முதல்வர் மம்தாவை தாக்கிய மாணவ அமைப்பினர் கைது| Dinamalar

முதல்வர் மம்தாவை தாக்கிய மாணவ அமைப்பினர் கைது

Added : ஏப் 23, 2013 | கருத்துகள் (2)
Advertisement
 
 
Advertisement
 
 
 
Advertisement

புதுடில்லி:மேற்கு வங்க முதல்வர், மம்தா பானர்ஜியை, டில்லியில் தாக்கிய, இந்திய மாணவர் கூட்டமைப்பான - எஸ்.எப்.ஐ., நிர்வாகிகள், ஆறு பேர், டில்லியில் நேற்று, கைது செய்யப்பட்டனர்.கோல்கட்டா பல்கலைக் கழகத்தின் மாணவர் பேரவை தேர்தல் தள்ளி வைக்கப்பட்டதைக் கண்டித்து, அந்நகரில் நடந்த ஆர்ப்பாட்டத்தின் போது, சுதிப்தோ என்ற மாணவர் இறந்தார். அவர், போலீசாரால் அடித்து கொல்லப்பட்டதாக கூறப்படுகிறது.அந்தச் சம்பவம் நடந்து, சில நாட்களுக்குப் பின், இம்மாதம், 9ம் தேதி, டில்லி, யோஜனா பவனில், திட்டக் கமிஷன் துணைத் தலைவர், மான்டேக் சிங் அலுவாலியாவை சந்திக்க, மேற்கு வங்க முதல்வர், மம்தா பானர்ஜியும், அவரது அமைச்சரவையின், நிதியமைச்சர், அமித் மிஸ்ராவும் சென்றனர். அவர்களை, எஸ்.எப்.ஐ., அமைப்பினர் முற்றுகையிட்டனர்; அப்போது, தான் தாக்கப்பட்டதாக, மம்தா கூறினார்.

அமித் மிஸ்ராவை, மாணவர்கள் தாக்கியது, "டிவி' காட்சிகளில் வெளியானது.இந்த சம்பவம் குறித்து, மத்திய உள்துறை அமைச்சர், சுஷில்குமார் ஷிண்டே, கடந்த வாரம் விசாரணைக்கு உத்தரவிட்டார். மம்தா மற்றும் அமித் மிஸ்ராவை தாக்கியதாக, "டிவி' காட்சி ஆதாரங்களின் அடிப்படையில், எஸ்.எப்.ஐ., நிர்வாகிகள், ஆறு பேர் நேற்று கைது செய்யப்பட்டனர்.அவர்களில், அந்த அமைப்பின், பொதுச் செயலர், ரிதாபரதா பண்டோபாத்யாயா மற்றும் இரண்டு பெண்கள் அடங்குவர். கைது செய்யப்பட்டவர்கள், பெருநகர மாஜிஸ்திரேட் முன்னிலையில் ஆஜர்படுத்தப்பட்டனர்; அவர்களை, 5,000 ரொக்க ஜாமினில் மாஜிஸ்திரேட், ஆகாஷ் ஜெயின் விடுவித்தார்.

Advertisement

இதையும் தவறாமல் படிங்க ...



Advertisement

வாசகர் கருத்து (2)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
r.sundararaman - tiruchi,இந்தியா
23-ஏப்-201313:20:55 IST Report Abuse
r.sundararaman இவர்கள் கைது செய்தது கண்துடைப்புபோல் உள்ளது. ஒரு மாநில முதல்வர் மற்றும் அமைச்சர்களை தாக்குவது சாதாரண செயல் அல்ல. கொலைமுயற்சி வழக்குபோட்டு குண்டர் சட்டத்தில் ஓராண்டு ஜாமீனில் வெளிவராமல் செய்ய வேண்டும்.
Rate this:
Share this comment
Cancel
Lion Drsekar - Chennai ,இந்தியா
23-ஏப்-201310:07:03 IST Report Abuse
Lion Drsekar இதற்குப் பெயர்தான் வளர்த்த கடா மார்பில் பாயும் என்பது? வந்தே மாதரம்
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை