தரையிறங்கிய ஹெலிகாப்டர் தலிபான்கள் சிறைபிடிப்பு| Dinamalar

தரையிறங்கிய ஹெலிகாப்டர் தலிபான்கள் சிறைபிடிப்பு

Added : ஏப் 23, 2013
Advertisement
 
 
Advertisement
 
 
Advertisement

காபூல்:ஆப்கானிஸ்தானில், தங்கள் கட்டுப்பாட்டில் உள்ள பகுதியில் தனியார் ஹெலிகாப்டர் அவசரமாக தரையிறங்கியதில், அதில் இருந்த, வெளிநாட்டினர், ஒன்பது பேரை, தலிபான்கள் சிறை பிடித்துள்ளனர்.ஆப்கானிஸ்தானின், லகோர் மாகாணத்தில் உள்ள அஸ்ரா மாவட்டத்தில், கடும் சூறைக்காற்றும், பலத்த மழையும் பெய்ததால், "காவ்ரேசன்' நிறுவனத்தின் ஹெலிகாப்டர், ஒரு கிராமத்தில் அவசரமாக தரையிறங்கியது.
அந்த பகுதி, தலிபான்கள் கட்டுப்பாட்டில் இருந்ததால், அந்த ஹெலிகாப்டரில் இருந்த ஒன்பது பேரை, தலிபான்கள் சிறை பிடித்தனர்.
இது குறித்து, லகோர் மாகாண போலீஸ் அதிகாரி குறிப்பிடுகையில், ""தனியார் நிறுவனத்துக்கு சொந்தமான சரக்கு ஹெலிகாப்டர், எந்த பொருளை, எங்கு எடுத்துச் சென்றது என்ற விவரம் தெரியவில்லை. தலிபான்களால் சிறை பிடிக்கப்பட்ட, ஒன்பது பேரை மீட்கும் முயற்சி நடக்கிறது,'' என்றார்.தலிபான்கள் கடத்தி சென்ற ஒன்பது பேரில், ஏழு பேர் துருக்கியையும், இரண்டு பேர் ரஷ்யாவையும் சேர்ந்தவர்கள்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை