பரமக்குடியில் ஜனத்தொகைக்கு ஏற்ப கூடுதல் போலீசார் தேவை: போலீஸ் பற்றாக்குறையால் கேள்விக்குறியாகும் பாதுகாப்பு| Dinamalar

தமிழ்நாடு

பரமக்குடியில் ஜனத்தொகைக்கு ஏற்ப கூடுதல் போலீசார் தேவை: போலீஸ் பற்றாக்குறையால் கேள்விக்குறியாகும் பாதுகாப்பு

Added : ஏப் 06, 2013
Advertisement
 
 
Advertisement
 
 
 
Advertisement

பரமக்குடி : பரமக்குடியில் போலீசார் பற்றாக்குறையால், பொதுமக்களின் பாதுகாப்பு கேள்விக்குறியாகி வருகிறது. மேலும் இரவு நேர ரோந்து பெயரளவில் உள்ளதால் திருட்டு அதிகரித்துள்ளது.
பரமக்குடி டி.எஸ்.பி., கட்டுப்பாட்டில் பரமக்குடி, பரமக்குடி தாலுகா, எமனேஸ்வரம், நயினார்கோவில், சத்திரக்குடி, பார்த்திபனூர், அபிராமம், அனைத்து மகளிர் போலீஸ் ஸ்டேஷன்கள் உள்ளன. இங்கு 60 ஆண்டுகளுக்கு முன் இருந்த ஜனத்தொகைக்கு ஏற்ப நியமிக்கப்பட்ட போலீசாரே இப்போதும் உள்ளனர்.
இந்த போலீஸ் ஸ்டேஷன்களில் 227 போலீசார் பணியில் இருக்க வேண்டிய நிலையில் 192 பேர் மட்டுமே உள்ளனர். பரமக்குடி டவுன் 44க்கு 35, எமனேஸ்வரம் 27க்கு 22, பரமக்குடி தாலுகா 48க்கு 32, நயினார்கோவில் 20க்கு 16, பார்த்திபனூர் 26க்கு 23, அபிராமம் 29க்கு 21, அனைத்து மகளிர் போலீஸ் ஸ்டேஷனில் 15க்கு 12, பரமக்குடி போக்குவரத்து பிரிவில் 15க்கு 14 போலீசாரே உள்ளனர்.
இருக்கும் போலீசாரும் அந்தந்த ஸ்டேஷனுக்குட்பட்ட பகுதிகளில் பணியில் உள்ளார்களாக என்றால், கேள்விக்குறியே. காரணம் டி.ஐ.ஜி., எஸ்.பி., டி.எஸ்.பி., மற்ற ஸ்டேஷன் அலுவல்களில் பல போலீசார் ஈடுபடுத்தப்படுகின்றனர். இதுதவிர கோர்ட், தபால் பணிக்கும் அனுப்பப்படுகின்றனர்.
மேலும் ஆண்டின் பாதி நாட்களில் மாவட்டம், இதர மாவட்ட விழாக்கள், பிரச்னை காரணமாக பாதுகாப்பு பணிக்கு சென்று விடுகின்றனர். பரமக்குடியில் இரவு நேர ரோந்து பணியில் மூன்றுக்கும் மேற்பட்ட குழுக்கள் செயல்பட்ட நிலையில், தற்போது ஒரு போலீஸ், ஊர்க்காவல் படை என ஒரு குழு மட்டுமே உள்ளது.
இவர்களும் ஐந்துமுனை ரோடு, பஸ் ஸ்டாண்ட், ஆற்றுப்பாலம் என குறிப்பிட்ட இடத்தில் மட்டும், ரோந்து சுற்றி சென்று விடுகின்றனர். பரமக்குடியில் பட்டப்பகலில் கொள்ளை, கொலை நடந்து வருகிறது. போலீஸ் ஸ்டேஷன்களில் கூடுதல் போலீசாரை நியமிக்க வேண்டும். இரவு ரோந்தை அதிகரிக்க வேண்டும். இதற்கு எஸ்.பி.,மயில்வாகனன் நடவடிக்கை எடுக்க வேண்டும்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை