசம் ,இந்தியா
//பசுவுக்கும் காளைக்கும் வித்தியாசம் தெரியாதவன்கூட ஆவின் சங்கத்தில் இருக்கிறான்// காளை மாடுகளை இனபெருக்கதுக்கு பயன்படுத்துவார்கள் அவர்களை மன்னித்து விடுங்க பாஸ்.......
Share this comment
Thangairaja - Dammam,சவுதி அரேபியா
ம்ஹூம்.....பலப்பரீட்சை.......? அதுவும் அதிமுக ஆட்சியில்? கோடிகளையும் அடிப்பொடிகளையும் வைத்து ஆக்கிரமிப்பு நடத்த இப்போது தான் காலம் கணிந்தா .....மிரட்டி பெறப்போகும் இந்த வெற்றியை சாதனையாக காண்பித்து லோக்சபா தேர்தலில் கில்லி அடிக்கலாம் என்ற கனவு. எல்லா கனவுகளும் பலித்து விடுவதில்லை...அதிலும் இது பகற்கனவு.
Share this comment
செந்தமிழ் கார்த்திக் - NamakkaL to ChennaI,இந்தியா
அதிமுக வெற்றி பெற்றாலும் , திமுக வெற்றி பெறவே கூடாது என்பதில் மக்கள் உறுதியாக தான் உள்ளனர்.. அதனால் நீங்க இன்னும் ஒய்வு எடுக்கலாம் .......
Share this comment
s.maria alphonse pandian - mettur,இந்தியா
இலங்கை பிரச்சனை பற்றி பேசி மக்களை உசுப்பேத்தி விட்டு கொண்டிருந்த வைகோவை கைது செய்து பொடா சட்டத்தில் உள்ளே தள்ளி நொங்கு எடுத்தார் ஜெயா என்பதர்காக ..அண்ணா திமுக வெற்றி பெற வேண்டும் என நண்பர் செந்தமிழ் எண்ணுவதில் தவறில்லை என்றே எண்ணுகிறேன்........
Share this comment
villupuram jeevithan - villupuram,இந்தியா
செந்தமிழ் மட்டுமல்ல, எல்லோரையும் உசுப்பேத்தி வருகிறீர்? என்ன இன்னிக்கி எத்தனை தடவை உசுப்பேத்தி என்று வார்த்தையை உபயோகித்திருக்கிரீர்? இப்படி உங்களை உசுப்பேத்தியவர் கருணா தானே?...
Share this comment
Pa. Saravanan - Kovai,இந்தியா
யார்தான் வைகோவை சரியாக நடத்தினார்கள்? விடுதலைப்புலிகளோடு சேர்ந்துகொண்டு என்னைக் கொலை செய்ய முயற்சி செய்தார் என்று கொலைப்பழி சுமத்தினார்கள்.... கொலைப் பழியைவிட, போராளி என்று நிரூபித்த சிறைவாசம் மேலானதுதான். இலங்கைப் பிரச்சனையைப் பற்றிப் பேசுவது மக்களை உசுப்பேற்றவா? உங்கள் சக தமிழன் கொல்லப்படுவது உங்களை பாதிக்கவில்லையா? தமிழனாகவே இருக்க வேண்டாம், எந்த இனத்தைச் சார்ந்த அப்பாவிப் பொதுமக்களும் கூட்டம் கூட்டமாகக் கொல்லப்படுவது கண்டிக்கத்தக்கதில்லையா? உங்கள் வார்த்தையிலிருந்து இலங்கைக்காகப் போராடுவது தேவையற்றது, கால விரயம் என்று நீங்கள் கருதுவது புரிகிறது. இதுதான் ஒட்டுமொத்த தி.மு.க வினரின் கருத்தா? அதனால்தான் உங்கள் தலைவர் ஆட்சியில் இருந்தபோது கண்டனம் கூடத் தெரிவிக்காமல் கூட்டணி தர்மத்தைக் கடைப்பிடித்தாரா? அப்படியென்றால் உங்கள் தலைவர் இப்போது டெசோ நடத்துவதும் வெறும் உசுப்பேற்றத்தானா? தேர்தலுக்காகத்தானா? நானும் இருக்கிறேன் என்று காட்டிக்கொள்ளத்தானா? போராட இல்லையா? அட தட்சிணாமூர்த்தி.........
Share this comment
உங்கள் கருத்தைப் பதிவு செய்ய :
( OR )Login with
New to Dinamalar ?
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
இ-புத்தகம் | வர்த்தகம் | வரி விளம்பரங்கள் | புத்தகங்கள் | உலக தமிழர் செய்திகள் | Advertisement Tariff | வாசகர் கடிதம் | International Edition | Font Help? | Dinamalar Publications
Copyright © 2013 Dinamalar - No :1 Tamil News Website. Designed and Hosted by Web Division,Dinamalar. | Contact us
Copyright © 2013 Dinamalar - No :1 Tamil News Website. Designed and Hosted by Web Division,Dinamalar. | Contact us