பாதாள சாக்கடை இணைப்பு வழங்குவதில் காலதாமதம்: நகர மக்கள் கடும் அதிருப்தி| Dinamalar

தமிழ்நாடு

பாதாள சாக்கடை இணைப்பு வழங்குவதில் காலதாமதம்: நகர மக்கள் கடும் அதிருப்தி

Added : ஜூலை 31, 2013
Advertisement
 
 
Advertisement
 
 
 
Advertisement

நாமக்கல்: பாதாள சாக்கடை இணைப்புக்கு கட்டணம் செலுத்தினாலும், இணைப்பு வழங்க, நாமக்கல் நகராட்சி நிர்வாகத்தினர் தாமதம் செய்து வருவதாக குற்றச்சாட்டு எழுந்துள்ளது.நாமக்கல் நகராட்சியில், பாதாள சாக்கடை திட்டப் பணிகள் முழுவதுமாக நிறைவு செய்யப்பட்டுள்ளது. தற்போது, வீடுகளுக்கு இணைப்பு வழங்கும் பணி நடந்து வருகிறது. நகராட்சி எல்லை விரிவாக்கம் செய்வதற்கு முன் இருந்த, 30 வார்டுக்கு உட்பட்ட குடியிருப்பு, வணிக நிறுவனங்களுக்கு பாதாள சாக்கடை இணைப்பு வழங்கப்பட்டு வருகிறது.குடியிருப்பு, வணிக நிறுவனம் அமைந்துள்ள பரப்பு உள்ளிட்டவற்றை பொறுத்து, இணைப்பு வழங்குவதற்கான கட்டணத்தை நகராட்சி நிர்வாகம் நிர்ணயம் செய்து, வசூலித்து வருகிறது. பாதாள சாக்கடை இணைப்பு பெற்றால் மட்டுமே வீட்டு குடிநீர் இணைப்பு வழங்கப்படும், என்பது போன்ற பல்வேறு நிபந்தனை விதிக்கப்பட்டுள்ளது.அதன் காரணமாக, பாதாள சாக்கடை இணைப்பை நகர மக்கள் பெற்று வருகின்றனர். இந்நிலையில், பாதாள சாக்கடை இணைப்பு கட்டணம் செலுத்தினாலும் உடனடியாக இணைப்பு வழங்குவதில்லை.ஒரு வீதியில் ஐம்பது வீடுகள் இருந்தால், அனைத்து குடியிருப்பு வாசிகளும் முழுமையாக கட்டணம் செலுத்தினால் மட்டுமே இணைப்பு வழங்கப்படுகிறது. இல்லையெனில், இணைப்பு வழங்கப்படாமல் இழுத்தடிப்பு செய்யப்படுகிறது. அதனால், பாதாள சாக்கடை இணைப்புக்காக கட்டணம் செலுத்தியும் பயன் இல்லை. இணைப்புக்காக நிர்ணயம் செய்த தொகையும் அதிகமாக உள்ளது என, நகர மக்கள் புகார் தெரிவிக்கின்றனர்.
இதை நகராட்சி நிர்வாகத்தினர் கவனத்தில் கொண்டு பாதாள சாக்கடை இணைப்பை, கட்டணம் செலுத்துபவர்களுக்கு விரைவில் வழங்க நடவடிக்கை எடுக்க வேண்டும்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை