பரபரப்பு நாகர்கோவிலில் அதிகாலையில் ரயிலுக்கு வெடிகுண்டு மிரட்டல்| Dinamalar

பரபரப்பு நாகர்கோவிலில் அதிகாலையில் ரயிலுக்கு வெடிகுண்டு மிரட்டல்

Added : ஏப் 15, 2013
Advertisement

நாகர்கோவில்:நாகர்கோவிலில் இருந்து திருப்பதிவழியாக மும்பை செல்லும் ரயிலுக்கு வெடிகுண்டு மிரட்டல் விடுக்கபட்டதால் நாகர்கோவில் ரயில்வே ஸ்டேசனில் பரபரப்பு ஏற்பட்டது.நாகர்கோவிலில் இருந்து திருப்பதி வழியாக மும்பைக்கு திருப்பதிஎக்ஸ்பிரஸ் ரயில் இயக்கப்பட்டு வருகிறது. இந்த ரயில் நேற்று காலை 4.30 மணிக்கு நாகர்கோவிலில் இருந்து மும்பைக்கு புறப்பட தயாராக நின்று கொண்டு இருந்தது. இந்நிலையில் மதுரை ரயில்வே பாதுகாப்பு படை காமாண்டர் கண்ணன் என்பவரது செல்போனில் பேசிய நபர் நாகர்கோவிலில் இருந்துபுறப்படும் திருப்பதி எக்ஸ்பிரஸ் ரயிலில் வெடிகுண்டு வைக்கப்பட்டுள்ளதாக தகவல் தெரிவித்துள்ளார். இதுதொடர்பாக ரயில்வே பாதுகாப்பு படை போலீசாருக்கு தகவல் தெரிவித்தனர். மேலும் குமரி மாவட்ட போலீஸ் எஸ்.பிக்கும் தகவல் தெரிவிக்கப்பட்டது. இதனையடுத்து மாவட்ட எஸ்.பி., மணிவண்ணன் போலீசாருக்கு தகவல் தெரிவித்தார்.இதனால் போலீசார் உஷார் படுத்தப்பட்டனர். இதனையடுத்து டி.எஸ்.பி.,க்கள் உதயகுமார், சங்கரநாராயணன் ,மற்றும் இன்ஸ்பெக்டர் ஜெயபாண்டியன், ரயில்வே இன்ஸ்பெக்டர் பால்ராஜ் ஆகியோர் தலைமையில் ரயில்வே பாதுகாப்பு படை போலீசார் ரயில்வே ஸ்டேசனில் அதிரடி சோதனையில் இறங்கினர். மேலும் வெடிகுண்டு நிபுணர்களும் சம்பவ இடம் விரைந்துவந்தனர். மோப்பநாய் வரவழைக்கப்பட்டது. வெடிகுண்டு நிபுணர்கள் மற்றும் மோப்பநாய் உதவியுடன் போலீசார் ரயில்வே தண்டவாளம், பிளாட்பாரங்கள் ஆகியவற்றில் சோதனை நடத்தினர். மேலும் திருப்பதி எக்ஸ்பிரஸ் ரயிலில் உள்ள அனைத்து பெட்டிகளும் சோதனை செய்யப்பட்டது. மேலும் வெளியூர்களில் இருந்து நாகர்கோவில் வந்த அனைத்து ரயில்களும் சோதனைக்கு உள்படுத்தப்பட்டது.
ரயில்வே ஸ்டேசனில் இருந்த பயணிகளின் பொருட்கள் சோதனை செய்யப்பட்டது. இது போன்று கன்னியாகுமரியில் இருந்து கேரளா வழியாக மும்பை செல்லும் ரயிலையும் போலீசார் சோதனை நடத்தினர். சுமார்3மணி நேரம் சோதனை நடத்தப்பட்டது. சோதனையில் வெடிகுண்டு இல்லை எனவும் புரளி எனவும் போலீசார் தெரிவித்தனர்.இருப்பினும் காலை நாகர்கோவில் வந்த ரயில்கள் அனைத்தும் சோதனை நடத்தப்பட்டது. இருப்பினும் ரயில்கள் தாமதம் இன்றி வழக்கமான நேரத்தில் இயக்கப்பட்டது.இது குறித்து மாவட்ட எஸ்.பி., மணிவண்ணன் கூறும்போது;-மதுரை ரயில்வே பாதுகாப்பு படையினருக்கு வந்த தகவலின் அடிப்படையில் குமரி மாவட்ட போலீசாருக்கு தகவல் தெரிவிக்கப்பட்டது. இதனையடுத்து நாகர்கோவில் ரயில்வே ஸ்டேசனில் சோதனை நடத்தப்பட்டது. சோதனையில் வெடிகுண்டு இல்லை என்பது தெரியவந்தது. இருப்பினும் போலீசார் கண்காணிப்பு பணியில் ஈடுபட்டு வருகின்றனர். மேலும் வெடிகுண்டு மிரட்டல் விடுத்த நபர் குறித்து விசாரணை நடத்தப்பட்டு வருகிறது. இவ்வாறு அவர் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை