அரசின் நிதிநிலை அறிக்கை காகித அறிவிப்புகள்: ஸ்டாலின்| Dinamalar

அரசியல் செய்தி

தமிழ்நாடு

அரசின் நிதிநிலை அறிக்கை காகித அறிவிப்புகள்: ஸ்டாலின்

Updated : மார் 21, 2013 | Added : மார் 21, 2013
Advertisement
 
 
Advertisement
 
 
 
Advertisement
அரசின் நிதிநிலை அறிக்கை காகித அறிவிப்புகள்: ஸ்டாலின்

சென்னை:""அரசின் நிதிநிலை அறிக்கை என்பது காலவரையறை குறிப்பிடாத வெறும் காகித அறிவிப்புகளாகவே இருக்கிறது,'' என, ஸ்டாலின் கூறினார்.சட்டசபையில், நிதி அமைச்சர், நிதிநிலை அறிக்கை தாக்கல் செய்து கொண்டிருந்தார். அப்போது, தி.மு.க., சட்டசபை தலைவர் ஸ்டாலின், எழுந்து நின்று, கையில் வைத்திருந்த காகிதத்தில் இருந்த வாசகங்களை படிக்க முயன்றார்.ஆனால், ஆளும் கட்சி எம்.எல்.ஏ.,க்கள் மேஜை மீது கையால் தட்டி சப்தம் எழுப்பியதால், அவர் பேசியது கேட்கவில்லை.
அதன்பின், ஸ்டாலின் உள்ளிட்ட தி.மு.க., - எம்.எல்.ஏ.,க்கள் சட்டசபையில் இருந்து வெளியே வந்தனர். நிதிநிலை அறிக்கைக்கு எதிர்ப்புத் தெரிவித்து வெளிநடப்பு செய்ததாக அறிவித்த ஸ்டாலின், நிருபர்களிடம் கூறியதாவது:கடந்த ஜனவரி மாதம், முதல்வர் பெயரால், 25க்கும் மேற்பட்ட அறிவிப்புகள் செய்யப்பட்டன. கடந்த, 14ம் தேதி, பூம்புகாரில், 78 கோடி ரூபாயில் மீன்பிடி துறைமுகம் அமைக்கப்படும் என, முதல்வர் அறிவித்துள்ளார்.
கடந்த, 18ம் தேதி, 12 கோடியே 36 லட்சத்து 68 ஆயிரம் ரூபாய் செலவில், 99,329 மிக்சிகள் வாங்க உத்தரவு பிறப்பிக்கப்பட்டு உள்ளது. எனவே, இந்த நிதிநிலை அறிக்கை சடங்குக்காக நிதி அமைச்சரால் தாக்கல் செய்யப்படுகின்ற ஒன்றாகவே இருக்கிறது.அரசின் நிதிநிலை அறிக்கை என்பது காலவரையறை குறிப்பிடாத வெறும் காகித அறிவிப்புகளாகவே இருக்கிறது. எனவே அவை கதைக்கு உதவாது, காரியத்திற்கு ஆகாது. இவ்வாறு, ஸ்டாலின் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை