Three more nabbed in bomb planting case during Advani's tour | அத்வானியை கொல்ல முயன்ற வழக்கு; மேலும் 3 பேர் இன்று கைது !| Dinamalar

சம்பவம் செய்தி

தமிழ்நாடு

அத்வானியை கொல்ல முயன்ற வழக்கு; மேலும் 3 பேர் இன்று கைது !

Updated : மார் 26, 2013 | Added : மார் 26, 2013 | கருத்துகள் (2)
Advertisement
அத்வானியை கொல்ல முயன்ற வழக்கு; 3 பேர் இன்று கைது !

மதுரை : பா. ஜ., மூத்த தலைவர் அத்வானியை கொல்ல முயன்ற வழக்கில் மதுரையில் மேலும் 3 பேர் இன்று கைது செய்யப்பட்டனர். இந்த 3 பேர் மீதும் வெடி பொருட்கள் வாங்குவது, மற்றும் சதி திட்டம் தீட்டுவது உள்ளிட்ட பிரிவுகளில் போலீசார் வழக்கு பதிவு செய்துள்ளனர்.

கடந்த 2011 ல் பா. ஜ., மூத்த தலைவர் அத்வானி, ஊழலுக்கு எதிராக நாடு முழுவதும் ரதயாத்திரை மேற்கொண்டார். அக்டோபர் மாதம் 28 ம் தேதி மதுரையில் இருந்து செங்கோட்டை வழியாக, கேரளா செல்ல திட்டமிட்டிருந்தார். மதுரை - ராஜபாளையம் ரோட்டில், திருமங்கலம் அருகில் உள்ள ஆலம்பட்டியில் உள்ள பாலத்தின் கீழ், 7.5 கிலோ பைப் வெடிகுண்டு கண்டுபிடிக்கப்பட்டு செயலிழக்கச் செய்யப்பட்டது. உரிய நேரத்தில் ஒரு விவசாயி சொன்ன தகவலால் அத்வானி உயிர் தப்பினார்.

அடையாளம் தெரியாத சிலர் மீது, அத்வானியை கொலை செய்ய முயன்றதாக கொலை முயற்சி (307) மற்றும் வெடிபொருள் சட்டம் -4 மற்றும் 5ன் கீழ், திருமங்கலம் தாலுகா போலீசார் வழக்கு பதிவு செய்தனர். குற்றவாளிகளை கண்டுபிடிக்க ஏ.டி.எஸ்.பி., மயில்வாகனன் தலைமையில் ஒரு தனிப்படையும், நக்சலைட்கள் எதிர்ப்பு படை உட்பட 4 தனிப்படைகளும் அமைக்கப்பட்டன. தொடர்ந்து வழக்கு விசாரணை சிறப்பு புலனாய்வு பிரிவுக்கு மாற்றப்பட்டது.

ஒருவரிடம் விசாரணை : குண்டு கண்டுபிடிக்கப்பட்டதற்கு முன்தினம் இரவு, மூவர் ஒரு பைக்கிலும், தலா இருவர் இரண்டு பைக்குகளிலும், ஆலம்பட்டி பகுதியில் நடமாடியதாகவும், ஏழு பேரும் பேன்ட், சட்டை அணிந்திருந்ததாகவும் போலீசாருக்கு தகவல் கிடைத்தது. அத்வானி ரதயாத்திரையின் போது சக்திவாய்ந்த வெடிகுண்டு கண்டுபிடிக்கப்பட்ட விவகாரத்தில், பின்னணியில் இருப்பவர்கள் குறித்து விசாரிக்க, சிறப்பு புலனாய்வுக் குழு அமைக்கப்பட்டுள்ளது. இந்த வழக்கில் 3 பேர் கைது செய்யப்பட்டுள்ளனர்.

ஈரோட்டில் வெடி பொருள் பேட்டரி வாங்கினர்: இந்நிலையில் , மதுரையில் இன்று 3 பேர் கைது செய்யப்பட்டுள்ளனர். இன்று கைது செய்யப்பட்டவர்கள் விவரம் வருமாறு : நெல்லுப்பேட்டையை சேர்ந்த தர்வீஸ் மைதீன் (45 ) , வில்லாபுரத்தை சேர்ந்த சையீது (33 ), முஸ்தாபா ( 30 ) ஆகியோர் அடங்குவர். இதில் முக்கிய குற்றவாளியான தர்வீஸ் போலீசாரால் தேடப்பட்டு வந்த போலீஸ்பக்ரூதீனின் சகோதரர் ஆவார். முஸ்தாபா என்பவர் ஈரோட்டில் இருந்து வெடிபொருட்கள் தயாரிக்க தேவையான பேட்டரிகளை வாங்கி வந்தார். தொடர்ந்த விசாரணை நடத்தப்பட்டு வருகிறது. இன்று கோர்ட்டில் ஆஜர்படுத்தப்பட்டு ரிமாண்ட் செய்யப்படுவர் என போலீஸ் தரப்பில் கூறப்படுகிறது.

Advertisement


இதையும் தவறாமல் படிங்க ...



Advertisement

வாசகர் கருத்து (2)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Sulaiman Badsha - Muscat,ஓமன்
27-மார்-201300:49:10 IST Report Abuse
Sulaiman Badsha அய்யா கொஞ்ச நாளுக்கு முன்னாடி ஒருத்தனை puducherila இருந்து பிடிச்சப்ப நான்தான் அத்வானி யாத்திரையின் பொது குண்டு வைத்தேன் என்று சொன்னான் போலீஸ் அதிர்ச்சி மேலும் தீவிர விசாரணைன்னு போட்டு இருந்தாங்க (இதே தினமலர்ல தாங்க) அது என்ன ஆச்சு இப்போ திடீர்னு இவங்கதான் குண்டு வச்சவங்கன்னு கைது பண்ணி இருக்காங்க எல்லாம் அந்த ஆண்டவனுக்கே வெளிச்சம்
Rate this:
Share this comment
Cancel
Krish - Madurai,இந்தியா
26-மார்-201316:24:48 IST Report Abuse
Krish தீவிரவாதத்திற்கு முற்று புள்ளி வைக்க வேண்டும்.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை