துணைவேந்தர் கருத்து கிராமங்களில் "3ஜி' பயன்பாடு மேம்படுத்துவது அவசியம்| Dinamalar

பொது செய்தி

தமிழ்நாடு

துணைவேந்தர் கருத்து கிராமங்களில் "3ஜி' பயன்பாடு மேம்படுத்துவது அவசியம்

Added : ஜூலை 06, 2013
Advertisement
 
 
Advertisement
 
 
 
Advertisement

கோவை : "விவசாயிகள் மற்றும் விரிவாக்க அலுவலர்கள் மத்தியில் இடைவெளி அதிகரித்து வரும் நிலையில், தகவல் தொடர்பு தொழில்நுட்ப சேவை மூலம் வேளாண் தேவைகளை சிறந்த முறையில் சந்திக்க இயலும்' என, துணைவேந்தர் பேசினார்.
தமிழ்நாடு வேளாண்மை பல்கலை மற்றும் இந்திய வேளாண்மை ஆராய்ச்சி குழுமம் சார்பில், 'வேளாண் விரிவாக்கத்தில் தகவல் தொடர்பு தொழில்நுட்பத்தின் பங்கு' என்ற தலைப்பில் பயிற்சி வகுப்பு துவங்கியது.
வேளாண் விரிவாக்கத்துறை ஒருங்கிணைப்பாளர் ரவிக்குமார் தியோடர் வரவேற்றார். பல்கலை துணைவேந்தர் ராமசாமி தலைமை வகித்து பேசியதாவது:
அதிநவீன தகவல் தொடர்பு தொழில்நுட்ப உபகரணங்கள் வாயிலாக, வேளாண் தொழில்நுட்பங்களை சிறந்த முறையில் விவசாயிகளுக்கு எடுத்து செல்வதன் மூலம் அறிவியல் வேளாண்மையை வளர்க்க இயலும். தற்போது, கோடிக்கணக் கான மக்கள் மொபைல் போன் பயன்படுத்தி வருகின்றனர். இருந்தாலும், 3ஜி அலைக்கற்றை கிராமப் பகுதிகளில் மேம்படுத்துவது அவசியம்.
தகவல் தொழில்நுட்பம் சார்ந்த விரிவாக்கப்பணிகளை தமிழகத்தில் நான்கு மாவட்டங்களில் அரசு அறிமுகப்படுத்த திட்டமிட்டுள்ளது. இத்திட்டத்தில், அனைத்து விரிவாக்க அலுவலர்களுக்கும், "புவியிட உணர் அமைப்பு' (ஜி.பி.எஸ்.,) கொண்ட கைக்கணினி வழங்கப்பட உள்ளது.
விவசாயிகள் மற்றும் விரிவாக்க அலுவலர்கள் மத்தியில் இடை
வெளி அதிகரித்து வரும் நிலையில், தகவல் தொடர்பு தொழில்நுட்ப சேவையின் மூலம் விவசாயிக
ளின் தேவைகளை சிறந்த முறையில் சந்திக்க இயலும்.
இவ்வாறு, துணைவேந்தர் பேசினார்.
இப்பயிற்சிமுகாம் வரும் 23ம் தேதி வரை நடக்கிறது. வேளாண் விரிவாக்கத்தில் தகவல் தொடர்பு தொழில்நுட்பத்தின் பங்கு, இணையதள சேவைகள், கணினி மென்பொருள், சமுதாய் வானொலி, சந்தை நிலவரம் உள்ளிட்ட பல்வேறு பயிற்சிகள் வழங்கப்படுகிறது.
முகாமில், தமிழ்நாடு, கேரளா, ஆந்திரா, மகாராஷ்டிரா, குஜராத், பீகார், மத்தியபிரதேசம் உள்ளிட்ட 11 மாநிலங்களில் இருந்து 25 வேளாண் விரிவாக்க விஞ்ஞானிகள் பங்கேற்றுள்ளனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை