கர்நாடகாவுக்கு அரிசி கடத்தல்; பெண்கள் உட்பட மூவர் கைது| Dinamalar

சம்பவம் செய்தி

தமிழ்நாடு

கர்நாடகாவுக்கு அரிசி கடத்தல்; பெண்கள் உட்பட மூவர் கைது

Updated : மார் 18, 2013 | Added : மார் 18, 2013
Advertisement
 
 
Advertisement
 
 
Advertisement

கூடலூர்:முதுமலை தெப்பக்காடு வழியாக கர்நாடகாவுக்கு கடத்த முயன்ற 450 ரேஷன் அரிசி பறிமுதல் செய்யப்பட்டு, இரு பெண்கள் உட்பட 3 பேரை போலீசார் கைது செய்தனர்.நீலகிரி மாவட்டம் முதுமலை புலிகள் காப்பகம் தெப்பக்காடு அருகே, பிக்-அப் ஜீப்பில் ரேஷன் அரிசி கடத்துவதாகவும், குடிமை பொருள் வழங்கல் குற்ற புலனாய்வு துறைக்கு தகவல் கிடைத்தது. புலனாய்வு துறை சப்-இன்ஸ்பெக்டர் திலீப் மற்றும் போலீசார் நேற்று முன்தினம் தெப்பகாடு பகுதியில் சோதனையில் ஈடுபட்டனர்.அப்போது, கூடலூரிலிருந்து கர்நாடகா நோக்கி சென்ற பிக்-அப் ஜீப்பை (டிஎன்-20,பிடி-1407) நிறுத்தி சோதனை செய்தனர். சோதனையில் ஜீப்பில் 14 மூட்டைகளில் 450 கிலோ ரேஷன் அரிசியை கர்நாடகாவுக்கு கடத்தி செல்வது தெரிய வந்தது.
அரிசியுடன் ஜீப்பை பறிமுதல் செய்து, கூடலூரை சேர்ந்த ஜீப் டிரைவர் உபைத்,23, கர்நாடக மாநிலம் குண்டல் பேட் பகுதியை சேர்ந்த தாயம்மா,35, ராஜம்மா,45, ஆகியோரை கைது செய்தனர்.அவர்களிடம் மேற்கொண்ட விசாரணையில், "குண்டல்பேட் பகுதியை சேர்ந்த பெண்கள், மசினகுடி மற்றும் சுற்று வட்டார பகுதிகளில் வீடுகளுக்கு சென்று, ஒரு கிலோ ரேஷன் அரிசியை 5 ரூபாய் வீதம் வாங்கி, குண்டல் பேட் பகுதிக்கு எடுத்து சென்று, 15 ரூபாய்க்கு விற்பனை செய்கின்றனர்' என்பது தெரியவந்தது.

Advertisement


இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை