லஞ்ச வழக்கில் சிறை தண்டனை ரத்து : ஐகோர்ட் உத்தரவு| Dinamalar

கோர்ட் செய்தி

தமிழ்நாடு

லஞ்ச வழக்கில் சிறை தண்டனை ரத்து : ஐகோர்ட் உத்தரவு

Added : மார் 17, 2013
Advertisement
 
 
Advertisement
 
 
Advertisement

மதுரை: லஞ்ச வழக்கில், குற்றச்சாட்டுகள் சந்தேகத்திற்கு இடமின்றி நிரூப்பிக்கப்படாததால், ராஜபாளையம் வருவாய் உதவியாளருக்கு, கீழ்கோர்ட் விதித்த, மூன்று ஆண்டு சிறை தண்டனையை, மதுரை ஐகோர்ட் கிளை ரத்து செய்தது. விருதுநகர் மாவட்டம், ராஜபாளையத்தைச் சேர்ந்தவர் சேதுராஜ். இவர், 2002ல், நிலத்திற்கு பட்டா கோரி மனு செய்தார். வருவாய் உதவியாளர் வெங்கடேசன், லஞ்சம் கேட்டதாக, லஞ்ச ஒழிப்பு போலீசாருக்கு, சேதுராஜ் தகவல் கொடுத்தார். 300 ரூபாய் லஞ்சம் பெற்றதாக, வெங்கடேசனை போலீசார் கைது செய்தனர். தலைமை மாஜிஸ்திரேட் கோர்ட், அவருக்கு மூன்று ஆண்டு சிறை தண்டனை, 2,000 ரூபாய் அபராதம் விதித்து, 2009 அக்., 22 ல், உத்தரவிட்டது. இதை எதிர்த்து, மதுரை ஐகோர்ட் கிளையில், வெங்கடேசன் மேல்முறையீடு செய்தார். நீதிபதி, அருணாஜெகதீசன் முன், மனு விசாரணைக்கு வந்தது. மனுதாரர் வக்கீல் ரவிசங்கர், ""மனுதாரர் மீது, தாமதமாக புகார் செய்யப்பட்டு உள்ளது; அதற்கு தகுந்த காரணங்கள் இல்லை. வழக்கு தொடர அனுமதி பெற்றதற்கான ஆவணங்கள் தாக்கல் செய்யப்படவில்லை,'' என்றார். நீதிபதி, "மனுதாரர் மீதான குற்றச்சாட்டுகள் சந்தேகத்திற்கு இடமின்றி நிரூபிக்கப்படவில்லை. கீழ்கோர்ட் தீர்ப்பு ரத்து செய்யப்படுகிறது. சந்தேகத்தின் பலனை சாதகமாக்கி, மனுதாரரை விடுதலை செய்ய உத்தரவிடப்படுகிறது' என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை