Poll body to rope in Soha and Virat to ensure higher voter turnout | ஓட்டுப்பதிவை அதிகரிக்க பிரபலங்களை களமிறக்க தேர்தல் ஆணையம் முடிவு| Dinamalar

ஓட்டுப்பதிவை அதிகரிக்க பிரபலங்களை களமிறக்க தேர்தல் ஆணையம் முடிவு

Updated : அக் 26, 2013 | Added : அக் 26, 2013 | கருத்துகள் (20)
Advertisement
 
 
Advertisement
 
 
dinamalar-advertisement-tariff-2018
 
Advertisement
Poll body, to rope, in Soha, and Virat, to ensure, higher voter, turnout,ஓட்டுப்பதிவு, எண்ணிக்கையை, அதிகரிக்க, பிரபலங்களை, களமிறக்க, தேர்தல் ஆணையம், முடிவு

புதுடில்லி : வரவிருக்கும் 5 மாநில சட்டமன்ற தேர்தல் மற்றும் 2014 லோக்சபா தேர்தல் ஆகியவற்றில் ஓட்டுப்பதிவு எண்ணிக்கையை அதிகரிப்பதற்காக பாலிவுட் நட்சத்திரங்களையும், கிரிக்கெட் வீரர்களையும் விளம்பர தூதர்களாக களமிறக்க தேர்தல் ஆணையம் முடிவு செய்துள்ளது.


தேர்தல் ஆணையம் முடிவு :

இளைஞர்கள் மற்றும் பெண்களிடம் ஓட்டுப்போடுவதன் அவசியம் குறித்த விழிப்புணர்வை ஏற்படுத்தும் நோக்கத்துடன் விளம்பரங்களை தயாரித்து ஊடகங்கள் மூலம் வெளியிட தேர்தல் ஆணையம் முடிவு செய்துள்ளது. இதற்காக பாலிவுட் நடிகை சோகா அலி கான், கிரிக்கெட் வீரர் விராத் கொஹ்லி ஆகியோரை விளம்பர தூதர்களாக நியமித்துள்ளது. ஊடகங்களின் தேர்தல் பிரச்சார விதிமுறைகளை அறிவித்த தேர்தல் ஆணையம் இதனை தெரிவித்துள்ளது. புதிதாக நியமிக்கப்பட்டுள்ள இந்த விளம்பர தூதர்கள் பிரிண்டிங் மற்றும் எலக்ட்ரானிக் விளம்பரங்களுக்கு பயன்படுத்தப்படுவர் என தேர்தல் ஆணையம் தெரிவித்துள்ளது. மக்களிடம் சமூக விழிப்புணர்வை ஏற்படுத்துவதற்காக தனக்கு இத்தகையதொரு வாய்ப்பு கிடைத்திருப்பது தனக்கு மகிழ்ச்சி அளிப்பதாக நடிகை சோகா அலி கான் தெரிவித்துள்ளார்.

ஓட்டளிப்பதன் முக்கியத்துவம் குறித்து அனைவரும் அறிந்து கொள்ள வேண்டியது அவசியம் எனவும் அவர் தெரிவித்துள்ளார். நகர்புற இளைஞர்கள் மற்றும் இளம் பெண்களிடம் விழிப்புணர்வை ஏற்படுத்துவது நகரத்தை மட்டுமின்றி நாட்டையும் உயர்த்தும் செயல் எனவும் சோகா தெரிவித்துள்ளார். விராத் கொஹ்லி கூறுகையில், மைதானத்தில் எனது பேட் பேசும் அதே போல் தேர்தல் தினத்தன்று மக்களின் ஓட்டு பேச வேண்டும் என தெரிவித்துள்ளார்.


வலைதளங்களுக்கு வழிகாட்டுதல்:

டுவிட்டர், பேஸ்புக், யூட்டியூப் உள்ளிட்ட சமூக வலைதளங்களில் பிரச்சாரம் செய்யும் அனைத்து அரசியல் கட்சிகள் மற்றும் வேட்பாளர்களும், தங்களின் விளம்பரங்கள் தணிக்கை செய்யப்பட்ட சான்றிதழ் பெற்ற பின்னரே வலைதளங்களில் வெளியிட வேண்டும் என தேர்தல் ஆணையம் தெரிவித்துள்ளது. இவ்வாறு விளம்பர செய்ய விரும்புவோர் அதற்கான தொகையை சம்மந்தப்பட்ட சமூக வலைதளம் அல்லது இளையதளத்திற்கு செலுத்த வேண்டும் எனவும், இந்த விளம்பரங்களுக்கான செலவுகளும் வேட்பாளர் அல்லது கட்சியின் தேர்தல் செலவில் கணக்கில் கொள்ளப்படும் எனவும் தேர்தல் ஆணையம் தெரிவித்துள்ளது.

அனைத்து தேர்தல் விளம்பரங்களும் தணிக்கை குழுவின் ஆய்விற்கு பின்னரே வெளியிடப்படும் எனவும், மாநில மற்றும் மாவட்ட அளவு ஊடக மற்றும் கண்காணிப்பு குழுவால் கண்காணிக்கப்படும் எனவும் தேர்தல் ஆணையம் தெரிவித்துள்ளது.

Advertisement




வாசகர் கருத்து (20)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
தாமரை - பழனி ,இந்தியா
26-அக்-201322:22:35 IST Report Abuse
தாமரை தேர்தல் நடக்கும் பொது தேர்தல் பணியில் இருக்கும் நபர்கள் நீங்கலாக மற்றவர்கள் கண்டிப்பாக அவர்களுக்கு வாக்காளர் பட்டியலில் பெயருள்ள இடத்தில் கட்டாயம் இருக்கச் செய்ய வேண்டும்.அன்றைய தினமும் அதற்கு முன் மற்றும் பின்னுள்ள ஆக மூன்று நாட்களும் விடுப்பு அளிக்க வேண்டும்.அவர்கள் கட்டாயம் வாக்களித்து இருக்க வேண்டும்.இதற்கான அத்தாட்சியை சம்பத்தப் பட்ட வாக்குச் சாவடி அதிகாரியிடம் இவர் வாங்கி தான் பணி புரியும் அலுவலகத்தில் கண்டிப்பாகச் சமர்ப்பிக்க வேண்டும்.இதை செய்யத் தவறும் பட்சத்தில் அவர்களுக்கான மூன்று நாட்களுக்குமான சம்பளம் கட் செய்ய வேண்டும்.இந்த நாட்களை பணிக்கு வராத நாட்களாக அதாவது அப்சென்ட் ஆக கணக்கில் கொள்ள வேண்டும்.தேர்தல் பணியிலிருக்கும் ஊழியரோ அதிகாரியோ கண்டிப்பாக தபால் ஓட்டை போட்டிருக்க வேண்டும். இதைக் கண்டிப்பாகக் கடைப் பிடித்தாலே ஒட்டு சத விகிதம் கூடும்.படிக்காத பாமரர்கள் பெரும்பாலும் ஓட்டைப் பதிவு செய்து விடுகின்றனர்.படித்தவர்களும் அரசு மற்றும் தனியார் பணியிலிருப்பவர்க்களும்தான் தங்களது விடுமுறையை வேறு விதமாகச் செலவு செய்து கொண்டு ஓட்டுப் போடப் போவதில்லை.இதற்கு மறுப்பு இருக்கா? தாமரை.
Rate this:
Share this comment
Cancel
g.s,rajan - chennai ,இந்தியா
26-அக்-201321:46:50 IST Report Abuse
g.s,rajan நம்ம அரசியல்வாதிங்க ஆட்சிக்கு வந்து உண்மையிலேயே மக்களுக்கு நல்லது செஞ்சா எல்லாரும் தானா ஓட்டுப்போட வருவாங்க ,மக்களைப்போட்டு சித்திரவதை செஞ்சுப்புட்டு நித்தம் நித்தம் வதைச்சா எப்படி ஓட்டுப்போட மனசு வரும் ?அரசியல்வாதிங்க மட்டும் மக்கள் வரிப்பணத்துல சொகுசா இருக்கிறதோடு பல தலை முறைக்கும் சொத்து சேர்த்து வச்சுடரானுங்க அப்புறம் எப்படி மக்களுக்கு ஒட்டுப்போடத் தோணும் ,தேர்தலின் மீதும் ,ஜனநாயகத்தின் மீதும் அரசியல்வாதிகளின் மீதும் கட்டாயம் வெறுப்புத்தான் வரும் . ஜி.எஸ்.ராஜன் சென்னை .
Rate this:
Share this comment
Cancel
Saravanan Arunachalam - Cuddalore,இந்தியா
26-அக்-201317:41:38 IST Report Abuse
Saravanan Arunachalam வோட்டு போட அணைத்து வாக்காளர்களையும் வரவைக்க ,எத்தனை பேர் வந்து வாய் கிழிய பேசினாலும் பதிவு அதிகரிக்கவில்லை .எனவே சதவீதம் உயர ஆணையம் களத்தில் இறங்கி உள்ளது .
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X