Separate state for Tamils in Srilanka: Yaswant sinha | "தமிழ் ஈழம் மலரும்': பா.ஜ., தலைவர் யஷ்வந்த் சின்கா பேச்சு | Dinamalar
Advertisement
"தமிழ் ஈழம் மலரும்': பா.ஜ., தலைவர் யஷ்வந்த் சின்கா பேச்சு
Advertisement
 
 
Advertisement
 
 
 
எழுத்தின் அளவு:
Advertisement

சென்னை: "இலங்கையில் தமிழ் ஈழம் மலரும்' என, முன்னாள் மத்திய அமைச்சர் யஷ்வந்த் சின்கா தெரிவித்துள்ளார்.
தமிழக பா.ஜ., சார்பில், இலங்கை தமிழர் பிரச்னை, இந்திய மீனவர்கள் மீதான தாக்குதல் குறித்து, நேற்று சிறப்பு கூட்டம் நடந்தது. இந்த கூட்டத்தில், முன்னாள் மத்திய வெளியுறவு துறை அமைச்சர் யஷ்வந்த் சின்கா பேசியதாவது: பிரபாகரன் மகன் பாலச்சந்திரன் சுட்டு கொல்லப்பட்ட புகைப்படம், பார்ப்பவர்கள் அனைவரையும் துன்பப்பட வைத்தது. அவன் பிஸ்கட் துண்டுகளை சாப்பிட்டு, துப்பாக்கி குண்டுகளை, நெஞ்சில் தான் வாங்கினானே தவிர, முதுகில் வாங்கவில்லை. வாஜ்பாய் அரசில், இலங்கையில் போர் நிறுத்தம் அறிவிக்கப்பட்டிருந்தது. இலங்கையில் நடந்த இறுதிக்கட்ட போரில், ராஜபக்ஷே அரசுக்கு, இந்திய அரசு உறுதுணையாக இருந்தது. பார்லிமென்டில், நான் பேசும் போது, இலங்கை தமிழர்கள் இனப்படுகொலைக்கு, ஐக்கிய முற்போக்கு கூட்டணி உறுதுணையாக இருந்தது என்பதை சுட்டிக் காட்டினேன். ஆனால், இதற்கு காங்கிரசில் யாரும் குறுக்கீடு செய்யவில்லை. இலங்கையில் ராஜபக்ஷே, அவரது உதவியாளர், ராணுவ செயலர் கொண்ட ஒரு குழுவும், இந்தியாவில் தேசிய பாதுகாப்பு ஆலோசகர் தலைமையிலான மூவர் குழுவும், இறுதிக்கட்ட போர் நடந்த போது, பரஸ்பரமாக பேசி இனப்படுகொலையை நிகழ்த்தியுள்ளனர். இலங்கையில் உச்ச கட்ட போர் நடந்த போது, மன்மோகன் சிங் செயல்படாமல், "மண்' மோகன் சிங்காக தான் இருந்தார். இந்தியா நிர்பந்தம் செய்தால், சீனா, இலங்கைக்கு ஆதரவாக செயல்படும் என்ற சாக்கு போக்குகளை கூறினார்.

இலங்கையில், தமிழர் பகுதியில் உள்ள, ராணுவ முகாமை மூட வேண்டும். வடக்கு, கிழக்கு மாகாணங்களில், சர்வதேச நாடுகள் கண்காணிப்புடன், ஜூன் மாதத்திற்குள் தேர்தலை நடத்த வேண்டும். இலங்கையில் காமன்வெல்த் மாநாட்டை நடத்த, இந்தியா ஒரு போதும் அனுமதிக்க கூடாது. அடக்குமுறையை கையாண்டால், நாட்டின் ஒருமைப்பாட்டை பாதுகாக்க முடியாது. ராஜபக்ஷே அடக்குமுறையை கையாளுவதை நிறுத்த வேண்டும். இல்லையென்றால், தமிழ் ஈழம் மலரும் நாள் வெகுதொலைவில் இல்லை. லோக்சபா தேர்தலில், மக்கள், ஐ.மு., அரசுக்கு பாடம் புகட்டுவர். இலங்கையில் ராஜபக்ஷே அரசுக்கு, தமிழர்கள் பாடம் புகட்டுவர். தமிழக மீனவர்கள் மீது, இலங்கை கடற்படையினர் தாக்குதல் நடத்துவது தொடர் பிரச்னையாக உள்ளது. இதற்கு முக்கிய காரணம், கச்சத்தீவை இழந்தது தான். தமிழக மீனவர்கள் மீன் பிடிக்கும் இடமாக, கச்சத்தீவை கொண்டு வர வேண்டும். மத்திய அரசு பலவீனமாக உள்ளது. மன்மோகன் சிங் பலவீனமான பிரதமராக உள்ளார். மீண்டும் காங்கிரஸ் வேட்பாளராக, மன்மோகன் சிங் தான் அறிவிக்கப்பட உள்ளார்.


பா.ஜ., வில் புலிகள் போல் தொண்டர்கள் செயல்பட்டு, நமக்கு வெற்றி தேடி தருவர். அப்போது, இலங்கை தமிழர்களுக்கு மட்டுமில்லை, இந்திய மக்களுக்கும் நல் வாழ்வு கிடைக்க, 2014ல் பா.ஜ., ஆட்சி மலரும். இவ்வாறு, அவர் பேசினார். இந்த கூட்டத்திற்கு, மாநில தலைவர் பொன்.ராதா கிருஷ்ணன் தலைமை வகித்தார். தேசிய செயற்குழு உறுப்பினர் இல.கணேசன் முன்னிலை வகித்தார்.

Advertisement




Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (91)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Maheshkumar shanmugam - coimbatore,இந்தியா
03-மே-201318:59:11 IST Report Abuse
Maheshkumar shanmugam கருணாநிதியும் சோனியா இருக்கும் வரை ஈழம் மலராது
Rate this:
Share this comment
Cancel
thanasekaran - thanjavur,இந்தியா
05-ஏப்-201310:53:53 IST Report Abuse
thanasekaran அன்பு தோழர்களே விடுதலைப்புலிகள் பற்றியோ மற்ற போராளிகளைப்பற்றியோ பிரபாகரன் பற்றியோ பேசுவதற்கு தமிழ்நாட்டில் எந்த அரசியல்வாதிக்கும் தகுதி இல்லை.தன் சுயலாபதிர்க்காக மக்களை பலிகொடுத்தவர்கள் அல்ல விடுதலைப்போரளிகள் ஈழ மண்ணுக்காக தன் குடும்பம்மட்டுமல்ல தன்னையே பலிகடா ஆக்கிகொண்டவர்கள் தயவுசெய்து அவர்களை வைத்து அரசியல் செய்யாதிர்கள் என்று உங்கள் கால் பணிகிறேன்.முடிந்தால் முழுமையாக போராடுங்கள் இல்லையேல் விட்டுவிடுங்கள் வாழ்வோ? சாவோ?தமிழனாய் பிறந்த பாவத்திற்காக ஈழ மக்களோடு போகட்டும். இயலாதவரைப்போல் உண்ணாவிரதம் இருந்து தன்னையும் தன்னைச்சார்ந்தவர்க்ளையும் வருத்திக்கொள்ளும் உணர்வற்றபோராட்டம் உரமாகாது ஈழத்திற்கு.தயவுசெய்து என்னுடன் பிறக்காத மானவசகொதரர்களே உங்களின் உண்ணாவிரதத்தை கைவிட்டு இயன்றவரை போராடினோம் முடியவில்லைஎன்று மனதை தேற்றிக்கொண்டு உங்கள் வாழ்வை உண்மையாக வாழுங்கள் அதுவே போதுமானது. பணத்திர்க்ககவும் பதவிக்காகவும் தமிழனின் மானம் மரியாதைகளை மாற்றான் காலடியில் அடகுவைக்கும் கருணாநிதி போன்ற அரசியல்வாதிகள் இருக்கும் வரை உங்களின் எந்தபோராட்டமும் வெற்றிபெறாது இது உறுதி.
Rate this:
Share this comment
Cancel
Yoga Kannan - Al Buraidh,சவுதி அரேபியா
04-ஏப்-201322:41:00 IST Report Abuse
Yoga Kannan திடீர் ஞானோதயம் அய்யாவுக்கு எப்படி வந்தது.... தேர்தல் ஆருடங்களா... மதராஸ் வாலா மட்டும் தான் ஈழத்தமிழனை பற்றி பேசுவீங்களா ,,,,,நாங்களும் (டெல்லி வாலா) ,,,,பேசுவோமுள்ள..... இது எப்படி இருக்கு....
Rate this:
Share this comment
Cancel
p.mohamed rafik,kuruvadi - hafar al batin,இந்தியா
04-ஏப்-201322:09:52 IST Report Abuse
p.mohamed rafik,kuruvadi இதை விட அதிகமாக ஈழத்திற்கு ஆதரவாக மறைந்த ஜார்ஜ் பெர்னாண்டஸ் அவர்கள் ஒரு காலத்தில் ஆட்சிக்கு வருவோமா என்று தெரியாத போது ஒரு மாநாட்டில் பேசினார்.பின்பு பிஜேபி யையும் மக்கள் ஆட்சிக்கு கொண்டு வந்து அவரே இந்திய நாட்டின் பாதுகாப்புத்துறையின் அமைச்சராகவும் ஆனார்.ஆனால் என்ன நடந்தது.இவர்கள் ஆண்ட காலங்களில் இந்தியா ஆதரித்திருந்தால் ஈழம் எப்போதே கிடைத்திருக்குமே.ஓட்டுக்காக இவர்கள் எதுவும் பேசுவார்கள் எதையும் செய்யத் தயங்க மாட்டார்கள் என்பது இதன் மூலம் தெள்ளதெளிவாக தெரிய வில்லையா.மக்களை முட்டாளாக்குவதில் காங்கிரஸ் உம் பிஜேபி யும் ஒரே நேர்கோடுதான்.
Rate this:
Share this comment
Cancel
Kerala Tamizhan - Trivandrum,இந்தியா
04-ஏப்-201321:58:48 IST Report Abuse
Kerala Tamizhan நம்பிட்டோம்....
Rate this:
Share this comment
Cancel
R Bala Sundaram - nagapattinam,இந்தியா
04-ஏப்-201321:42:59 IST Report Abuse
R Bala Sundaram இந்திய அரசியல்வாதிகள் எல்லாம் பதவி ,பணம் ,சுகம் அடைபவர்கள், அதற்காக எதை வேண்டுமானாலும் சொல்வார்கள் ,செய்யமாட்டார்கள் என்ற கருத்து இந்திய மக்களிடம் நன்றாக பதிந்துபோயுள்ளது .அதிலும் தமிழ் நாட்டில் உள்ளவர்கள் இலங்கையில் உள்ளவர்களுக்கு எத்தனை உதவிகளை மறைமுகமாக செய்தார்கள் என்பது ,அதை தங்கள் சுய லாபத்திற்காக கெடுத்தார்கள் .இதற்கு நம் தமிழ் நாட்டில் இருந்தவர்கள் எத்தனை பேர் கூட இருந்தார்கள் ,எத்தனை பேர் பணத்திற்காக இருக்கிறார்கள் என்பது தமிழக மக்களுக்கு நன்கு தெரியும் ,இவர்கள் யாரும் இதில் ஈடுபட மாட்டார்கள் ஏனெறால் அவர்களுக்கும் பணம் தான் காரணம்.உண்மையில் அந்த நல்ல உள்ளம் யஸ்வந்த்சின்ஹா ஆட்சிக்காக ,பதவி சுகத்துக்காக ,உண்மையில் சொல்லி ,அதை செய்துகொடுத்தால்.அவரைவிட நல்ல மனிதர் இல்லையென்று நாமும் ,இலங்கைத்தமிழ் மக்களும் வணங்குவோம் .
Rate this:
Share this comment
Cancel
S Rama(samy)murthy - karaikudi,இந்தியா
04-ஏப்-201319:58:12 IST Report Abuse
S Rama(samy)murthy விஷ்வ ஹிந்து பரிஷத் கொள்கைபடி உலக ஹிந்துக்களை பாதுகாக்க வேண்டும் . எனவே வி. எச் . பி அதரவு வேண்டும் என்றால் , ப ஜ க இந்த முடிவு தான் எடுக்க வேண்டும் . சு ப ராம அம்பலம்
Rate this:
Share this comment
Cancel
Manidhan - India,இந்தியா
04-ஏப்-201317:49:51 IST Report Abuse
Manidhan தமிழர்களுக்கு காங்கிரஸ் எதிரிதான் ஆனால் இவர்கள் துரோகிகள்
Rate this:
Share this comment
Cancel
Baskaran Kasimani - Singapore,சிங்கப்பூர்
04-ஏப்-201315:28:12 IST Report Abuse
Baskaran Kasimani உண்மையில் இவ்வாறு நல்ல மனசுடன் சொல்லி இருந்தால் வாழ்த்தலாம். ஆனால் திமுக விடம் கூட்டு வைப்பதற்காக அவ்வாறு சொல்லி இருக்க வாய்ப்பு இருக்கிறது.
Rate this:
Share this comment
Cancel
vasan - doha,கத்தார்
04-ஏப்-201314:36:24 IST Report Abuse
vasan பி ஜ பி மீதான நன் மதிப்பு வாஜ்பாய் யோட போயி விட்டது அந்த நல்ல மனுஷன் வந்தா ஒட்டு போடலாம் ......கண்டிப்பாக தமிழனுக்கு எதாவது செய்வார் என்று நம்பலாம்.......மற்றவர்கள் எல்லாம் ஒட்டுகாக அலையும் கேவலமான அரசியல் வியாதிகள் தான்..............
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
மேலும் செய்திகள்