பரமக்குடியில் "மாஜி' பா.ஜ., கவுன்சிலர் பைப் குண்டுகள் வீசி, வெட்டிக்கொலை| Dinamalar

பரமக்குடியில் "மாஜி' பா.ஜ., கவுன்சிலர் பைப் குண்டுகள் வீசி, வெட்டிக்கொலை

Advertisement
 
 
Advertisement
 
 
 
Advertisement
எழுத்தின் அளவு:
Advertisement
பரமக்குடியில் "மாஜி' பா.ஜ., கவுன்சிலர் பைப் குண்டுகள் வீசி, வெட்டிக்கொலை

பரமக்குடி : பரமக்குடியில், பட்டப்பகலில், நகராட்சி பா.ஜ., முன்னாள் கவுன்சிலர் முருகனை, பைக்கில் வந்த கும்பல், பைப் வெடிகுண்டுகளை வீசியும், பட்டா கத்தியால், சரமாரியாக வெட்டியும் கொலை செய்தது. இச்சம்பவத்தை கண்டித்து, நடந்த மறியலால், ஒரு மணி நேரம் போக்குவரத்து பாதிக்கப்பட்டது.
ராமநாதபுரம் மாவட்டம், பரமக்குடி அம்மன் சன்னிதியைச் சேர்ந்தவர் முருகன், 45. நகராட்சி பா.ஜ., முன்னாள் கவுன்சிலர். வீடு அருகே, தேங்காய் கடை நடத்தி வந்தார். கட்சியில் முன்னாள், மாநில பொதுக்குழு உறுப்பினராகவும் இருந்து வந்தார். இவர், நேற்று மதியம், 2:30 மணிக்கு, கடையை பூட்டிவிட்டு, சாப்பிட வீட்டிற்கு நடந்து சென்றார். அப்போது, மூன்று பேர் கொண்ட கும்பல், பைக்கில் பின் தொடர்ந்து வந்து, அவர் மீது, மூன்று "பைப்' வெடி குண்டுகளை வீசியது. முதல் குண்டு மட்டும் வெடித்தது. மற்றவை வெடிக்கவில்லை. இதையறிந்த கும்பல், அவரை ஓட, ஓட விரட்டி பட்டாக்கத்தி, அரிவாளால் சரமாரியாக வெட்டியது. முருகன் இறந்ததும், மர்ம கும்பல், பைக்கில் தப்பியது.
இதை கண்டித்து, வணிகர்கள் சங்கம், வியாபாரிகள் சங்கம், ஆர்.எஸ்.எஸ்., மற்றும் இந்து முன்னணி அமைப்பினர், மதுரை - ராமேஸ்வரம் தேசிய நெடுஞ்சாலையில் மறியலில் ஈடுபட்டனர். இவர்களிடம், "கொலையாளிகளை விரைவில் பிடிக்க நடவடிக்கை எடுக்கப்படும்' என, போலீசார் உறுதியளித்த பின், மறியல் கைவிடப்பட்டது. இதனால், ஒரு மணி நேரம் போக்குவரத்து பாதிக்கப்பட்டது.
போலீஸ் விசாரணையில், "முருகனுக்கு தனிப்பட்ட முறையில், யாரிடமும் முன்பகை இல்லை' என, தெரிய வந்தது. எதற்காக, கொலை நடந்தது என, போலீசார் விசாரிக்கின்றனர்.

ஆர்.எஸ்.எஸ்., மாநில பொறுப்பாளர் தங்கராஜ் கூறுகையில், ""குற்றவாளிகள் கைது செய்யப்படும் வரை, பரமக்குடியில், வணிகர்கள் சங்கம், வியாபாரிகள் சங்கம் சார்பில், கடைகள் அடைக்கப்பட்டிருக்கும்,'' என்றார். மேலும், அசம்பாவிதங்கள் ஏற்படாமல் தடுக்க, பரமக்குடியில் போலீசார் குவிக்கப்பட்டு உள்ளனர்.

Advertisement



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.