தொழிலதிபர் ஆர்.பி.கோயங்கா கோல்கட்டாவில் காலமானார்| Dinamalar

தொழிலதிபர் ஆர்.பி.கோயங்கா கோல்கட்டாவில் காலமானார்

Added : ஏப் 14, 2013
Advertisement
 
 
Advertisement
 
 
Advertisement

கோல்கட்டா : நாட்டின் முன்னணி தொழிலதிபர்களில் ஒருவரான, ஆர்.பி.கோயங்கா, கோல்கட்டாவில் நேற்று காலமானார். பல துறைகளில் முன்னணி நிறுவனமாக விளங்கும், "ஆர்.பி.ஜி.,' நிறுவனர், ஆர்.பி.கோயங்கா, 83, நேற்று காலமானார். வயது முதிர்வின் காரணமாக, சில நாட்களாக அவதிப்பட்டு வந்த அவர், நேற்று காலை உயிரிழந்தார். நாட்டின் தொழில் வளர்ச்சிக்கு பெரிதும் பங்காற்றிய அவர், 1970 - 80களில் நிலவிய கடும் தொழில் போட்டியிலும், தன் சொந்த மாநிலமான மேற்கு வங்கத்தை விட்டு வெளியே வராமல், அங்கேயே இருந்து சாதித்து காட்டினார். ஆர்.பி.ஜி., மட்டுமின்றி, ஸ்பென்சர்ஸ், சரிகம, சியட் டயர்ஸ் உட்பட, பல நிறுவனங்களையும் தொடங்கியவர் இவர். கோல்கட்டா பிரசிடன்சி கல்லூரியில் பட்டப்படிப்பை முடித்த இவர், அமெரிக்காவின், ஹார்வர்டு பல்கலைக்கழகத்தில் மேலாண்மை படிப்பு படித்துள்ளார். இவரது நிறுவனங்களின் ஆண்டு வர்த்தகம், 30 ஆயிரம் கோடி ரூபாய்க்கும் அதிகம் என்பது குறிப்பிடத்தக்கது. சில ஆண்டுகளுக்கு முன், தனது நிறுவனங்களின், நிர்வாகத்தை இரு மகன்களிடமும் ஒப்படைத்து விட்டு ஓய்வில் இருந்த கோயங்கா, நேற்று காலமானார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை