பல்கலைக்கு இடம் வழங்கியவர்களுக்கு இழப்பீடு: 20 வழக்குகளுக்கு ரூ. 38.25 கோடி ஒதுக்கீடு| Dinamalar

பொது செய்தி

தமிழ்நாடு

பல்கலைக்கு இடம் வழங்கியவர்களுக்கு இழப்பீடு: 20 வழக்குகளுக்கு ரூ. 38.25 கோடி ஒதுக்கீடு

Added : ஜூன் 29, 2013
Advertisement
 
 
Advertisement
 
 
 
Advertisement

கோவை: பல்கலைக்கழகத்துக்கு இடம் வழங்கியவர்கள் கூடுதலாக இழப்பீடு கேட்டு தொடர்ந்த வழக்குகளில், 20 வழக்குகளுக்கு 38.25 கோடி ரூபாய் நிதி ஒதுக்கப்பட்டுள்ளது.
கோவை பாரதியார் பல்கலைக்கழகம் அமைப்பதற்கு, 1983ம் ஆண்டு வடவள்ளி, சோமையம்பாளையம், மருதாபுரம் பகுதியில் 845 ஏக்கர் நிலம் கையகப்படுத்தப்பட்டது. நில உரிமையாளர்களான விவசாயிகள், 1168 பேருக்கு குறைந்த மதிப்பீடு செய்த தொகையே, இழப்பீடாக வழங்கப்பட்டது. "பாரதியார் பல்கலை நிர்வாகம் வழங்கிய குறைந்த இழப்பீடு தொகை போதாது; கூடுதலாக தர வேண்டும்' எனக் கேட்டு, கோவை கோர்ட்டில் விவசாயிகள் வழக்கு தொடர்ந்தனர். இவ்வழக்கு, 30 ஆண்டுகளாக விசாரிக்கப்பட்டது. "நிலத்தின் தன்மைக்கு ஏற்ப, சென்டுக்கு 3300, 2800,2500 மற்றும் 2200 ரூபாயுடன் 12 சதவீத கூடுதல் இழப்பீடும், காலதாமதத்துக்கு 30 சதவீத தொகையும் வழங்க வேண்டும்' என, வேண்டுகோள் விடுக்கப்பட்டது. கடந்த 2007ல் அளிக்கப்பட்ட தீர்ப்பின்படி, வழக்கு தொடர்ந்த நாளில் இருந்து ஒன்பது சதவீத வட்டி, தாமதத்துக்கு 15 சதவீத இழப்பீடும் சேர்த்து வழங்க தீர்ப்பு கூறப்பட்டது. இத்தீர்ப்புக்கு தடையோ, எதிர்ப்போ இல்லாத நிலையில், கடந்த ஆண்டு டிச.,31ல், ஐகோர்ட் உத்தரவுப்படி 20 வழக்குகளுக்கு 42.50 கோடி ரூபாய் இழப்பீடு வழங்க உத்தரவிட்டது. இத்தொகையில், 10 சதவீத வரிப்பிடித்தம் போக, 38.25 கோடி ரூபாய் 20 காசோலைகளாக மாவட்ட முதன்மை சார்பு நீதிமன்றத்தில் செலுத்தப்பட்டது. பாரதியார் பல்கலைக்கழகத்துக்கு நிலம் வழங்கியோர் சங்க தலைவர் வக்கீல் சிவஞானசுந்தரம்,செயலாளர் கணேசன் கூறுகையில்,"" பாதிக்கப்பட்ட விவசாயிகளுக்கு இவ்வழக்கின் தீர்ப்பு படி மேலும் 202 கோடி ரூபாய் வழங்க வேண்டும். தற்போது 20 வழக்குகளுக்கு 38.25 கோடி ரூபாய் வழங்க ஒதுக்கீடு செய்யப்பட்டுள்ளது. இதன்படி சென்ட் ஒன்றுக்கு 4500 ரூபாய் கிடைக்கிறது. தீர்ப்பின்படி வழக்கு தொடர்ந்தவர்களுக்கு இனியும் 160 கோடி ரூபாய் வழங்க வேண்டும்,'' என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை