Advertisement
சம்பள உயர்வை நிறுத்தியது சரியே! ரயில் ஊழியர் மீதான வழக்கில் தீர்ப்பு
Advertisement
 
 
Advertisement
 
 
எழுத்தின் அளவு:
Advertisement

பதிவு செய்த நாள்

11 மே
2013
01:48

மும்பை : "அனுமதியின்றி தற்காலிக தொழிலாளர்களை நியமித்த, ரயில்வே மின் பொறியாளருக்கு, இரண்டு ஆண்டுகளுக்கு, சம்பள உயர்வை நிறுத்தி வைத்த நடவடிக்கை சரியே!' என, மும்பை ஐகோர்ட் உத்தரவிட்டுள்ளது. மேற்கு ரயில்வேயில், பரோடா - கோத்ரா பிரிவில், மண்டல மின் பொறியாளராக பணியாற்றிய ஆர்.சி.தாகூர், தற்போது மும்பையில் பணியாற்றி வருகிறார். இவர், பரோடா - கோத்ரா பிரிவில் பணியாற்றிய போது, கோத்ரா - ஆனந்த் இடையே மின் மயமாக்கும் பணி, 1981 முதல், 1983 ஏப்ரல் வரை நடந்தது. இத்திட்ட பணிக்காக, தற்காலிக தொழிலாளர்கள், 65 பேரை தாகூர் நியமித்தார். பொதுவாக ரயில்வேயில், தற்காலிக தொழிலாளர்களை நியமிப்பதற்கு தடை உள்ளது. இது தொடர்பாக, ரயில்வே வாரியம், 1981ல் சுற்றறிக்கை ஒன்றை அனுப்பியது. இந்நிலையில், தாகூர், தற்காலிக தொழிலாளர்களை நியமித்ததற்கு, இலாகா பூர்வ விசாரணை மேற்கொள்ளப்பட்டது. விசாரணை முடிவில், தாகூருக்கு இரண்டு ஆண்டுகளுக்கு, சம்பள உயர்வை நிறுத்திவைக்க முடிவு செய்யப்பட்டது. இந்த உத்தரவு சரியே என, மத்திய நிர்வாக தீர்ப்பாயமும், 1999, நவம்பர், 2ல் தீர்ப்பளித்தது.


மத்திய நிர்வாக தீர்ப்பாய உத்தரவை ரத்து செய்யக்கோரி, டில்லி ஐகோர்ட்டில் தாகூர் மனுதாக்கல் செய்தார்; அதில் கூறியிருந்ததாவது:


சில அதிகாரிகள், தற்காலிக தொழிலாளர்களை பல்வேறு பணிகளுக்கு நியமித்து உள்ளனர்; அதை பின்பற்றியே நானும் நியமித்தேன். மேலும், ரயில்வே வாரியம் அனுப்பிய சுற்றறிக்கை பற்றி எனக்கு தெரியாது. ரயில்வேயின் நலன் கருதி, தற்காலிக தொழிலாளர்களை நியமித்தை, மத்திய நிர்வாக தீர்ப்பாயம் ஏற்க வேண்டும். என் மீதான நடவடிக்கையை ரத்து செய்ய வேண்டும்.


இவ்வாறு அவர் மனுவில் குறிப்பிட்டு இருந்தார்.


மனுவை விசாரித்த,மும்பை ஐகோர்ட் நீதிபதிகள், எப்.எம்.ரீஸ் மற்றும் வி.எம்.கான்டே ஆகியோர் அடங்கிய, "பெஞ்ச்' தங்கள் உத்தரவில் கூறியதாவது: ரயில்வே வாரியத்தின் தடையை மீறி, தற்காலிக தொழிலாளர்களை நியமித்ததை, மனுதாரர் ஒப்புக் கொண்டுள்ளார். மேலும், இந்த விஷயத்தில், இலாகா பூர்வமாக மேற்கொள்ளப்பட்ட ஒழுங்கு நடவடிக்கை சரியாக உள்ளதாக உணர்கிறோம். மத்திய நிர்வாக தீர்ப்பாயம் அளித்த உத்தரவு சரியானதே. எனவே, மனுதாரரின் கோரிக்கை நிராகரிக்கப்படுகிறது. இவ்வாறு நீதிபதிகள் தங்கள் உத்தரவில் கூறியுள்ளனர்.





Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
( OR )Login with
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.