ஆய்வுக் கட்டுரைகளில் அசத்தும் "மதுரையின் முத்து'| Dinamalar

ஆய்வுக் கட்டுரைகளில் அசத்தும் "மதுரையின் முத்து'

Added : நவ 14, 2013 | கருத்துகள் (4)
Advertisement
 
 
Advertisement
 
 
dinamalar-advertisement-tariff-2018
 
Advertisement
Advertisement
ஆய்வுக் கட்டுரைகளில் அசத்தும் "மதுரையின் முத்து'

சர்வதேச நகரங்களின் பெருமையைக் காட்டிலும், தொன்மை நகரான மதுரையின் பெருமை பாரம்பரியம் மிக்கது. மாமதுரையின் மாண்பு மிக்கவர்கள், எத்தனை உயர்ந்த இடத்தில் இருந்தாலும், மண்ணின் மணத்தை பிரதிபலிப்பவர்களாகவே உள்ளனர். காட்சிக்கு எளியவரான கருவூலத்துறை இணை இயக்குனர் க.ச.முத்துப்பாண்டியனும், பதவிக்கு மட்டுமல்ல, மதுரைக்கும் பெருமை சேர்ப்பவரே. "காஸ்ட் அக்கவுன்டிங்' குறித்த இவரது ஆய்வுக் கட்டுரைகள், மத்திய அரசு, கம்பெனிகள், நிறுவனங்களின் கணக்கியல் நடைமுறையில் மாற்றங்களை கொண்டு வந்து உள்ளது. ஒரு அரசு அதிகாரி, இத்தனை சாதனைகள் நிகழ்த்தி வருவது ஆச்சர்யம்.

இனி அவரது பதில்கள்:

இளமை காலத்தை கூறுங்களேன்?


மதுரை குன்னத்தூர் சத்திரம் நகராட்சி சாம்பையன் துவக்கப்பள்ளி, கீழமாரட்வீதி ஆயிர வைசியர் பள்ளி, மேலூர் அரசு கல்லூரியில் பி.காம்., படித்தேன். புத்தக ஆர்வத்தில், நூலகங்களில் காலம் கழித்தேன். தந்தை கீழமாரட்வீதி மார்க்கெட் பணியாளராகவும் டிரைவராகவும் இருந்தார். பெரிய பின்புலம் எனக்கு இல்லை.


வழிகாட்டுதல் இன்றியும் அரசு பணி வாய்ப்பு எப்படி?


போட்டித் தேர்வு எழுதி ரயில்வே டிக்கெட் பரிசோதகரானேன். அப்போதே தபாலில் ஐ.சி.டபிள்யூ.ஏ.,- எம்.காம்., முடித்தேன். பின், "குரூப் 1' தேர்வுக்கு இணையான கணக்கு அலுவலர் தேர்வெழுதி, தமிழகத்தில் முதலிடம் பெற்றேன்.


1999 ல், அக்கவுன்ட்ஸ் ஆபீசர். ஈரோடு ஊரக வளர்ச்சித்துறை, முன்னாள் படை வீரர் நலன், பூம்புகார் கப்பல் நிறுவனத்தில் பணி செய்தேன். "காஸ்ட் அக்கவுன்டன்ட் மதுரை கிளை' துணைத்தலைவர், தலைவராகவும் இருந்தேன். சமீபத்தில் "அரசு போக்குவரத்துக்கழக செயல்பாடு' குறித்து ஆய்வு செய்து, டாக்டர் பட்டம் பெற்றேன்.


உங்களின் ஊக்க சக்தி எது?


கல்லூரி காலத்தில் தன்னம்பிக்கை புத்தகங்களை அதிகம் படிப்பேன். எம்.எஸ்.உதயமூர்த்தியின் "எண்ணங்கள்', அப்துல்ரஹீமின் "எண்ணமே வாழ்வு', பின்னாளில், நார்மன்வின்சென்ட் பீல்டின் "தி பவர் ஆப் பாசிட்டிவ் திங்கிங்' போன்ற பல நூல்களை படித்தேன். இதனால் முயற்சி இருந்தால் வெற்றி பெறலாம் என்ற எண்ணம் உருவானது. இன்றும் இதுபோன்ற நூல்கள் படிப்பதை நிறுத்தவே இல்லை.


ஆய்வுக் கட்டுரைகள் எழுதுவதில் உங்கள் சாதனை...


"பிசினஸ் மேனேஜ்மென்ட் அக்கவுன்டிங்', "சார்ட்டட் அக்கவுன்டன்ட்' வெளியீடுகளில் 100க்கும் மேற்பட்ட கட்டுரைகள் எழுதியுள்ளேன். இன்டர்நேஷனல் பைனான்சியல் ரிப்போர்ட்டிங் ஸ்டாண்டர்ட்ஸ் (ஐ.எப்.ஆர்.எஸ்.,) என்ற மேல்நாட்டு கம்பெனி கணக்குகள் நடைமுறை பற்றி, 50க்கும் மேற்பட்ட கட்டுரைகள் எழுதினேன். அதன் பின்பே, 2009ல் மத்திய அரசு, தனியார் நிறுவனங்களில் படிப்படியாக ஐ.எப்.ஆர்.எஸ்., அறிமுகமானது.


எக்ஸ்.பி.ஆர்.எல்., எனும் கணிப்பொறி மூலம் கம்பெனி கணக்கு பதிவு செய்வது பற்றி, நான்தான் முதன்முதலாக எழுதினேன். அதன்பின் 2012 முதல் இந்தியாவில் நிறுவன கணக்குகள் எக்ஸ்.பி.ஆர்.எல்., முறையில் அறிமுகப்படுத்தப்பட்டது.


அமெரிக்க பத்திரிகை ஒன்றின் அறிவிப்பின்படி, பலநாட்டவர்களும் ஆய்வுக்கட்டுரை சமர்ப்பித்தனர். தேர்வான 12 கட்டுரையில், 11 அமெரிக்கர்கள், அடுத்து என்னுடைய, ""ஜூடிசியல் டெசிஷன் ஆன் குவாலிபிகேஷன் அண்ட் என்டைட்டில்மென்ட் டூ ரிலீப் பிரம் ஜாயின்ட் அண்ட் செவரல் லியாபிலிட்டீஸ்' என்ற விவாகரத்துச் சட்டம் பற்றிய கட்டுரை மட்டுமே வெளியானது.


மதுரை பற்றி உங்கள் கருத்து?


அன்றைய மதுரை அமைதியானதாக இருந்தது. இன்று போக்குவரத்து நெரிசல் அதிகரித்துவிட்டது. வீதிகளில் சைக்கிளில் வலம்வந்தது போல இன்று வரமுடியவில்லை. இன்றும் எந்த நகரில் இருந்தாலும், தூங்கும்போது மதுரையின் மடியில் தூங்குவதாக கருதுவேன்.


ஜிகர்தண்டா, மிக்சர் ஜூஸ், போளியை தெருவில் நின்று சுவைத்துள்ளேன். இந்த ஏக்கத்தை இன்றும் அவ்வப்போது நிறைவேற்றுவேன். கீழமாசி வீதியில் வீடு இருந்ததால் கோயில் பகுதிகளில் நடைபெறும் பட்டிமன்றங்களை தவறவிட மாட்டேன். "கலாசார மதுரை' இன்னும் மாறவில்லை என்பதில் திருப்தி உள்ளது. அதேசமயம் சில மில்கள், மூடப்பட்ட நிலையில், ஓட்டல்கள், மருத்துவமனைகள் பெருகியது போல, பெரிய தொழிற்சாலைகள் வராதது வருத்தமே.


வாசகர்களுக்கு சொல்வது...?


"ஒருவன் ஏழையாக பிறப்பது குற்றமல்ல; ஏழையாகவே இறப்பதுதான் குற்றம்' என்பது, எனக்கு பிடித்த பொன் மொழி.

மொபைல்: 94435 65243; மெயில்: ksmuthupandian@ ymail.com

- மனோகரன்




Advertisement


வாசகர் கருத்து (4)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Murali P - Tamilnadu, India,இந்தியா
03-டிச-201314:21:47 IST Report Abuse
Murali P சார், உங்களுக்கு வாழ்த்துக்கள், உங்களின் பயணம் எங்களுக்கு வழிகாட்டி
Rate this:
Share this comment
Cancel
naagai jagathratchagan - mayiladuthurai ,இந்தியா
23-நவ-201309:45:43 IST Report Abuse
naagai jagathratchagan "ஒருவன் ஏழையாக பிறப்பது குற்றமல்ல ஏழையாகவே இறப்பதுதான் குற்றம்'...படிக்கும் போது...சாளரம் வழியாக எட்டிப்பார்ப்பது போல இருந்தது ...மதுரை தூங்கா நகரம் ...அரசு அதிகாரிகளில் பெயர் சொல்லும் பட்டியலில் நீங்களும் ஒருவர்... வாழ்க வளமுடன்
Rate this:
Share this comment
Cancel
sethu - Chennai,இந்தியா
16-நவ-201314:01:52 IST Report Abuse
sethu தென்னகத்திர்க்கு என உள்ள பல நல்ல குணங்களை அடக்கிய வள்ளல்கள் இன்னும் பலர் உள்ளனர் அதில் தாங்களும் உள்ளது எங்களுக்கு எல்லாம் ஒரு வழிகாட்டலாக இருக்கிறது வாழ்க உங்களின் சிறப்பான வாழ்க்கை நெறிமுறைகள் ,வாழும் வரன்முறைகள் மனிதகுலம் மேம்பட உங்களின் சீரிய தொண்டுகளை சிறப்பாக செவானே நிறைவேற்ற மதுரை மீனாட்சி அன்னை அருள் புரிவாராக.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X