அரைகுறையாக நடத்தப்படும் காளஹஸ்தி கோவில் அன்னதான திட்டம்| Dinamalar

பொது செய்தி

இந்தியா

அரைகுறையாக நடத்தப்படும் காளஹஸ்தி கோவில் அன்னதான திட்டம்

Added : ஜூன் 29, 2013
Advertisement
 
 
Advertisement
 
 
 
Advertisement

திருப்பதி: காளஹஸ்தி கோவிலில், அன்னதானத்திற்காக பெரும் தொகையை, பக்தர்கள் நன்கொடையாக அளிக்கின்றனர். ஆனால், கோவில் நிர்வாகமோ, அரைகுறையாகவே, அன்னதானம் அளிக்கிறது. இதனால், வெகு தொலைவில் இருந்து வரும் பக்தர்கள், மிகவும் சிரமப்படுகின்றனர்.
ஆந்திர மாநிலம், சித்தூர் மாவட்டத்தில் உள்ள திருமலை கோவிலும், காளஹஸ்தி கோவிலும், புகழ் பெற்றவை. இதில், காளஹஸ்தி கோவில், ராகு கேது தலமாகவும், சர்ப்ப தோஷ நிவாரண தலமாகவும் கருதப்படுகிறது. திருமலையில் இருந்து, 26 கி.மீ., தொலைவில், காளஹஸ்தி கோவில் அமைந்துள்ளது. திருமலைக்கு வரும் பக்தர்ககளில், 30 சதவீதம் பேர், காளஹஸ்தி கோவிலுக்கு செல்கின்றனர். தினசரி, 40 ஆயிரம் பேரும், வார இறுதி நாட்களில், 50 ஆயிரம் பேரும், காளஹஸ்தி கோவிலுக்கு செல்கின்றனர். இந்த கோவிலில், திங்கட்கிழமை அன்று, 800 பேருக்கும், மற்ற நாட்களில், 400 பேருக்கு மட்டுமே அன்னதானம் அளிக்கப்படுகிறது. தினசரி, 1,000 பேருக்கு அன்னதானம் வழங்க, மூன்று ஆண்டுக்கு முன், அறநிலையத் துறை அனுமதி அளித்தது. ஆனால், அந்த அனுமதி, இன்று வரை, காகித வடிவில் மட்டுமே உள்ளது. காளஹஸ்தி கோவிலுக்கு நன்கொடை அதிகளவில் வந்தாலும், கோவில் நிர்வாகிகள், அன்னதானத் திட்டத்தை முறையாகச் செயல்படுத்த நடவடிக்கை எடுக்கவில்லை. கடந்த, ஐந்து ஆண்டுகளில், அன்னதானத்திற்கு மட்டுமே, 3.84 கோடி ரூபாய் நன்கொடையாக கிடைத்துள்ளது. காளஹஸ்தி கோவிலில், அன்னதான மண்டபம் கட்டப்பட்டு, மூன்று மாதமாகியும், இன்னும் பயன்பாட்டிற்கு வரவில்லை. இந்த மண்டபத்தை, விரைவில் பயன்பாட்டுக்கு கொண்டு வர வேண்டும்; தினசரி, 1,000 பேருக்கு அன்னதானம் வழங்க வேண்டும் என, பக்தர்கள் கோரிக்கை விடுத்துள்ளனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை