இலங்கை தமிழருக்கு ஆதரவாக நேற்றும் நடந்த உண்ணாவிரதம்| Dinamalar

சம்பவம் செய்தி

தமிழ்நாடு

இலங்கை தமிழருக்கு ஆதரவாக நேற்றும் நடந்த உண்ணாவிரதம்

Added : மார் 22, 2013
Advertisement
 
 
Advertisement
 
 
Advertisement

நாமக்கல்: இலங்கை தமிழர் பிரச்னையை வலியுறுத்தி, நாமக்கல் மாவட்டம் முழுவதும், கல்லூரி மாணவர்கள், வக்கீல்கள், உண்ணாவிரத போராட்டம், ஆர்பாட்டத்தில் ஈடுபட்டனர்.
இலங்கை தமிழர் பிரச்னையை வலியுறுத்தி, நாமக்கல் பார் அசோசியேஷன் சார்பில், வக்கீல்கள், நீதிமன்ற புறக்கணிப்பில் ஈடுபட்டனர். சங்கத் தலைவர் ராஜூ தலைமை வகித்தார். தொடர்ந்து, நல்லிபாளையம் தபால் அலுவலகம் முன், வக்கீல்கள், மறியலில் ஈடுபட்டனர். மேலும், தபால் அலுவலகத்துக்கு பூட்டு போடவும் முயற்சித்தனர். அவர்களை, போலீஸார் தடுத்து நிறுத்தினர். மேலும், ஊர்வலமாக சென்ற வக்கீல்கள், மணிக்கூண்டு அருகே ஆர்பாட்டத்தில் ஈடுபட்டனர்.
* நாமக்கல் குளக்கரைத் திடலில், இலங்கை தமிழர் பிரச்னை தொடர்பாக கல்லூரி மாணவர்கள், உண்ணாவிரத போராட்டத்தில் ஈடுபட்டனர். போராட்டத்தில், 50க்கும் மேற்பட்ட மாணவர்கள் பங்கேற்றனர். * ப.வேலூர் காமராஜர் சிலை அருகே, இலங்கை தமிழர் பிரச்னையை வலியுறுத்தி, கல்லூரி மாணவர்கள், மக்கள் உண்ணாவிரத போராட்டத்தில் ஈடுபட்டனர். முன்னாள் எம்.எல்.ஏ., நெடுஞ்செழியன் உட்பட பலர் பங்கேற்றனர். * ப.வேலூர் அருகே பாண்டமங்கலத்தில், மாணவர் பேரவை சார்பில், இலங்கை தமிழர் பிரச்னையை வலியுறுத்தி, மாணவர்கள் மற்றும் பொதுமக்கள், உண்ணாவிரத போராட்டத்தில் ஈடுபட்டனர். * குமாரபாளையம் ஜே.கே.கே., முனிராஜா, நடராஜா ஃபார்மஸி கல்லூரி மாணவ, மாணவியர், இலங்கை தமிழர் பிரச்னையை வலியுறுத்தி, அக்கல்லூரி முன், ஆர்ப்பாட்டத்தில் ஈடுபட்டனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை