எட்டயபுரம் அருகே சுரைக்காய்பட்டியில் பொன்ஏர் திருவிழா கோலாகலம்| Dinamalar

பொது செய்தி

தமிழ்நாடு

எட்டயபுரம் அருகே சுரைக்காய்பட்டியில் பொன்ஏர் திருவிழா கோலாகலம்

Added : ஏப் 15, 2013
Advertisement
 
 
Advertisement
 
 
 
Advertisement
Advertisement

எட்டயபுரம் :எட்டயபுரம் அருகே சுரைக்காய்பட்டி கிராமத்தில் ஒற்றுமைக்கு ஒரு திருவிழாவான பொன்ஏர் திருவிழா தமிழ்புத்தாண்டு தினத்தில் கோலாகலமாக நடந்தது.தமிழக கிராமங்களில் சித்திரை மாதத்தை வசந்த கால வரவாக கருதுகின்றனர். குறிப்பாக நெல்லை, தூத்துக்குடி மாவட்டங்களில் கரிசல் கிராமங்களில் சித்திரை மாதப் பிறப்பை சிறப்பாக கொண்டாடுவது வழக்கமாக இருந்து வருகிறது. கரிசல் கிராமங்களில் விவசாயிகள் ஊர்கூடி நல்லநாள் பார்த்து ஜாதி, மத, பேதமின்றி அனைத்து விவசாயிகளும் இணைந்து பொன்ஏர் திருவிழாவை கொண்டாடு கின்றனர். ஊர்மக்கள் ஒன்று கூடி யார் நிலத்தில் ஏர்திருவிழா நடத்துவது என்று சீட்டு எழுதி குலுக்கல் முறையில் தேர்வு செய்யப்படும். அரசர் நிலமாக இருந்தாலும் சாதாரண குடியானவன் நிலமாக இருந்தாலும் ஏர்திருவிழாவை அந்த நிலத்தில் நடத்துவர். ஏர்கலப்பைக்கு பூஜைகள் நடத்தி பொன்ஏர் திருவிழாவிற்கு ஊர்வலமாக புறப்பட்டு தேர்வு செய்யப்பட்டு நிலத்தை அடைந்ததும் அங்கு பூஜைகள் செய்யப்படும் ஏர்கள் நிலத்தில் இறங்கும் அந்த நிலத்தை பண்படுத்திவிட்டு திரும்புவர். இப்படிப்பட்ட ஒற்றுமைக்கு ஒரு திருவிழாவான பொன்ஏர் திருவிழா எட்டயபுரம் அருகே சுரைக்காய்ப்பட்டி கிராமத்தில் தமிழ்புத்தாண்டு தினத்தன்று நடந்தது.விழாவிற்கு முன்னாள் பஞ்.,தலைவர் நாகரத்தினம் தலைமை வகித்தார். விவசாயிகள்சிவஜோதிமணி, அழகர், செல்வராஜ், தர்மராஜ், சுந்தர்ராஜ், ராகுரெட்டி ஆகியோர் முன்னிலை வகித்தனர். அதிகாலையில் ஏர் கலப்பைகளையும், டிராக்டர்களையும் குளிப்பாட்டி, பொட்டிட்டு விவசாயிகளின் அவரவர் தொழுவத்தில் பூஜைகள் நடத்தினர். விவசாயிகள் ஒன்று கூடி முத்துராமலிங்கம் மாட்டு தொழுவத்தில் மஞ்சள் பிள்ளையார் வைத்து குத்துவிளக்கு ஏற்றி குங்குமம், சந்தனம், சாத்தி தேங்காய், பழம் நிறை நாளியல் நவதானியங்கள் வைத்து கூட்டுசிறப்பு பூஜை நடந்தது. ஞாயிறு, வெள்ளி மேற்கு சூலம் ஆதலால் ஊருக்கு ஈசான மூளையில் விவசாய ராமமூர்த்தியின் நிலம் தேர்வு செய்யப்பட்டது.பெண்களின் குரவையொலி முழங்க தச்சர்கள் காளிராஜ், செல்வராஜ், ஏர் கலப்பைகளை வணங்கி பொன்ஏர் திருவிழாவை துவக்கி வைத்தனர். நவீன காலமானதால் முற்றிலும் டிராக்டர்கள் கலந்து கொண்டு தேர்வு செய்த நிலத்தை உழுது விதை விதைத்தனர்.ஏர்திருவிழா நடந்த நிலத்தில் ஒவ்வொருவரும் ஒரு பிடி மண் எடுத்து தங்களுடைய நிலத்தில் கொண்டுபோய் தூவினர். இப்படி செய்தால் அந்த நிலங்கள் நன்றாக விளையும் என்பது ஐதீகம். விவசாயிகளுக்கு ஊரின் எல்லையில் பலத்த வரவேற்பு கொடுக்கப்பட்டது.புளி, கருப்பட்டி கலந்து தயாரித்த பானைக்காரம், நீர், மோர் குளிர்பபானங்கள் வழங்கப்பட்டது. மேலும் ஏர் திருவிழாவில் வெற்றிகரமாக பங்கேற்ற தங்களின் முறைமாப்பிள்ளை மற்றும் மாமன், மச்சான் முறை கொண்டோருக்கு பெண்கள் மஞ்சள்நீராட்டு நடத்தினர். ஊர் உண்டானதிலிருந்து தொடர்ந்து ஆண்டுதோறும் பொன்ஏர் திருவிழா நடத்தி வருகிறோம் என பெரியவர்கள் பெருø

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை