Government decision over coal scam | நிலக்கரி சுரங்க ஊழல் விசாரணை: அரசு முக்கிய முடிவு| Dinamalar

பொது செய்தி

இந்தியா

நிலக்கரி சுரங்க ஊழல் விசாரணை: அரசு முக்கிய முடிவு

Added : ஏப் 14, 2013 | கருத்துகள் (2)
Advertisement
 
 
Advertisement
 
 
 
Advertisement
நிலக்கரி சுரங்க ஊழல் விசாரணை: அரசு முக்கிய முடிவு

புதுடில்லி:கடந்த, 2004ம் ஆண்டு முதல், மேற்கொள்ளப்பட்ட நிலக்கரி சுரங்க ஒதுக்கீட்டில் ஊழல் நடந்ததாக, குற்றச்சாட்டு எழுந்ததை அடுத்து, இதுகுறித்து, சி.பி.ஐ., விசாரித்து வருகிறது. இந்த விசாரணையில், மத்திய அரசு தலையிடுவதாக புகார் கூறப்பட்டது.

மத்திய சட்ட அமைச்சர், அஸ்வனி குமார், சமீபத்தில், சி.பி.ஐ., இயக்குனரை அழைத்து, இது தொடர்பாக பேசியதாகவும், அதன் பின், சி.பி.ஐ., அறிக்கையில் மாற்றம் செய்யபட்டதாகவும், பத்திரிகைகளில் செய்திகள் வெளியாகின.இதையடுத்து, "நிலக்கரி சுரங்க ஒதுக்கீட்டில் நடந்த ஊழல் குறித்து, சிறப்பு விசாரணைக் குழுவின் விசாரணைக்கு உத்தரவிட வேண்டும்' என, பா.ஜ., கூறியுள்ளது. இந்த விவகாரம், சர்ச்சையை ஏற்படுத்தியுள்ளதை அடுத்து, மத்திய அரசு, இந்த விஷயத்தில், சில முக்கிய முடிவுகளை எடுத்துள்ளதாக, தகவல் வெளியாகியுள்ளது.

இதுகுறித்து, டில்லி அரசியல் வட்டாரங்கள் கூறியதாவது:நிலக்கரி ஊழல் விவகாரத்தில் எழுந்துள்ள சர்ச்சையை அடுத்து, நேற்று முன்தினம், அட்டர்னி ஜெனரல் வாகன்வதியுடன், மத்திய சட்ட அமைச்சர், அஸ்வனி குமார், ஆலோசனை நடத்தினார். இந்த விஷயத்தில், அடுத்த கட்டமாக, என்ன செய்யலாம் என்பது பற்றி, அட்டர்னி ஜெனரலிடம், அமைச்சர், ஆலோசனை கேட்டதாக தெரிகிறது.இதன்படி, நிலக்கரி சுரங்க ஊழல் தொடர்பாக, சுப்ரீம் கோர்ட்டில் அடுத்த மாதம் நடக்கவுள்ள விசாரணையின் போது, சி.பி.ஐ., சார்பில் ஆஜராகும் வழக்கறிஞருக்கு உதவியாக, அட்டர்னி ஜெனரல் உட்பட, மத்திய அரசு சார்பில், எந்த சட்ட நிபுணரையும் அனுப்புவது இல்லை என, முடிவெடுக்கப்பட்டுள்ளது.இவ்வாறு, டில்லி அரசியல் வட்டாரங்கள் தெரிவித்தன.

Advertisement

இதையும் தவறாமல் படிங்க ...



Advertisement

வாசகர் கருத்து (2)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
யதார்தவாதி வெகுஜன விரோதி - சிராப்பள்ளி,இந்தியா
15-ஏப்-201307:17:09 IST Report Abuse
யதார்தவாதி வெகுஜன விரோதி இருக்கவே இருக்கிறது ஆவணங்கள் காணவில்லை என்று சொல்லிவிடலாம். இல்லை என்றால் ஒரு தீ விபத்து ஏற்படுத்தி முக்கிய ஆவணங்கள் எரிந்து விட்டது என்று சொல்லலாம்.
Rate this:
Share this comment
Cancel
Vettri - Coimbatore,இந்தியா
15-ஏப்-201301:35:45 IST Report Abuse
Vettri நாட்டில் ஊழலை ஒழிக்க ஒரே வழி தான் உள்ளது. அது காங்கிரஸ் கட்சியை ஒழிப்பது தான்.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை