புதுச்சேரியில் 2 பேர் அடித்துக் கொலை| Dinamalar

புதுச்சேரியில் 2 பேர் அடித்துக் கொலை

Added : மார் 19, 2013
Advertisement
 
 
Advertisement
 
 
 
Advertisement

புதுச்சேரி:புதுச்சேரியில், ரவுடி உட்பட, இருவரை அடித்து கொலை செய்த, மர்ம கும்பலை போலீசார் தேடுகின்றனர்.புதுச்சேரி, தட்டாஞ்சாவடியைச் சேர்ந்தவர் சதீஷ்குமார், 35; பெயிண்டர். இவர் மீது, கொலை, கொலை முயற்சி, அடிதடி வழக்குகள் நிலுவையில் உள்ளன. சமீபகாலமாக, நாவற்குளம் பகுதியில், குடும்பத்துடன் சதீஷ்குமார் வசித்தார். இவருடன், கலைவாணர் நகரைச் சேர்ந்த, நண்பரான ஸ்ரீகாந்த், 27; வேலை செய்தார்.நேற்று முன் தினம் மாலை, இருவரும் வீட்டிலிருந்து வெளியில் சென்றனர். இரவு முழுவதும் வீடு திரும்ப வில்லை.

மேட்டுப்பாளையம் போக்குவரத்து நகரம் அருகில், கோழிக் கழிவுகள் கொட்டும் இடத்தில், ஸ்ரீகாந்த் அடித்து கொலை செய்யப்பட்டு கிடந்தார். அங்கிருந்து, அரை கி.மீ., தூரத்தில், சதீஷ்குமார் கழுத்து நெரிக்கப்பட்ட நிலையில், கொலை செய்யப்பட்டு கிடந்தார்.
டி.நகர் போலீசார் சம்பவ இடத்திற்கு சென்று, இருவரின் உடலை பார்வையிட்டனர். அங்கு எந்த தடயங்களும் கிடைக்கவில்லை. பின், கொலையான இடத்திற்கு அருகிலுள்ள, தமிழக பகுதியான, பட்டானூர் முந்திரி காட்டில் ஆய்வு செய்தனர்.

அங்கு, பைக் ஒன்று அனாதையாக நின்றது. அதே இடத்தில், காலி மது பாட்டில்கள், பெல்ட், கிரிக்கெட் மட்டைகள் கிடந்தன.டி.ஐ.ஜி., சுக்லா, சீனியர் எஸ்.பி. பர்வேஸ் அகமது, எஸ்.பி. பைரவசாமி இடத்தை பார்வையிட்டு விசாரணை நடத்தினர். முதற்கட்ட விசாரணையில், சதீஷ்குமார் , ஸ்ரீகாந்த் ஆகியோருடன், நான்கு பேர் மது அருந்தியுள்ளனர். அப்போது நடந்த தகராறில், கொலை நடந்தது தெரிய வந்துள்ளது. கொலையானவர்களின் உடலை, இரு வேறு இடங்களில் புதுச்சேரி எல்லையில், போட்டுச் சென்றுள்ளனர். டி.நகர். போலீசார் வழக்கு பதிந்து விசாரிக்கின்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை