E-paper| Mobile Apps

iPad

iPad E-paper

iPhone

Android

Android Tablet

Windows

Windows 8

Blackberry

bbicon OS 10

Mobile Election

| Get Font | Site Map |  RSS Feed
Advertisement
பதிவு செய்த நாள் : மார்ச் 19,2013,12:31 IST
கருத்துகள் (233)  கருத்தை பதிவு செய்ய
எழுத்தின் அளவு:

சென்னை: மத்தியில் அரசு அமைத்துள்ள, ஐக்கிய முற்போக்குக் கூட்டணி அரசுக்கு அளித்து வந்த ஆதரவை, தி.மு.க., விலகிக் கொண்டதாக, அக்கட்சியின் தலைவர் கருணாநிதி, அறிவித்தார்.
இலங்கை தமிழர்கள் மீதான தாக்குதலை போர்க் குற்றம், இனப் படுகொலை என அறிவிக்க வேண்டும் என்ற திருத்தத்துடன், ஐ.“நா., மனித உரிமை அமைப்பில், அமெரிக்கா கொண்டு வரும் தீர்மானத்தை, மத்திய அரசு ஆதரிக்க வேண்டும்' என்ற கோரிக்கையை வலியுறுத்தி, பிரதமர் மன்மோகன் சிங், காங்கிரஸ் தலைவர் சோனியா ஆகிய இருவருக்கும், தி.மு.க., தலைவர் கருணாநிதி இரண்டு தினங்களுக்கு முன் கடிதம் எழுதினார். இதை நிறைவேற்றவில்லை எனில், கூட்டணியில் நீடிப்பதில் அர்த்தமில்லை என்றும கூறினார்.

சமாதான முயற்சி:
இதையடுத்து, அவரை சமாதானப்படுத்தும் வகையில், நேற்று காங்., கட்சியைச் சேர்ந்த மூத்த தலைவர்களான, சிதம்பரம், அந்தோணி மற்றும் குலாம் நபி ஆசாத் ஆகியோர், கருணாநிதியைச் சந்திக்க, நேற்று, சென்னை வந்தனர்.

அவர்களுடன், இரண்டு மணி நேரம் பேச்சுவார்த்தை நடத்திய கருணாநிதி, "இலங்கையில், நடந்த படுகொலையை, இனப் படுகொலையாக அறிவிக்க வேண்டும்; போர்க் குற்றம் பற்றி, சர்வதேச விசாரணை தேவை என்ற இரு கோரிக்கைகளை, பார்லிமென்ட்டில் தீர்மானமாக நிறைவேற்ற வேண்டும்' என, ஐக்கிய முற்போக்குக் கூட்டணி அரசிடம், திடீர் கோரிக்கை வைத்தார்.

பின், செய்தியாளர்களிடம் பேசியபோது, "எங்கள் இரு கோரிக்கைகளை அவர்களிடம் தெரிவித்துள்ளோம். அவர்களும் ஒப்புதல் அளித்துள்னர். இலங்கை தமிழருக்கு, நாங்கள் நினைத்ததெல்லாம் நடந்தால் தான், இலங்கைத் தமிழர் பிரச்னையில், இறுக்கம் தளர்ந்ததாக அர்த்தம்' என, பொத்தம் பொதுவாகப் பேசினார்.

திடீர் அறிவிப்பு:
இன்று காலை, திடீரென, கட்சியின் முக்கிய உறுப்பினர்களுடன் பேசிய கருணாநிதி, மத்திய அரசுக்கு, தி.மு.க., அளித்து வந்த ஆதரவை வாபஸ் பெறுவதாக, அறிவித்தார்.

அறிக்க‌ை முழு விவரம்: அவர் அளித்த அறிக்கையில் கூறப்பட்டுள்ளதாவது:குதிரையை குப்புற தள்ளியதும் அல்லாமல், குழியும் பறித்த கதையாக, அமெரிக்காவின் வரைவு தீர்மானத்தை, பெருமளவுக்கு, நீர்த்துப் போக விட்டதோடு, தி.மு.க., முன்மொழிந்த திருத்தங்கள் எவற்றையும், மத்திய அரசு, சிறிதும் பரிசீலனையும் செய்யவில்லை. எனவே, ஈழத் தமிழருக்கு எந்த வகையிலும், பயன்படாத சூழ்நிலைகளே உருவாக்கப்பட்டுள்ள நிலையில், இதற்குப் பிறகும், இந்திய - மத்திய ஆட்சியில், தி.மு.க., நீடிப்பது, தமிழினத்திற்கே, இழைக்கப்படும் பெரும் தீமை என்பதால், தி.மு.க., மத்திய அமைச்சரவையிலிருந்தும்,ஐக்கிய முற்போக்கு கூட்டணியிலிருந்தும், உடனடியாக விலகிக் கொள்வதென, முடிவு செய்யப்பட்டுள்ளது.

இவ்வாறு அந்த அறிக்கையில் கூறப்பட்டுள்ளது.

இனி, எந்த காலத்திலும் கூட்டணி இல்லை: பின், தொடர்ந்து கேள்வி எழுப்பிய நிருபர்களிடம், "கட்சியைச் சேர்ந்த மத்திய அமைச்சர்கள், இன்றோ, நாளையோ, தம் பதவிகளை ராஜினாமா செய்வர்' என்றும் அறிவித்தார். "காங்கிரசுடன் இனி, எந்த காலத்திலும் கூட்டணி இல்லை' என்றும் அறிவித்துள்ளார்.

தி.மு.க.,வின் ஆதரவு வாபஸ் வாங்கப்பட்டாலும், மத்திய அரசுக்கு போதுமான அளவு எம்.பி.,க்கள் ஆதரவு உள்ளதால், மத்திய அரசு கவிழாது என்று, காங்கிரஸ் தெரிவித்துள்ளது.


Advertisement

தி.முக., சார்பில் அழகிரி காபினட் அமைச்சராகவும், ஜெகத்ரட்சகன், பழனிமாணிக்கம், காந்திசெல்வன், நெப்போலியன் ஆகியோர் இணை அமைச்சர்களாகவும் உள்ளனர். லோக்சபாவில், அரசு தன் பலத்தை நிரூபிக்க, 273 எம்.பி.,க்கள் ஆதரவு தேவை. தற்போது காங்கிரசுக்கு, 205 எம்.பி.,க்கள் உள்ளனர். சமாஜ்வாதி - 22, பகுஜன் சமாஜ் - 21, தேசியவாத காங்கிரஸ் - 9, ராஷ்ட்ரீய ஜனதா தளம் - 4, தேசிய மாநாட்டு கட்சி - 3, ராஷ்ட்ரீய லோக்தளம் - 5, முஸ்லிம் லீக் - 2, கேரள காங்கிரஸ் - 1, ஜனநாயக கட்சி - 19, சுயேச்சைகள் - 9 என, எம்.பி.,க்களின் ஆதரவு உள்ளதால், மத்திய அரசுக்கு கவிழும் நிலை ஏற்படாது என்பது காங்கிரசின் கணக்கு.

சோனியா கருத்து:
இது குறித்து சோனியா கூறுகையில், இது குறித்துசொல்வதற்கு ஏதும் இல்லை என்றார். மத்திய அமைச்சர் சித்ம்பரம் கூறுகையில், தி.மு.க.,வின் இந்த முடிவால் மத்திய அரசுக்கு எவ்வித ஆபத்தும் இல்லை என்றார். தி.மு.க.,வின இந்த முடிவை வரவேற்பதாக கம்யூனிஸ்ட் தலைவர் தா.பாண்டியன் தெரிவித்தார்.

கேள்வி நேரத்தை ரத்து செய்ய நோட்டீஸ்: இதனிடையே இன்று காலை தி.மு.க., எம்பி.,க்கள் கூட்டம் நடந்தது. இந்த கூட்டத்தில் இலங்கை தமிழர் பிரச்னை தொடர்பாக விவாதிக்கப்பட்டது. பின்னர் இந்த பிரச்னை தொடர்பாக பார்லிமென்டில் கேள்வி நேரத்தை ரத்து செய்ய நோட்டீஸ் கொடுப்பது என முடிவு செய்யப்பட்டது. இதைத் தொடர்ந்து, இலங்கை விவகாரம் தொடர்பாக சோனியா கூறுகையில், மனித உரிமை மீறலுக்காக தொடர்ந்து குரல் கொடுப்போம். மனித உரிமை மீறல் தொடர்பாக சுதந்திரமான விசாரணைக்கு தொடர்ந்து வலியுறுத்துவோம் என கூறியுள்ளார். இதனிடையே, ஐ.நா., மனித உரிமை மீறல் விவகாரத்தில், இந்தியாவில் நிலையை விளக்குவதற்காக, ஐ.நா., மனித உரிமை மீறல் அவையின் இந்திய பிரதிநிதி திலிப் சின்ஹாவை டில்லி வருமாறு மத்திய அரசு அறிவுறுத்தியுள்ளது.





Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (233)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
John Samuel - Tuticorin,இந்தியா
25-மார்-201301:19:07 IST Report Abuse
John Samuel அப்பாடி கழுத்தை பிடித்திருந்த திமுக பாம்பு ஒழிந்துவிட்டது. இனி காங்கிரஸ் நிம்மதியாக மூச்சு விடலாம். இனி எக்காலத்திலும் ராஜாவும் கனிமொழியும் தப்பிக்க முடியாது. கருணாநிதி என்ன தந்திரம் பண்ணுவார் என்று பார்க்கலாம். திமுககாரன் கனவு காண்கிறான் காங்கிரஸ் ஒழிந்து விடும் என்று. காங்கிரஸ் ஒரு சூரியன். அதை யாரும் தொட முடியாது. தொடுபவன் எரிந்து போவான். ஜாக்கிரதை.
Rate this:
1 members
0 members
0 members
Share this comment
Cancel
Matt P - nashville,tn ,யூ.எஸ்.ஏ
20-மார்-201301:55:04 IST Report Abuse
Matt P காங்கிரசுடன் இனி, எந்த காலத்திலும் கூட்டணி இல்லை' என்று...........இப்படி தான் இப்போது சொல்வேன்....நாளை ....இத்தாலியின் தாயே வருக.....இந்தியாவின் மருமகளே வருக....நேரு குடும்பத்துக்கு வந்த நேர்,மையே வருக ...நல்லாட்சி தருக என்று ..சொன்னாலும் சொல்வேன்....இப்படி சொல்வதெல்லாம் திரூ . மு க அரசியலில் தவிர்க்கமுடியாதது.
Rate this:
1 members
0 members
8 members
Share this comment
Cancel
சாமகோடங்கி - தமிழ் நாடு இப்போது பெங்களுரு ,இந்தியா
20-மார்-201301:30:55 IST Report Abuse
சாமகோடங்கி உண்மைதான் தாத்தா, இதுதான் உங்க கடைசி கூட்டணி.. இதுக்கு நீங்களே நினைத்தாலும் இந்த பூலகத்தில் யாரிடமும் உங்களால் கூட்டணி அமைக்க இயலாது. நீங்கள் கூட்டணி வைக்க முயற்சி செய்ய வேண்டிய அடுத்த இடம் "எமலோகம்" பூலோகம் அல்ல :-)
Rate this:
1 members
0 members
6 members
Share this comment
Cancel
Krisraj - chennai,இந்தியா
20-மார்-201300:42:35 IST Report Abuse
Krisraj எல்லாம வரும் election காக தான். காங்கிரஸ் கு இங்க ஒன்னும் கிடையாது . மாணவர் போராட்டம் வேற . கருணாநிதி எல்லாம் யோசிச்சு ஒட்டு வேணுமா காங்கிரஸ் விட்டு விலகனும் நு அரசியல் உல் நோக்கதூட செஞ்சது . அடிச்சா கொள்ளை கொஞ்சமா ??? அப்போ டிவி ல paperla எல்லாம் அப்பாவி மக்கள் சாகிறார்கள் என்று சொன்னபோதெல்லாம் செய்யாத தை இப்போ செய்ய வேண்டிய அவசியம் என்ன ...நாடகம் இன்னும் நடக்குது....ரசிப்போம் சனகிய தனத்த
Rate this:
1 members
0 members
3 members
Share this comment
Cancel
Devadas - salem india. ,இந்தியா
20-மார்-201300:10:04 IST Report Abuse
Devadas Everything is going according to the plan.
Rate this:
0 members
0 members
1 members
Share this comment
Cancel
LoLLu ThaaThaa - ?????????,இந்தியா
19-மார்-201318:21:26 IST Report Abuse
LoLLu ThaaThaa என்ன தலைவா, இலங்கையில் எல்லாரும் செத்துட்டாங்க. தமிழர்கள் என்று இனி யாரும் இல்லைன்னு சொன்னாங்களா? இல்லை நம்ம குடும்பத்துக்கு வேண்டியது சம்பாதிச்சாச்சு. இனி அடுத்த வண்டி பார்ப்போமுன்னு முடிவு பண்ணிட்டீங்களா? அங்கே எல்லாரும் சாகும்போது மனை துணையோடு பீச்சுல காத்து வாங்குநீங்க, மானாட மயிலாட குஷாலா இருந்தீங்க, இப்ப என்ன திடீருன்னு?
Rate this:
17 members
1 members
49 members
Share this comment
Cancel
GURU NAGARAJAN - MUSCAT,ஓமன்
19-மார்-201318:14:55 IST Report Abuse
GURU NAGARAJAN டியர் சுஷில் குமார் (கனடா) atleast now he had done it before NEXT CENTRAL ELECTION, I AM MDMK MEMBER ,FROM MDMK STARTING PERIOD IN TAMILNADU
Rate this:
3 members
0 members
12 members
Share this comment
Cancel
T....C.... - TEXAS,யூ.எஸ்.ஏ
19-மார்-201318:14:20 IST Report Abuse
T....C.... சிலர் இங்கு மாணவர்கள் கல்லூரிகளை கட் அடித்துவிட்டு செய்யும் போராட்டங்களை பெருமையாக பேசுகின்றனர். இந்தியாவே ஐ நா சபையில் தீர்மானம் கொண்டு வந்தாலும் சீனாவும் ரஷ்யாவும் தங்களுடைய வீட்டோ அதிகாரத்தை பயன்படுத்தி அந்த தீர்மானத்தை ஒன்றுமில்லாமல் செய்து விடும்.அப்பொழுது என்ன செய்ய போகிறார்கள் இந்த ஈழ ஆதரவாளர்கள்
Rate this:
13 members
0 members
39 members
Share this comment
Cancel
Sundar Rajan - chennai,மாலத்தீவு
19-மார்-201318:11:27 IST Report Abuse
Sundar Rajan இன்றைய மாணவர்களுக்கு முன்னாள் மாணவன் அன்புடன் எச்சரிக்கிறேன். உணர்ச்சிவசப்படாமல் சரித்திரத்தை புரட்டி படித்து உணருங்கள். எதிர்ப்பு தெரிவியுங்கள். ஆனால் விட்டில் பூச்சி ஆகிவிடாதீர்கள். உங்களை பகடைக்காய் போல் வைத்து விளையாட அரசியல்வாதிகள் தயங்குவதில்லை. உஷார் உஷார்
Rate this:
2 members
1 members
64 members
Share this comment
Cancel
raj tbm - telok blangah,சிங்கப்பூர்
19-மார்-201318:07:08 IST Report Abuse
raj tbm ப.சிதம்பரம் தமிழன்தானே,மேலும் காங்கிரஸ் சார்பாக எத்தனை தலைவர்கள் உள்ளனர் எம்பிக்கள் உள்ளனர் அவர்களைஎல்லாம் யாருமே கேட்பதில்லையே, அவர்கள் தமிழர் இல்லையா துரோகி இல்லையா. கருனாமட்டுமே துரோகியில்லை இவர்களையும் சேர்க்கவேண்டும்.
Rate this:
10 members
0 members
34 members
Share this comment
Cancel

உங்கள் கருத்தைப் பதிவு செய்ய :
Login :
( OR )Login with
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.