Advertisement
நிலச்சரிவு, மண் சரிவு தடுக்க சணலும் "ஆயுதம்': நீலகிரியில் நிரூபணம்
Advertisement
 
 
Advertisement
 
எழுத்தின் அளவு:
Advertisement

பதிவு செய்த நாள்

30 ஜூலை
2013
23:27

ஊட்டி: நீலகிரி மாவட்டத்தில், நிலச்சரிவு அபாய பகுதிகளில், சணல் வலையின் உதவியுடன், தாவர இனங்களை வளர்க்கும் முயற்சி, பலன் கொடுக்க துவங்கியுள்ளது.


நீலகிரியில், 2009ல் பெய்த கனமழையால், பெரும் நிலச்சரிவு ஏற்பட்டு உயிர்ச்சேதம் நிகழ்ந்தது. ஆய்வு நடத்திய புவியியல், கனிமவளத் துறையினர், மீண்டும் நிலச்சரிவு ஏற்படக் கூடிய இடங்கள், அவற்றை தடுப்பது குறித்த யோசனைகளை கூறினர். ஊட்டியில் உள்ள மத்திய மண் மற்றும் நீர்வள பாதுகாப்பு ஆராய்ச்சி மைய தலைவர், கோலா, முதன்மை விஞ்ஞானிகள், மணிவண்ணன், கண்ணன் ஆகியோர் குழு, நிலச்சரிவு நிகழாமல் தடுத்து, தாவர இனங்களை வளர்ப்பது குறித்த யோசனைகளை தெரிவித்தனர். நிலச்சரிவு அபாய பகுதிகளில் சிலவற்றை தேர்வு செய்து, அங்கு சணல் வலை உதவியுடன், தாவர இனங்களை வளர்க்கும் ஆய்வை மேற்கொண்டனர். ஓராண்டு கடந்த நிலையில், அங்கு சணல் வலைகளின் இடுக்கில், வாடாமல்லி செடிகள் அடர்ந்து வளர்ந்து வருகின்றன.


மத்திய மண் மற்றும் நீர்வள பாதுகாப்பு ஆராய்ச்சி மைய விஞ்ஞானிகள் கூறியதாவது: சத்து நிறைந்த மேல் மண், நிலச்சரிவின் போது அடித்துச் செல்லப்படும். மீண்டும் அந்த மண் உருவாக, பல ஆண்டுகள் பிடிக்கும். சாலையோரங்களில் புல், தாவர இனங்களை வளர்த்தாலே, மண் சரிவு மற்றும் நிலச்சரிவு ஏற்படுவதை கட்டுப்படுத்த முடியும். அதன்படி, குறைந்த முதலீடு கொண்ட சணல் வலைகளை சாலையோரங்கள், தோட்டங்களில் விரித்து, நிரந்தர பயிர்களை வளர்ப்பதன் மூலம், சணலில் உள்ள நார்ச்சத்து உட்பட பிற சத்துக்கள், அந்த தாவர இனங்கள் வளர உதவும்.


சில ஆண்டுகளில், அந்த சணல் வலைகள், மண்ணில் மக்கி விடும். சணலில் உள்ள சத்துக்கள் மண் வளத்தை பாதுகாக்கும். அதன் மூலம், அங்கு தாவர இனங்கள் வளர்ந்து, மண், நிலச்சரிவை கட்டுப்படுத்தும். இவ்வாறு, அவர்கள் கூறினர். நிலச்சரிவு அபாயமுள்ள, மாநிலத்தின் பிற பகுதிகளிலும், இம்முறையை விரிவுப்படுத்த முயற்சி மேற்கொள்ளப்பட்டு உள்ளதாக தெரிகிறது.





Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
( OR )Login with
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.