Dinamalar

"இலங்கை உள்நாட்டு பிரச்னையை, எப்படி இந்திய பார்லிமென்ட்டில் தீர்மானமாக நிறைவேற்ற முடியும்?' என, தி.மு.க., தலைவர் கருணாநிதியிடம் மத்திய அமைச்சர் ஒருவர் எதிர்கேள்வி எழுப்பினார்.
தி.மு.க., தலைவர் கருணாநிதியை, அவரது சி.ஐ.டி., காலனி இல்லத்தில் நேற்று முன்தினம் மத்திய அமைச்சர்கள் சிதம்பரம், ஏ.கே.அந்தோணி, குலாம்நபி ஆசாத் ஆகியோர் சந்தித்து பேசினர். அவர்களின் சந்திப்பு இரண்டரை மணி நேரம் நீடித்தது.
அவர்கள் பேசியது குறித்து, கட்சி வட்டாரங்கள் கூறியதாவது: இலங்கை அரசு செய்த படுகொலையை இனப் படுகொலையாக அறிவிக்க வேண்டும் என்ற திருத்தங்களுடன் ,தீர்மானங்களை மத்திய அரசு நிறைவேற்ற வேண்டும் என, கருணாநிதி குறிப்பிட்டிருந்தார். அவரது கோரிக்கைகளை நிறைவேற்ற வாய்ப்பு இல்லை என மத்திய அமைச்சர்கள் அக்கூட்டத்தில் தெரிவித்துள்ளனர். மேலும், "கருணாநிதியின் கோரிக்கை முரண்பாடாக உள்ளது' என, ஒரு மத்திய அமைச்சர் கூறியுள்ளார். உடனே பொதுச்

செயலர் அன்பழகன் குறுக்கிட்டு, "எதாவது ஒரு காரணத்தை சொல்லி விடுகிறீர்கள். கோரிக்கைகளை நிறைவேற்றுவதற்கு எந்த உத்தரவாதமும் தர மாட்டீர்களா?' எனக் கேட்டுள்ளார். உடனே கருணாநிதி, "கிழக்கு தைமூர், தெற்கு சூடான், பாலஸ்தீனம் போன்ற நாடுகளின் உரிமைக்கு, இந்தியா குரல் கொடுக்கும் போது, இலங்கைக்கு மட்டும் ஏன் முக்கியத்தும் அளிக்கவில்லை?' என்ற கேள்வி எழுப்பியுள்ளார். அதற்கு ஒரு அமைச்சர், "இந்தியாவுக்கு சில கட்டுப்பாடுகள், சில விதிமுறைகள் வரையறுக்கப்பட்டுள்ளன. அதற்கு உட்பட்டு தான் நடவடிக்கைகள் எடுக்க முடியும். உங்கள் கோரிக்கைகளை சோனியாவிடம் தெரிவிக்கிறோம்' என்று குறிப்பிட்டதாக தெரிகிறது.
மற்றொரு மத்திய அமைச்சர், "அப்சல் குருவை தூக்கிலிட்டது தொடர்பாக, இந்தியாவுக்கு எதிராக பாகிஸ்தான் பார்லிமென்டில் தீர்மானம் நிறைவேற்றப்பட்டது. பாகிஸ்தான் தீர்மானத்தை ஏற்க கூடாது என, சபாநாயகரே தீர்மானமாக முன்மொழிந்தார். அனைத்து கட்சிகளும் ஆதரவு