Advertisement
பா.ஜ., மூத்த தலைவர் கோபிநாத் முண்டேயின் பதவியை பறிங்க: தேர்தல் ஆணையத்திடம் காங்கிரஸ் கோரிக்கை
Advertisement
 
 
Advertisement
 
 
 
எழுத்தின் அளவு:
Click the button to move down
Advertisement

புதுடில்லி: "கடந்த லோக்சபா தேர்தலின் போது, தேர்தல் பிரசாரத்திற்கு, எட்டு கோடி ரூபாய் செலவிட்டதாக தெரிவித்துள்ள, பா.ஜ., மூத்த தலைவர், கோபிநாத் முண்டேயின் பதவியை பறிக்க வேண்டும்' என, காங்கிரஸ் கோரிக்கை விடுத்துள்ளது. அதே நேரத்தில், இந்த விவகாரம் தொடர்பாக, முண்டேக்கு நோட்டீஸ் அனுப்புவது குறித்து, தேர்தல் ஆணையம் பரிசீலித்து வருகிறது.


ரூ.8 கோடி:



பா.ஜ., மூத்த தலைவர் கோபிநாத் முண்டே; லோக்சபா எதிர்க்கட்சி துணைத் தலைவராக உள்ள இவர், இரு நாட்களுக்கு முன், மும்பையில் நடைபெற்ற நிகழ்ச்சி ஒன்றில் பேசுகையில், "தேர்தலுக்கு தேர்தல் பிரசார செலவுகள் அதிகரிக் கின்றன. 1980ல், சட்டசபை தேர்தல் பிரசாரத்திற்கு, 29 ஆயிரம் ரூபாய் செலவிட்ட நான், 2009 லோக்சபா தேர்தலின் போது, எட்டு கோடி ரூபாய் செலவிட்டேன். அதனால், தேர்தல் செலவுகளுக்கு அரசே நிதி அளிப்பது பற்றி பரிசீலிக்க வேண்டும்' என்றார். லோக்சபா தேர்தலில் போட்டியிடும் வேட்பாளர், 25 லட்சம் ரூபாய் மட்டுமே செலவழிக்க வேண்டும் என்பது விதி. அதை மீறி, எட்டு கோடி ரூபாய் செலவிட்டதாக, முண்டே தெரிவித்துள்ளது, சர்ச்சையை கிளப்பியுள்ளது. வரையறுக்கப்பட்ட தொகைக்கு மேலாக, 7.75 கோடி ரூபாய் செலவிட்ட, கோபிநாத் முண்டேயின், எம்.பி., பதவியை பறிக்க வேண்டும் என, தேர்தல் ஆணையத்திற்கு காங்கிரஸ் கோரிக்கை விடுத்து உள்ளது.

இது தொடர்பாக, காங்கிரஸ் தலைவர்கள், சத்தியபிரதா சதுர்தேவி மற்றும் சஞ்சய் நிருபம் கூறியதாவது: மகாராஷ்டிரா மாநிலம், பீட் லோக்சபா தொகுதியிலிருந்து தேர்ந்தெடுக்கப்பட்ட, முண்டேயின், எம்.பி., பதவியை பறிக்க வேண்டும். தேர்தல் விதிகளை மீறி செயல்பட்டதே, அவரே ஒப்புக் கொண்டுள்ளார். தேர்தல் ஆணையம், முண்டே மீது, உரிய நடவடிக்கை எடுக்க வேண்டும். அவரை அழைத்து விசாரிக்க வேண்டும். இவ்வாறு சதுர்வேதி மற்றும் நிருபம் கூறினர்.

நோட்டீஸ்:



இதற்கிடையில், லோக்சபா தேர்தல் பிரசாரத்திற்கு, எட்டு கோடி ரூபாய் செலவிட்டதாக தெரிவித்துள்ள, முண்டேக்கு நோட்டீஸ் அனுப்பி விளக்கம் கேட்பது குறித்து, தேர்தல் ஆணையம் பரிசீலித்து வருகிறது. இதற்காக, முண்டேயின் பேச்சுக்கள் அடங்கிய, "சிடி'யை பெறும் முயற்சியில் ஈடுபட்டுள்ளது. இந்நிலையில், முண்டேயை பாதுகாக்கும் வகையில், பா.ஜ., தகவல் தொடர்பாளர் பிரகாஷ் ஜாவடேகர் கூறியதாவது: தேர்தல்களுக்கு அரசே நிதியுதவி அளிப்பது குறித்த, முக்கிய பிரச்னை பற்றி முண்டே பேசியுள்ளார். தேர்தல் செலவுகள் அதிகரிப்பது குறித்தும், கவலை தெரிவித்துள்ளார். இதன்மூலம், ஒரு முக்கிய பிரச்னை பற்றி, நாடே விவாதிக்கும் நிலைமையை உருவாக்கியுள்ளார். ஆனால், முண்டேயின் பேச்சை, சிலர் தவறாக திரித்துக் கூறி, அதன்மூலம் ஆதாயம் தேட முற்பட்டுள்ளனர். இவ்வாறு ஜாவடேகர் கூறினார்.

Advertisement



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.