E-paper| Mobile Apps

iPad

iPad E-paper

iPhone

Android

Android Tablet

Windows

Windows 8

Blackberry

bbicon OS 10

Mobile Election

| Get Font | Site Map |  RSS Feed
Advertisement
தினத்தந்தி அதிபர் சிவந்தி ஆதித்தனார் காலமானார்
Advertisement
 
 
Advertisement
 
 
எழுத்தின் அளவு:
Advertisement

மாற்றம் செய்த நாள்

20 ஏப்
2013
10:12
பதிவு செய்த நாள்
ஏப் 19,2013 21:33

சென்னை: தினத்தந்தி அதிபர் சிவந்தி ஆதித்தனார் சென்னையில் நேற்று காலமானார். அவருக்கு வயது 76. கடந்த சில நாட்களாக உடல்நலக்குறைவு காரணமாக மருத்துவமனையில் சிகிச்சை பெற்று வந்த அவர், சிகிச்சை பலனின்றி இன்று காலமானார்.

"தினத்தந்தி' நாளிதழின் நிறுவனர் மறைந்த சி.பா.ஆதித்தனார் மகன் சிவந்தி ஆதித்தனார். இவர் கல்வியாளர், தொழிலதிபர், பத்திரிகையாளர், விளையாட்டு நிர்வாகி என பன்முக திறமை கொண்டவராக இருந்தார். தினத்தந்தி நாளிதழின் அதிபராக இருந்து வந்த சிவந்தி ஆதித்தனார், பல்வேறு கல்லூரிகள், மாலைமலர், தந்தி டிவி, ஹலோ எப்.எம்., ஆகியவற்றையும் நிர்வகித்து வந்தார். கடந்த 1936 செப்., 24ம் தேதி பிறந்த சிவந்தி ஆதித்தனார், பிரசிடென்சி கல்லூரியில் பட்டப்படிப்பு முடித்தார். இவரது தந்தை 1942ல் மதுரையில் தொடங்கிய தினத்தந்தி நாளிதழை தனது சிறந்த சீர்மிகு தலைமையில் ஒவ்வொரு நாளும் புத்தம் புது மலராக மலர்ந்து மணம் வீச செய்திருக்கிறார். தினந்தந்தி நாளிதழ், சென்னை, மதுரை, திண்டுக்கல், திருச்சி, தஞ்சை, திருநெல்வேலி, நாகர்கோவில், கோவை, சேலம், ஈரோடு, வேலூர், கடலூர், புதுச்சேரி, பெங்களூரு, மும்பை என 15 பதிப்புகள் வெளியிடப்படுகிறது. இவரது சேவையை அங்கீகரிக்கும் விதமாக 2009ம் ஆண்டு மத்திய அரசின் உயரிய விருதுகளில் ஒன்றான "பத்ம ஸ்ரீ' விருது வழங்கப்பட்டது. மேலும் கவுரவ டாக்டர் பட்டமும் பெற்றுள்ளார்.

சிவந்தி ஆதித்தனாரின் கல்விச் சேவை: ஆதித்தனார் கல்வி நிறுவன அறக்கட்டளை திருச்செந்தூரில் இயங்கிவருகிறது. கிராமப்புற, பின்தங்கிய மக்களுக்கு சேவை செய்யும் நோக்கோடு ஏற்படுத்தப்பட்ட இக்கட்டளையில், தற்போது 7 கல்வி நிறுவனங்கள் செயல்பட்டு வருகின்றன. 1, ஆதித்தனார் கலை அறிவியல் கல்லூரி



2. கோவிந்தமாள் ஆதித்தனார் மகளிர் கல்லூரி



3. டாக்டர் சிவந்தி ஆதித்தனார் உடற்கல்வியியல் கல்லூரி



4. டாக்டர் சிவந்தி ஆதித்தனார் கல்வியியல் கல்லூரி



5. டாக்டர் சிவந்தி ஆதித்தனார் பொறியியல் கல்லூரி



6. டாக்டர் சிவந்தி ஆதித்தனார் ஆசிரியர் பயிற்சி நிறுவனம்



7. டாக்டர் சிவந்தி ஆதித்தனார் நர்சிங் கல்லூரி


இக்கல்வி நிறுவனங்களுக்கு டாக்டர். பா சிவந்தி ஆதித்தனார் தலைவராக இருந்தார். தனது பன்முகத்தன்மை மற்றும் ஆளுமை தன்மையால், கல்வித்துறையில் பல்வேறு சாதனைகளை படைத்தவர் சிவந்தி ஆதித்தனார். தமிழகத்தில் சிவந்தி ஆதித்தனாரின் கல்வி பங்களிப்பு போற்றத்தக்கது. இக்கல்வி நிறுவனங்களில் தற்போது ஆயிரக்கணக்கான மாணவர்கள் படித்து வருகின்றனர். கல்வித்துறையில் அவரது முன்உதாரணமான சேவையை பாராட்டி இந்திய அரசு அவருக்கு, பத்மஸ்ரீ விருது வழங்கியது. மேலும் இவரது கல்விச் சேவையை பாரட்டி 1993 ம் ஆண்டு மதுரை காமராசர் பல்கலை, 1994 ல் அண்ணாமலை பல்கலை, 2004 ல் மனோன்மணியம் சுந்தரனார் பல்கலை, 2007 ல் சென்னை பல்கலை, கவுரவ டாக்டர் பட்டம் வழங்கியது. மதுரை காமராஜ் பல்கலை, அண்ணாமலை பல்கலை, பாரதிதாசன் பல்லை, சென்னை பல்கலையில் சிண்டிக்கேட் உறுப்பினராகவும் இவர் இருந்துள்ளார். இவர் ஒரு சிறந்த விளையாட்டு வீரர். 10 ஆண்டுகள் இந்திய ஒலிம்பிக் சங்கத் தலைவராக இருந்துள்ளார். தற்போது பல்வேறு சர்வதேச விளையாட்டுப் போட்டிகளில் பொறுப்பாளராக உள்ளார். கல்வி மற்றும் விளையாட்டுத்துறையில் இவரது சேவையை பாராட்டி "ஒலிம்பிக் ஆர்டர் பார் மெரிட்' என்ற விருது வழங்கப்பட்டுள்ளது. தமிழக பள்ளி மாணவர்களை ஊக்கப்படுத்தும் பொருட்டு ஒவ்வொரு ஆண்டும் பத்தாம்வகுப்பு, பிளஸ் 2, பொதுத்தேர்வில் மாநில அளவில் முதலிடம் பெறும் மாணவருக்கு 10,000 ரூபாயும், இரண்டாவது மாணவருக்கு 7,000 ரூபாயும், மூன்றாவது மாணவருக்கு 5,000 ரூபாயும், வழங்கப்படுகிறது. மாவட்ட அளவில் முதலிடம் பெறும் மாணவருக்கு 5,000 ரூபாயும், இரண்டாவது மாணவருக்கு 3,000 ரூபாயும், மூன்றாவது மாணவருக்கு 2,000 ரூபாயும் வழங்கப்படுகிறது.


சிவந்தி ஆதித்தனாரின் சமூகப்பணிகள்: சிவந்தி ஆதித்தனார், சமூகப்பணிகளில் ஆர்வம் கொண்டவர். ஏழை மாணவர்கள் கல்வி பயில பல்வேறு உதவிகளை செய்து வருகிறார். பத்தாம் வகுப்பு, பிளஸ் 2வில் முதல் மூன்று இடங்களை பிடிக்கும் மாணவர்களுக்கு தினத்தந்தி சார்பில் பரிசுத்தொகை வழங்கப்படுகிறது. தற்போதைய கல்விமுறைகளை மாணவர்களுக்கு விளக்க "வெற்றி நிச்சயம்' என்ற நிகழ்ச்சியை ஆண்டுதோறும் நடத்துகிறார். பத்தாம் வகுப்பு, பிளஸ் 2 வினாவிடையும் தினத்தந்தி இதழில் வெளியாகிறது. ஒவ்வொரு ஆண்டும் சிவந்தி ஆதித்தனாரின் பிறந்த நாள் அன்று, தேர்ந்தெடுக்கப்பட்ட தமிழக அறிஞர்களுக்கு பரிசுத்தொகையும், பொற்கிழியும் கொடுத்து அவர்களை கவுரவிக்கிறார். ஏழை மாணவர்கள் கல்வி பயிலும் வண்ணம் பல உயர் கல்வி நிறுவனங்களை நடத்தி வருகிறார். மேலும் பல்வேறு சமூக பணிகளையும், நலத்திட்ட உதவிகளையும் சிறப்பாக செய்து வருகிறார்.





Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (26)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Sukumar Talpady - Mangalore ,இந்தியா
20-ஏப்-201310:17:15 IST Report Abuse
Sukumar Talpady தினத்தந்தி பத்திரிக்கையின் வளர்ச்சியில் டாக்டர்.சிவந்தி ஆதித்யன் பங்கு அபாரம். ஒரு பத்திரிக்கையின் வெவ்வேறு துறையிலும்,அவருக்கு அறிவு ,பயிற்சி இருந்தது. உண்மையிலேயே அவருடைய இறப்பு இந்திய பத்திரிக்கை துறைக்கு பெரும் இழப்பு. அன்னார் ஆத்மா சாந்தி அடைக
Rate this:
0 members
0 members
0 members
Share this comment
Cancel
நல்லுறையன் - இராமநாதபுரம்,இந்தியா
20-ஏப்-201310:15:54 IST Report Abuse
நல்லுறையன் டாக்டர் சிவந்தி ஆதித்தனார் மறைவு பத்திரிகை துறைக்கு பேரிழப்பு . இன்றும் மக்கள் மத்தியில் தினத்தந்தி தான் முதலிடம் . அன்னாரது மறைவுக்கு ஆழ்ந்த அனுதாபங்கள் . செய்தியை முன்னுரிமை கொடுத்து வெளியிட்ட தினமலருக்கு நன்றி .
Rate this:
0 members
0 members
0 members
Share this comment
Cancel
chinnamanibalan - Thoothukudi,இந்தியா
20-ஏப்-201310:04:22 IST Report Abuse
chinnamanibalan தென்காசி காசிவிஸ்வநாத சுவாமி கோவிலின் சிதைந்து போன ராஜ கோபுரத்தை திரும்பவும் புதுப்பித்து அழியா புகழை அடைந்தவர் திரு .சிவந்தி ஆதித்தனார் அவர்கள் .அவரது பெயர் என்றென்றும் தமிழ் மக்களிடம் நிலைத்து நிற்கும்...
Rate this:
0 members
0 members
0 members
Share this comment
Cancel
Manak Chand - vridhachalam,இந்தியா
20-ஏப்-201309:39:52 IST Report Abuse
Manak Chand எழுத்துக் கூட்டிப் படிக்கும் ஏழை கிராமத்து மக்களையும் கவரும் வண்ணம் எளிய தமிழில் செய்திகளை தந்து இன்றைக்கும் தந்தி என்ற பெயருக்குப் பொருத்தமாக உண்மையிலேயே நம்பர் 1 தமிழ் நாளிதழாக திகழும் தினத்தந்தியின் அதிபர் சிவந்தி ஆதித்தன் அவர்களின் மறைவு தமிழ் பத்திரிக்கை உலகிற்கு நிச்சயமாக பேரிழப்பாகும்..
Rate this:
0 members
0 members
3 members
Share this comment
சு கனகராஜ் - chennai -33,இந்தியா
20-ஏப்-201310:18:13 IST Report Abuse
சு கனகராஜ் சிறு வயது குழந்தைகள் முதல் வட இந்திய நடிகைகள் வரை அனைவருக்கும் தமிழை அறிமுக படுத்தியவர் ...
Rate this:
0 members
0 members
0 members
Share this comment
Cancel
Rsk Muthu - jurong west,சிங்கப்பூர்
20-ஏப்-201309:34:30 IST Report Abuse
Rsk Muthu தானும் வாழ்ந்தும் தன் பிறந்த இந்த நாடுக்கும் வாழ்ந்தா மா மனிதன் அன்னாரின் தமிழ் சேவையை தமிழகம் என்றும் மறக்காது. அன்னாரின் ஆன்மா சாந்தி அடைய எல்லாம் வல்ல இறைவனை வேண்டுகிறேன்.
Rate this:
0 members
0 members
0 members
Share this comment
Cancel
Covai ramkumar - Coimbatore,இந்தியா
20-ஏப்-201309:16:49 IST Report Abuse
Covai ramkumar டாக்டர். பத்மஸ்ரீ .சிவந்தி ஆதித்தன் அவர்களின் மறைவு பத்திரிகைத்துறைக்கு மட்டுமல்ல ,விளையாட்டுத்துறைக்கும் பேரிழப்பு, ஆதித்தனார் அவர்களின் குடும்பத்தாருக்கு எங்கள்ளது ஆழ்ந்த இரங்கலைத் தெரிவித்துக் கொள்கிரோம்
Rate this:
0 members
0 members
0 members
Share this comment
Cancel
jayakumar - coimbatore  ( Posted via: Dinamalar Android App )
20-ஏப்-201308:44:25 IST Report Abuse
jayakumar நல்ல மனிதர்
Rate this:
0 members
0 members
0 members
Share this comment
Cancel
Srinivasan Kannaiya - muscat ,ஓமன்
20-ஏப்-201308:24:09 IST Report Abuse
Srinivasan Kannaiya பாமர மக்களிடையே தமிழை கொண்டு சென்ற பெருமை இந்த குடும்பத்தை சாரும். அன்னாரின் தமிழ் தொண்டு தமிழ் உள்ளவரை எல்லோர் மனதிலேயும் இருப்பார்
Rate this:
0 members
0 members
7 members
Share this comment
Cancel
siva Muthukumar - Singapore  ( Posted via: Dinamalar Android App )
20-ஏப்-201308:18:22 IST Report Abuse
siva Muthukumar தென்னகத்தி்ன் ஈடுசெய்ய முடியாத இழப்புகளில் முக்கியமானது Muthukumar Singapore
Rate this:
0 members
0 members
5 members
Share this comment
Cancel
S.RAJA - TENKASI  ( Posted via: Dinamalar Android App )
20-ஏப்-201308:16:07 IST Report Abuse
S.RAJA தென்காசி கோயிலுக்கு சென்றபோது அங்கு இருந்த கல்வெட்டில் அரிகேசரி பாரக்கிராம பாண்டியன் என்கிற அரசன். இந்த கோவில் எற்படும் பழதுகளை சிரமைக்கும் நபரை தலை வணங்குகிறேன்னு!!பொறிக்கப்பட்டிருக்கும் .இடி விழந்து மொட்டையாக பல ஆன்டுகள் இருந்ததை' சிவந்தி் ஆதி்த்தன்தலமை எற்று' எழப்பி கும்பாபிசேகம் கன்டது 'சரித்தி்ரத்தி்ல்லும் இடம் பொற்று உள்ளார் ;அரசர்களுக்கு பிறகு தனி நபர் ஒருவரால் கட்டப்பட்ட மிகப்பெரிய ராஐகோபுரம் இதுவே;
Rate this:
0 members
0 members
36 members
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.