E-paper| Mobile Apps

iPad

iPad E-paper

iPhone

Android

Android Tablet

Windows

Windows 8

Blackberry

bbicon OS 10

Mobile Election

| Get Font | Site Map |  RSS Feed
Advertisement
இலங்கைக்கு எதிரான தீர்மானம் வெற்றி: இந்தியா உள்ளிட்ட 25 நாடுகள் ஆதரவு
Advertisement
 
 
Advertisement
 
 
எழுத்தின் அளவு:
Advertisement

மாற்றம் செய்த நாள்

22 மார்
2013
00:15
பதிவு செய்த நாள்
மார் 21,2013 23:49

ஜெனிவா: இலங்கைக்கு எதிராக, சர்வதேச மனித உரிமை ஆணையத்தில், அமெரிக்கா தாக்கல் செய்த தீர்மானம் வெற்றிகரமாக நிறைவேற்றப்பட்டுள்ளது. இந்த தீர்மானத்தை ஆதரித்து இந்தியா உள்ளிட்ட 25 நாடுகள் ஓட்டளித்துள்ளன.
இலங்கையில், 2009ல், ராணுவத்துக்கும், விடுதலை புலிகளுக்கும் இடையே, இறுதி கட்ட சண்டை நடந்தது. இதில், விடுதலைப்புலி தலைவர் பிரபாகரன் கொல்லப்பட்டார். ஏராளமான விடுதலைப் புலிகள், ராணுவத்திடம் சரணடைந்தனர். சரணடைந்த விடுதலை புலிகள், ரகசியமான இடங்களில் வைக்கப்பட்டு, ராணுவத்தினரால், பல்வேறு கொடுமைகளுக்கு ஆளாக்கப்பட்டதாகவும், பெண் விடுதலை புலிகள், பாலியல் பலாத்காரத்துக்கு ஆளானதாகவும், மனித உரிமை அமைப்புகள் குற்றம் சாட்டின. இலங்கையில் நடந்த போர் குற்றங்கள் குறித்தும், பாதிக்கப்பட்டவர்களுக்கான, மறுவாழ்வு நடவடிக்கைகள் குறித்தும், நல்லிணக்க ஆணைக்குழு, சில பரிந்துரைகளை செய்திருந்தது. இந்த குழு பரிந்துரைகள் மீது, இலங்கை அரசு நடவடிக்கை எடுக்க தவறி விட்டதாக கூறி, கடந்த ஆண்டு, ஜெனிவாவில் உள்ள, சர்வதேச மனித உரிமை ஆணையத்தில், அமெரிக்கா கண்டன தீர்மானம் கொண்டு வந்தது. இந்த தீர்மானம் தொடர்பாக, இலங்கை உரிய நடவடிக்கை மேற்கொள்ளாததால், இந்த ஆண்டும், மனித உரிமை ஆணையத்தில் இலங்கைக்கு எதிராக, அமெரிக்காவால்,தீர்மானம் கொண்டு வரப்பட்டது. சுவிட்சர்லாந்தின், ஜெனிவாவில், மனித உரிமை ஆணையத்தின், 22வது ஆண்டு கூட்டம் தற்போது நடக்கிறது. "இலங்கையில், நடந்த சண்டையின் போது மனித உரிமைகள் மீறப்பட்டுள்ளன. இது குறித்து சுதந்திரமான, நம்பத் தகுந்த சர்வதேச விசாரணை நடத்த வேண்டும்' என கூறி, மனித உரிமை ஆணையத்தில், அமெரிக்கா, கடந்த வாரம் தீர்மானம் தாக்கல் செய்தது.


இந்த தீர்மானத்தில் சில சீர்திருத்தங்கள் செய்யப்பட்டு, நேற்று ஓட்டெடுப்பு நடந்தது. நல்லிணக்க குழுவின் பல பரிந்துரைகளை இலங்கை அரசு ஏற்க மறுத்துள்ளது கவலையளிக்கிறது. இலங்கையில் நடைபெற்றுவரும் மனித உரிமை மீறல்கள் குறித்தும், பொதுமக்கள், பத்திரிகையாளர்கள், மனித உரிமை அமைப்பினர் உள்ளிட்டோர் காணாமல் போவது குறித்தும், சுதந்திரமான விசாரணை நடத்தப்படவில்லை. அதிகார பரவலாக்கத்துக்கு ஒப்புதல் அளித்த இலங்கை அரசு, தற்போது அதை செயல்படுத்த முடியாது என, மறுத்துள்ளது. இலங்கையில் நடந்த மனித உரிமை மீறல்கள், சிறுபான்மையினர் சந்திக்கும் பிரச்னைகள் தொடர்பாக, விசாரிக்க, ஐ.நா., பிரதிநிதிகளுக்கும், மனித உரிமை அமைப்பினருக்கும், இலங்கை அரசு அனுமதி அளிக்க வேண்டும் என, இத்தீர்மானம் வலியுறுத்தப்பட்டுள்ளது. சர்வதேச மனித உரிமை ஆணையத்தில், மொத்தம், 47 நாடுகள் உறுப்பினர்களாக உள்ளன. இந்த தீர்மானத்தின் மீது நேற்று நடந்த ஓட்டெடுப்பில், இந்தியா, ஆஸ்திரியா, கனடா, பெல்ஜியம், டென்மார்க், பிரான்ஸ், ஜெர்மனி, கிரீஸ், இத்தாலி, நார்வே, பிரிட்டன் உள்ளிட்ட, 25 நாடுகள் தங்கள் ஆதரவை தெரிவித்தன. தீர்மானத்தை எதிர்த்து, பாகிஸ்தான், கியூபா, வெனிசுலா, பிலிப்பைன்ஸ், மாலத்தீவு,இந்தோனேசியா, ஐக்கிய அரபு எமிரேட், காங்கோ, குவைத், ஈக்வடார் உள்ளிட்ட 13 நாடுகள் ஓட்டுப்போட்டன. நடுநிலை வகிக்கும் நோக்கில், எட்டு நாடுகள் இந்த ஓட்டெடுப்பில் பங்கேற்கவில்லை. முன்னதாக இந்த தீர்மானம் தொடர்பாக பல்வேறு நாடுகள் விவாதித்தன.

இந்த தீர்மானத்தை, வன்மையாக கண்டித்த, இலங்கை பிரதிநிதி, மகிந்தா சமரசிங்கா குறிப்பிடுகையில், ""இந்த தீர்மானம் உள்நோக்கம் கொண்டது. தீர்மானத்தில் கூறப்பட்டுள்ள புகார்கள் தவறானவை. இலங்கை மேற்கொண்ட மறுவாழ்வு பணிகள் கவனத்தில் எடுத்து கொள்ளப்படவில்லை. இலங்கையை தனித்து விடுவதற்காக கொண்டு வரப்பட்ட இந்த தீர்மானத்தை ஏற்க முடியாது,'' என்றார்.


இந்த தீர்மானத்தை ஆதரித்து இந்திய உறுப்பினர் திலீப் சின்கா பேசியதாவது: இலங்கை, 13வது அரசியல் சட்டதிருத்தத்தை அமல்படுத்த வேண்டும். மனித உரிமை ஆணைய பிரதிநிதிகள் இலங்கையை பார்வையிட அனுமதிக்க வேண்டும். வடக்கு மாகாண மக்கள் தேர்தலை சந்திப்பதற்குரிய சூழலை உருவாக்க வேண்டும். மனித உரிமை மீறல்கள் குறித்து உலக நாடுகள் ஏற்கும் வகையிலான, நம்பிக்கைக்குரிய விசாரணை மேற்கொள்ளப்பட வேண்டும். அனைத்து இன மக்களுக்கும் சம உரிமை வழங்கப்பட வேண்டும். இலங்கை எடுத்துவரும் நல்லிணக்க நடவடிக்கைகள், விரிவு மற்றும் விரைவு படுத்தவும் வேண்டும். எனினும், இலங்கை உடனான உறவை துண்டிக்க விரும்பவில்லை. இவ்வாறு திலீப் சின்கா கூறினார்.

பாக்.,எதிர்ப்பு: இந்த தீர்மானத்தை ஏற்க முடியாது. அமெரிக்கா கொண்டு வந்துள்ள இந்த தீர்மானத்தில், திருத்தங்கள் பல செய்யப்பட வேண்டும், என கூறிய பாகிஸ்தான் பிரதிநிதி, எதிர்த்து ஓட்டளித்தார்.

எழுத்து பூர்வமாக தாக்கல்: தீர்மானம் குறித்து கடைசி நேரம் வரை இந்தியாவின் முடிவு சஸ்பென்சாக இருந்ததால், "எழுத்து பூர்வமான கருத்தை இந்தியா பதிவு செய்ய முடியாது' என, கூறப்பட்டது. ஆனால், தீர்மானம் தொடர்பான கருத்து வலுவுள்ளதாக இருக்க வேண்டும், என்பதால்,இந்தியா, எழுத்து பூர்வமான கருத்தை, இந்த சபையில் பதிவு செய்துள்ளது.

திருத்தம் இல்லை: இலங்கையில் "இனப் படுகொலை' நடந்ததாக கூறி, இந்தியா தனது கருத்தை பதிவு செய்யும் படி, தமிழக கட்சிகள் வற்புறுத்தின. ஆனால், அமெரிக்கா கொண்டு வந்த தீர்மானத்தில், இந்தியாவின் தரப்பில் எந்த திருத்தமும் செய்யப்படவில்லை.





Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (29)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Dhana Dhana - chitthode,இந்தியா
23-மார்-201308:20:35 IST Report Abuse
Dhana Dhana நீங்கள் சொல்வது சரி.. ஆனால் இதற்கு முடிவு தான் என்ன ??...
Rate this:
0 members
0 members
0 members
Share this comment
Cancel
v j antony - coimbatore,இந்தியா
22-மார்-201313:55:05 IST Report Abuse
v j antony உண்மையில் இலங்கை தமிழ் மக்களுக்கு உதவும் மனப்பான்மை இருந்தால் அவர்களுக்கு இப்போது தேவை மனிதாபிமான உதவிகள் தான். அதை செய்ய நாம் ஒன்றுபடுவோம்
Rate this:
1 members
0 members
6 members
Share this comment
Cancel
Mr y - thamizhnadu,இந்தியா
22-மார்-201312:53:50 IST Report Abuse
Mr y ஆஹா...
Rate this:
1 members
0 members
0 members
Share this comment
Cancel
Dhinesh Kumar - Thanjavur,இந்தியா
22-மார்-201312:52:19 IST Report Abuse
Dhinesh Kumar பரவாயில்லையே இந்தியா இந்த அளவு முயற்சி எடுக்குது......பாராட்டுகள்
Rate this:
2 members
0 members
2 members
Share this comment
Cancel
Divaharan - Tirunelveli,இந்தியா
22-மார்-201312:18:42 IST Report Abuse
Divaharan முதலில் விடுதலைபுலிகள் பெயரை வைத்து தமிழர்களை ஒடுக்கினார்கள். அவர்களை ஒழித்த பிறகும் தமிழர்களை கொடுமைபடுத்துவது இவர்களின் அரக்கத்தனத்தை காட்டுகிறது. இவர்கள் அரக்கர்களின் வாரிசுகள் போல் நடந்து கொள்கிறார்கள். யார்தான் இவர்களுக்கு உதவி செய்ய முடியும்
Rate this:
0 members
0 members
0 members
Share this comment
Cancel
Ashok ,India - India,இந்தியா
22-மார்-201311:42:48 IST Report Abuse
Ashok ,India சீனாவின் பின்னால் ஒளிந்து கொண்டு அரசியல் செய்யும் இலங்கையின் ராஜ தந்திரம் இனி பலிக்காது. இந்தியாவை மிரட்ட இலங்கை நம்பியுள்ள குள்ள நரி சீனர்களின் படை பலமும் ,பிறரை கெடுக்க நினைக்கும் பாகிஸ்தானும் இலங்கையை அழிவுக்கு கொண்டு செல்லவது உறுதி.
Rate this:
0 members
0 members
4 members
Share this comment
Cancel
p.boopathy enkira Boopathiyar - chennai,இந்தியா
22-மார்-201311:02:17 IST Report Abuse
p.boopathy enkira Boopathiyar அமெரிக்கா கொண்டுவந்த தீர்மானத்தை கூர்ந்து ஆய்வு செய்தோமானால் இலங்கை வாழ் மக்களுக்கும் பிரச்சனையால் அங்கு வாழ்ந்த மக்களுக்கும் பலன் அளிக்க கூடியது சரியாக பிரச்சனை தீர்க்க கூடியது இந்தியாவின் சிறப்பான வலுவான பதிவுகள் அமெரிக்க தீர்மானத்திற்கு உறுதுணையாக அமைகிறது. இந்திய அரசு பிரச்சனை கூர்த்து நோக்கி நேற்று..,இன்று..,நாளை என்று தன் நடுநிலைமை சரியாக பதிவு செய்துள்ளது தெரிகிறது. பாராட்டுகள்.வாழ்த்துகள். இதுதான் நமது ஜனநாயக சிறப்பான முறைமை.., மேலும் இன்னும் சிறப்பாக வளர வேண்டும்..,
Rate this:
1 members
0 members
5 members
Share this comment
Cancel
R.Saminathan - mumbai,இந்தியா
22-மார்-201310:14:02 IST Report Abuse
R.Saminathan இலங்கை தமிழர்களுக்காக., எங்கள் தமிழ் நாட்டின் மாணவர்கள் மற்றும் அரசியல் போராட்டத்தை புரிந்து கொண்டு எங்களை ஆதரித்த அனைத்து நாடுகளுக்கும் எனது மனமார்ந்த நன்றி.,.மாணவர்களின் போராட்டத்தை என் உயிர் மூச்சாக நான் கருதிகிறேன்,.,
Rate this:
2 members
0 members
3 members
Share this comment
Cancel
Chidambaranathan Ramaiah - usilampatti,இந்தியா
22-மார்-201310:12:01 IST Report Abuse
Chidambaranathan Ramaiah ஆபரேஷன் success patient க்ளோஸ்
Rate this:
1 members
0 members
4 members
Share this comment
Cancel
R.Subramanian - Chennai,இந்தியா
22-மார்-201308:48:42 IST Report Abuse
R.Subramanian இலங்கை பிரச்னையை பொறுத்தவரையில் நம் நாடு முடிந்த அளவுக்கு தமிழ் உணர்வாளர்களின் பேச்சை கேட்டுள்ளது. ஆனால் இலங்கையில் இறுதி யுத்தத்தின்போது நடைபெற்ற விவகாரங்கள் தொடர்பாக சர்வதேச விசாரணையை வற்புறுத்தினால், அது நம் நாட்டை திரும்பி அடிக்க வைப்பு உண்டு, காரணம் காஷ்மீரில் நடந்த மனித உரிமை மீறல் குறித்து சர்வதேச விசாரணை தேவை என்ற கோரிக்கை எழுவதற்கு வாய்ப்புண்டு. ஐ.நா. மனித உரிமைகள் கூட்டத்தில் காஷ்மீரில் நடந்த மனித உரிமை மீறல் குறித்து இந்தியாவுக்கு எதிரான தீர்மானத்தை கொண்டுவர சில நாடுகள் முயற்சி செய்து வருவதை நீங்கள் அறிவீர்கள். அதை தடுக்க வேண்டிய நிலையில் உள்ள இந்திய அரசை, இலங்கையில் சர்வதேச விசாரணை தேவை என்ற அமெரிக்க கோரிக்கை சங்கடப்படுத்தும். அதனால் தான் முழுமையாக சர்வதேச விசாரணையை இந்தியா ஒப்புக்கொள்ளவில்லை... காஷ்மீர் மத்திய அரசின் பிரச்சனை மட்டும் அல்ல இது நம் அனைவரின் பிரச்சனையும் தான் (காஷ்மிருக்காக கோயம்புத்தூர் மும்பையில் குண்டு வைத்து பொது மக்களை கொலை செய்கிறார்கள்), வெளியுறவு கொள்கையை பொருத்தவரையில் மத்திய அரசிடம் விட்டு விடுவது தான் நல்லது, எல்லாவற்றுக்கும் மேலாக நம் நாட்டின் நலனுக்கு எது நல்லது என்ற அடிப்படையில் தான் நாம் முடிவு செய்ய வேண்டும், இலங்கை தமிழர்களை இலங்கை பிரஜைகளாக தான் நாம் பார்க்க வேண்டும், அந்த அடிப்படையில் இலங்கை அரசை நாம் நெருக்கலாம் இலங்கை தமிழர்களுக்கு என்ன உரிமை வேண்டும் என்றும் நாம் அவர்களுக்கு உதவலாம் (முன்பு ராஜீவ் காந்தி அவர்கள் இந்த அடிப்படையில் தான் இலங்கை தமிழர்களுக்கு உதவினார் ஆனால் அவர் செய்த தவறு விடுதலை புலிகள் மட்டும் இலங்கை தமிழரின் ஒரே பிரதிநிதியாக பார்க்காமல் அனைத்து தமிழர்கள் பிரதிநிகளையும் பார்த்து அவர்களுக்கும் அதிகாரம் கிடைக்க பார்த்தார் அதனால் புலிகளால் மிக மோசமாக அவமான படுத்தப்பட்டு கொல்லபட்டார்) அது போல் திரும்ப நடக்காமல் இருக்க வேண்டும் என்றால் இலங்கை தமிழர்கள் தான் இலங்கை அரசோடு பேச வேண்டும் அவர்கள் தான் ஒரு முடிவுக்கு வர வேண்டும் (தனி ஈழமாக இருந்தாலும்) நாம் இந்த பிரச்சனையில் முழுமையாக தலையிட கூடாது நாம் செய்ய வேண்டியது இலங்கை அரசும் இலங்கை தமிழரும் பேச வைக்க வேண்டும் அதற்க்கு தேவையான நடவடிக்கைகளை நம் அரசு (தமிழக அரசியல்வாதிகள்) எடுக்க வேண்டும்.... ஆனால் தமிழகத்தில் எல்லோரும் உணர்ச்சியின் அடிப்படையில் தவறாக பேசுகிறார்கள், இது எதுவும் பிரச்சனை தீர்வதற்கான வழி அல்ல
Rate this:
48 members
0 members
12 members
Share this comment
sulochana - chennai,இந்தியா
24-மார்-201310:45:06 IST Report Abuse
sulochanaசுப்ரமணியன் நண்பரே, காஷ்மீரிலும் பொது வாக்கெடுப்பு நடத்தப்பட வேண்டும். இந்தியா ராணுவம் காஷ்மீரில் தவறு செய்யவில்லை என்றால் வாக்கெடுப்பு பற்றி நமக்கு என்ன பயம். அப்படி நடத்த படுமே யானால் அதனால் உலக அரங்கில் நம் ராணுவம் நல்லவர்கள் (?அப்படி இருந்தால்) என்று நிரூபிக்க ஒரு வாய்ப்பு தானே....
Rate this:
0 members
0 members
0 members
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.