முஷாரப்பை கைது செய்ய "இன்டர்போல்' மறுப்பு| Dinamalar

முஷாரப்பை கைது செய்ய "இன்டர்போல்' மறுப்பு

Added : மார் 21, 2013
Advertisement
 
 
Advertisement
 
 
Advertisement

இஸ்லாமாபாத் : பாகிஸ்தான் மாஜி அதிபர் பெர்வேஸ் முஷாரபை கைது செய்ய விடுக்கப்பட்ட கோரிக்கையை, சர்வதேச போலீஸ் நிராகரித்துள்ளது. பாகிஸ்தான் அதிபராக இருந்த பெர்வேஸ் முஷாரப், முன்னாள் பிரதமர் பெனசிர் புட்டோ கொலை வழக்கில், குற்றம் சாட்டப்பட்டுள்ளார்.
மேலும், தலைமை நீதிபதியை சிறையில் அடைத்தது உள்ளிட்ட குற்றச்சாட்டுகள், இவர் மீது உள்ளன.
இதனால், கடந்த, 2009ம் ஆண்டு, நாட்டை விட்டு வெளியேறி, துபாய் மற்றும் லண்டனில் தங்கியுள்ளார். இதற்கிடையே, வரும், 24ம் தேதி, பாகிஸ்தான் திரும்ப திட்டமிட்டுள்ளார்.
"பாகிஸ்தான் முஸ்லீம் லீக்' கட்சியின் சார்பில், மே, 11ம் தேதி நடக்க உள்ள, பொது தேர்தலில் போட்டியிடவும், அவர் திட்டமிட்டுள்ளார். பாகிஸ்தானில் நடந்த வழக்கு விசாரணைகளில் பல முறை வாரன்ட் பிறப்பித்தும் அவர் ஆஜராகாததால், அவரை கைது செய்ய சர்வதேச போலீஸ் அமைப்பான இன்டர்போல் உதவியை பாகிஸ்தான் நாடியது. "பாகிஸ்தானின் இக்கோரிக்கை அரசியல் உள்நோக்கம் கொண்டது' என, குறிப்பிட்டுள்ள இன்டர்போல், அவரை கைது செய்யும் நடவடிக்கையான, "ரெட் கார்னர் நோட்டீஸ்' வழங்க மறுத்துள்ளது. கடந்த ஆண்டும், இதே கோரிக்கையை, இன்டர்போல் நிராகரித்தது, குறிப்பிடத்தக்கது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை