No Third Front without Congress or BJP support: Ram Vilas Paswan | காங்., பா.ஜ., ஆதரவு இல்லாமல் 3வது அணி உருவாக முடியாது: ராம்விலாஸ் பாஸ்வான்| Dinamalar

காங்., பா.ஜ., ஆதரவு இல்லாமல் 3வது அணி உருவாக முடியாது: ராம்விலாஸ் பாஸ்வான்

Updated : நவ 27, 2013 | Added : நவ 27, 2013 | கருத்துகள் (20)
Advertisement
 
 
Advertisement
 
 
dinamalar-advertisement-tariff-2018
 
Advertisement
No Third Front, without Congress, or BJP, support, Ram Vilas Paswan,காங்., பா.ஜ., ஆதரவு இல்லாமல், 3வது அணி, உருவாக முடியாது, ராம்விலாஸ் பாஸ்வான்

புதுடில்லி : அடுத்த ஆண்டு நடைபெற உள்ள லோக்சபா தேர்தலுக்கு பின் காங்கிரஸ் அல்லது பா.ஜ.,வின் ஆதரவு இல்லாமல் 3வது அணி என்பது உருவாக முடியாது என லோக் ஜனசக்தி கட்சியின் தலைவர் ராம்விலாஸ் பாஸ்வான் தெரிவித்துள்ளார்.


காங்கிரசிற்கு ஆதரவு :

லோக்சபா தேர்தலில் யாருடன் கூட்டணி என்பது குறித்து ராம்விலாஸ் பாஸ்வான் செய்தியாளர்களுக்கு பேட்டி அளித்தார். அப்போது அவர் கூறியதாவது : எங்கள் கட்சியின் கூட்டணி எப்போதும் மதசார்பற்றதாகவே இருக்கும்; அதன் அடிப்படையில் பா.ஜ.,வை விட காங்கிரசிற்கு ஆதரவு அளிப்பதையே விரும்புகிறோம்; காங்கிரசுடனான கூட்டணியையே தொடர லோக் ஜனசக்தி கட்சி விரும்புகிறது; 2014 தேர்தல் கூட்டணி குறித்து தற்போதைய கூட்டணி கட்சிகளுடன் தீவிரமாக ஆலோசனை நடத்தி வருகிறோம்; தொடர்ந்து காங்கிரசிற்கு ஆதரவு தர லோக் ஜனசக்தி விரும்பினாலும், கூட்டணி கட்சிகளின் முடிவை பொறுத்தே எதிர்கால கூட்டணி அமையும்; ராஷ்டிரிய ஜனதா தள கட்சியுடன் இணைந்தே இதுவரை செயலாற்றி வருகிறோம்; ஆனால் அக்கட்சியின் தலைவர் லாலு தற்போது சிறையில் இருந்து வருகிறார்; தேர்தல் நெருங்கி வருவதால் கூட்டணி குறித்து கட்சி நிர்வாகிகளுடன் தீவிரமாக ஆலோசனை நடத்தி வருகிறோம். இவ்வாறு ராம்விலாஸ் பாஸ்வான் தெரிவித்துள்ளார்.


பா.ஜ., மீது குற்றச்சாட்டு :

பா.ஜ., உடன் கூட்டணி வைப்பது குறித்து கேட்கப்பட்ட கேள்விக்கு பதிலளித்த பாஸ்வான், பா.ஜ.,வில் இருந்து வெளியேறியது வெளியேறியது தான்; பாபர் மசூதி இடிக்கப்பட்ட விவகாரத்தை வைத்து பா.ஜ., ஓட்டுக்களை பெற நினைக்கிறது; அதனைக் கொண்டு பா.ஜ., ஆட்சிக்கு வர நினைக்கிறது; இதனை மதசார்பற்ற கொள்கை கொண்ட லோக் ஜனசக்தியால் ஏற்றுக் கொள்ள முடியாது; புதிய கூட்டணி குறித்து முதலில் காங்கிரசுடன் பேச்சுவார்த்தை நடத்தப்படும்; அதற்கு பின் அடுத்த கட்ட நடவடிக்கை மேற்கொள்ளப்படும். இவ்வாறு அவர் குற்றம்சாட்டி உள்ளார்.


காங்கிரசிற்குள் பிரிவினை :

காங்கிரசிற்குள் 3 தரப்பான மக்கள் இருப்பதாகவும், அவர்களில் ஒருதரப்பினர் காங்கிரஸ் தனித்து போட்டியிட வேண்டும் எனவும், மற்றொரு தரப்பினர் காங்கிரஸ், லோக் ஜனசக்தி மற்றும் ஐக்கிய ஜனதா தளம் இணைந்து போட்டியிட வேண்டும் எனவும், 3வது தரப்பினர் காங்கிரஸ், லோக் ஜனசக்தி மற்றம் ராஷ்டிரிய ஜனதா தளம் ஆகியன இணைந்து செயல்பட வேண்டும் எனவும் நினைப்பதாக பாஸ்வான் தெரிவித்துள்ளார். தேர்தலுக்கு பின் காங்கிரஸ் இதுகுறித்து தீர்மானிக்கும் எனவும் அவர் தெரிவித்துள்ளார். நிதிஷ்குமார் மதவாதத்தை கடைபிடிப்பவர் என குற்றம்சாட்டிய பாஸ்வான், 2002ல் குஜராத் கலவரத்தின் போது இருவரம் அமைச்சர்களாக இருந்த போது குஜராத் கலவரம் தொடர்பாக தான் பதவி விலகி போதும், நிதிஷ்குமார் பதவி விலகாதது ஏன் என கேள்வி எழுப்பி உள்ளார்.

Advertisement




வாசகர் கருத்து (20)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
rishi - varanasi,இந்தியா
28-நவ-201300:54:32 IST Report Abuse
rishi ஹிந்துக்கள் முதல்ல இந்த மாதிரி போலி மதசர்பின்மை பேசுறவன ஒழிச்சு கட்டனும்.
Rate this:
Share this comment
Cancel
திருமகள்கேள்வன் - chennai,இந்தியா
28-நவ-201300:05:44 IST Report Abuse
திருமகள்கேள்வன் தாங்கள் செய்யும் ஊழல்களை மறைக்கவும், ஊழலுக்கு துனைப்போகவும், மதசார்பின்மை என்ற போர்வை இவர்களுக்கு தேவைப்படுகிறது.... எனக்கு ஊழல் நெருப்பு மாதிரி என்று கூறிய கலைஞர் அவர்கள் அதில் குளிர் காய்ந்தார்... இவர்கள் மதசார்பின்மை என்ற நெருப்பில் ஊழல் விறகுகளை போட்டு குளிர்காய விரும்புகின்றனர்... மூன்றாம் அணி அமைத்து கடைசியில் காங்கிரசோடு வியாபாரம் செய்வர்... அதற்க்கு மக்களை பகடைகளாக பயன்படுத்துவர்... மக்கள் இனி ஏமாறமாட்டார்கள்...
Rate this:
Share this comment
Cancel
shankar Venkataraman - chennai,இந்தியா
27-நவ-201323:53:01 IST Report Abuse
shankar Venkataraman யோவ் நீங்க காமெடி பண்ணறத நிறுத்திக்கொங்க யா........உங்களுக்கு எல்லாம் 58 வயசுக்கு மேல ஆகிடிச்சு பேசாம ஒரு ஓரத்துல பொய் கொள்ள அடிச்ச துட்ட தினம் எண்ணி சரியா இருக்கான்னு பாருங்கப்பா
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X