Don't bother about fake ration cards: Govt., to officials | 'போலி ரேஷன் கார்டுகளை கண்டுக்காதீங்க!': வினோத உத்தரவால் அதிகாரிகள் அதிர்ச்சி| Dinamalar

'போலி ரேஷன் கார்டுகளை கண்டுக்காதீங்க!': வினோத உத்தரவால் அதிகாரிகள் அதிர்ச்சி

Advertisement
 
 
Advertisement
 
 
 
Advertisement
எழுத்தின் அளவு:
Advertisement
fake, ration cards,Govt., போலி, ரேஷன் கார்டு, அதிகாரிகள், அதிர்ச்சி

சென்னை: லோக்சபா தேர்தல் நெருங்கி வருவதால், போலி ரேஷன் கார்டுகள் மீது, எந்த நடவடிக்கையும் எடுக்க வேண்டாம்' என்று, துறை மேலிட உத்தரவால், அதிகாரிகள் தயங்கி வருகின்றனர்.

தமிழகத்தில், பொது வினியோக திட்டத்தின் கீழ், ரேஷன் கடைகளில், அரிசி இலவசமாகவும், சர்க்கரை, பருப்பு வகைகள், பாமாயில் உள்ளிட்ட பொருட்கள், மானிய விலையிலும் வழங்கப்படுகின்றன. தற்போது, அரிசி கார்டு, 1.84 கோடி, சர்க்கரை கார்டு, 10.49 லட்சம், போலீஸ் கார்டு, 62,354, எந்த பொருளும் வாங்காத, 'என்' கார்டு, 31,453 என, மொத்தம், 1.96 கோடி ரேஷன் கார்டுகள், புழக்கத்தில் உள்ளன. பொதுவாக, ஐந்து ஆண்டுகளுக்கு ஒருமுறை, ரேஷன் கார்டு வழங்குவது வழக்கம். தற்போது, புழக்கத்தில் உள்ள ரேஷன் கார்டு, 2005ம் ஆண்டு வழங்கப்பட்டது. அவற்றின் செல்லத்தக்க காலம், 2009ம் ஆண்டுடன் முடிவடைந்து விட்டது. பழைய கார்டில், உள்தாள் ஒட்டப்பட்டு, அவற்றின் செல்லத்தக்க காலம், 2014ம் ஆண்டு டிசம்பர் வரை நீட்டிக்கப்பட்டு உள்ளது. ஒரு நபர், ஒன்றுக்கு மேற்பட்ட இடங்களில், ரேஷன் கார்டு வைத்திருத்தல், ஒரு குடும்பத்தில், ஒன்றுக்கு மேற்பட்ட கார்டு இருத்தல், ஆய்வுக்கு வரும் போது, வீடுகளில் இல்லாமல் இருத்தல் உள்ளிட்டவை, தகுதியற்ற, அதாவது, போலி ரேஷன் கார்டுகளாக வரையறுக்கப்பட்டு உள்ளது.



சென்னையில், உணவு வழங்கல் துறை உதவி ஆணையர்களும், மற்ற இடங்களில், வட்ட, மாவட்ட உணவு வழங்கல் அதிகாரிகளும், ரேஷன் கார்டுகளை ஆய்வு செய்து, நடவடிக்கை எடுத்து வருகின்றனர். சென்னை புறநகர், திருவள்ளூர், காஞ்சிபுரம், மதுரை, திருச்சி, கோவை உள்ளிட்ட இடங்களில், அதிகளவில் போலி ரேஷன் கார்டுகள் உள்ளதாக, குற்றச்சாட்டு எழுந்துள்ளது. போலி ரேஷன் கார்டு மீது, அதிகாரிகள் நடவடிக்கை எடுத்தால், உள்ளூர் ஆளுங்கட்சி பிரமுகர்கள் எதிர்ப்பதால், ஆய்வுப் பணி தடைபடுகிறது. இந்நிலையில், அடுத்த ஆண்டு, லோக்சபா தேர்தல் நடக்க உள்ளதால், போலி ரேஷன் கார்டுகள் மீதான நடவடிக்கை, ஆளுங்கட்சி மீது அதிருப்தி ஏற்படுத்தும் என, கருதப்படுகிறது. இதையடுத்து, போலி ரேஷன் கார்டுகள் மீது நடவடிக்கையும் எடுக்க வேண்டாம் என, துறை மேலிடம், உணவு வழங்கல் அதிகாரிகளுக்கு, ரகசிய உத்தரவிட்டுள்ளது. இதனால், போலி ரேஷன் கார்டு மீது, நடவடிக்கை எடுக்க அதிகாரிகள் தயங்கி வருகின்றனர். உணவுத் துறை அதிகாரிகள் கூறுகையில், 'போலி ரேஷன் கார்டுகளால், அரசுக்கு ஆண்டு தோறும், பல கோடி ரூபாய் கூடுதல் செலவு ஏற்படுகிறது. ரேஷன் கடைகளுக்கு வரும் பொதுமக்களிடம், அதிக கெடுபிடி காட்ட வேண்டாம் என, உயரதிகாரிகள் உத்தரவிட்டு உள்ளனர். இதனால், என்ன செய்வது என, தெரியாமல் உள்ளோம்' என்றனர்.


Advertisement




Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (18)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
எல்.கே.மதி - Lalgudy,இந்தியா
31-டிச-201318:18:45 IST Report Abuse
எல்.கே.மதி லோக்சபா தேர்தல் நெருங்கி வருவதால், போலி ரேஷன் கார்டுகள் மீது, எந்த நடவடிக்கையும் எடுக்க வேண்டாம்' என்று, துறை மேலிட உத்தரவால், அதிகாரிகள் தயங்கி வருகின்றனர்.சென்னை புறநகர், திருவள்ளூர், காஞ்சிபுரம், மதுரை, திருச்சி, கோவை உள்ளிட்ட இடங்களில், அதிகளவில் போலி ரேஷன் கார்டுகள் உள்ளதாக, குற்றச்சாட்டு. இவைகளை ஆளும் அரசியல் கட்சி செல்வாக்குள்ள தலைமைகளே ஏற்பாடு செய்துள்ளதாக மக்கள் எண்ணுகின்றனர். தேர்தலுக்கு தேவையான செலவுகளை ஈடுகட்டவும், தேர்தலின் போது, சாராயத்துடன், இலவச பிரியாணி விநியோகத்துக்கும் வேண்டுமே என்று திட்டமிட்ட சதி லட்சக்கணக்கில் பிடிபடும் ரேஷன் அரிசி, எங்கே போகிறது?ஏதாவது கணக்கு உண்டா? போலி ரேஷன் கார்டு மீது, அதிகாரிகள் நடவடிக்கை எடுத்தால், உள்ளூர் ஆளுங்கட்சி பிரமுகர்கள் எதிர்ப்பதால், ஆய்வுப் பணி தடைபடுகிறது. இதைவிட என்ன சான்று இன்னும் வேண்டிக்கிடக்கிறது?உணவுத் துறை அதிகாரிகள் கூறுகையில், 'போலி ரேஷன் கார்டுகளால், அரசுக்கு ஆண்டு தோறும், பல கோடி ரூபாய் கூடுதல் செலவு ஏற்படுகிறது. எங்கேயும் போகவில்லை. ஆளுங்கட்சியின் கஜானாவுக்குத்தான் போகிறது என்று ஆணித்தரமாக அடித்துச் சொல்ல இவர்களால் இயலவில்லை பணி,பதவி உயர்வு போய்விடும் என்ற அச்ச உணர்வே காரணம். நாட்டுக்கு நல்லது செய்கிறோம் என்று வாக்குறுதி வழங்கிவிட்டு, பொதுமக்களின் வாயில் மண்ணைப்போடுவதுதானே அரசியல் கட்சிகளின் பணி என்று நமக்கு விமோசமோ தெரியவில்லை
Rate this:
Share this comment
மதுரை விருமாண்டி - சான் ஹோஸே, கலிபோர்னியா ,யூ.எஸ்.ஏ
31-டிச-201322:55:12 IST Report Abuse
மதுரை விருமாண்டிதிமுக = ஊழல்.. அதிமுக = அதிக ஊழல்.....
Rate this:
Share this comment
Cancel
Shivarama Subramanian - Chromepet,இந்தியா
31-டிச-201318:03:17 IST Report Abuse
Shivarama Subramanian யெதனொயூ போலி நடமாடும்போது... இதுல என்ன என்ற அலட்சியம்.. உண்மையில் இருப்பவனுக்கு ஏதும் கிடைபதில்ல அட்லீஸ்ட் முகவரி அத்தசிக்கு கூட... எல்லாம் போலி மாயம்
Rate this:
Share this comment
Cancel
Kanagasundaram Sakthidasan - chennai,இந்தியா
31-டிச-201315:02:40 IST Report Abuse
Kanagasundaram Sakthidasan எங்கும் சுயநலம், எதிலும் சுயநலம்."வாழ்க அரசியல்"
Rate this:
Share this comment
Cancel
Dinesh - Chennai,இந்தியா
31-டிச-201313:58:28 IST Report Abuse
Dinesh அனைத்து துறை மற்றும் வங்கிகளில் குடும்ப அட்டையைதான், அடையாள மற்றும் இருப்பிட சான்றாக கேட்கிறார்கள், இதை மாற்றினால் போலிகள் குறைய வாய்ப்பு உள்ளது. குடும்ப அட்டை ரேஷனை தவிற வேறு எதற்கும் தேவையில்லை என்று சொல்லிபாருங்கள்.
Rate this:
Share this comment
Cancel
Sundar - Dubai,ஐக்கிய அரபு நாடுகள்
31-டிச-201313:06:30 IST Report Abuse
Sundar 'Adharsh' card will eliminate all such fake ration cards. But there is opposition for unknown reasons for willful gain.
Rate this:
Share this comment
Cancel
villupuram jeevithan - villupuram,இந்தியா
31-டிச-201311:10:29 IST Report Abuse
villupuram jeevithan போலி ரேஷன் கார்டு உற்பத்தி ஆவதே இந்த அதிகாரிகளின் ஒத்துழைப் பால் தான் , அரசியல்வாதிகள் மீது பழிபோட்டுவிட்டு தப்பிக்கலாம் என்று பார்க்கின்றனர் .
Rate this:
Share this comment
Cancel
Ambaiyaar@raja - Nellai to chennai ,இந்தியா
31-டிச-201310:21:29 IST Report Abuse
Ambaiyaar@raja இது தானே நம்ம தமிழ் நாடு. இது தான் ஜெயாவின் பாலிசி. ஒட்டு வேண்டும் என்றால் காலை பிடிப்பது, காரியம் முடிந்தவுடன் காலை வாரி கழுத்தை நெரிப்பது. அது கூட்டணி கட்சியா இருந்தாலும் சரி பொது மக்களா இருந்தாலும் சரி இதற்க்கு திரு வைகோ அவர்கள் விசயகாந்து அவர்கள் சிறந்த உதாரணம். அதே போல தேர்தல் முடிந்த வுடன் பொதுமக்கள் நல்ல ரேசன் கார்டு வைத்து இருந்தாலும் அதை தடை செய்யா ஆணை வந்தாலும் வரும். இந்த இரண்டு கட்சி களையும் கருணா, ஜெயா, தமிழக மக்கள் புறக்கணிக்க வேண்டும். அந்த மாற்று அணியை முழுமையா ஆதரிக்க வேண்டும்.
Rate this:
Share this comment
Cancel
Pugazh V - Coimbatore / Cochin,இந்தியா
31-டிச-201310:17:12 IST Report Abuse
Pugazh V எங்கள் ரேஷன் கார்டு, எங்கள் வீட்டில் வேலை பார்க்கும் பெண்மணியிடம் உள்ளது, அவருக்கு வேண்டியவற்றை வாங்கிக் கொள்கிறார். ஏதோ என்னாலான சின்ன உதவி. எதாவது அரசு சான்றிதழ் வாங்க மட்டும் அந்த ரேஷன் கார்டை உபயோகிக்கிறோம்.
Rate this:
Share this comment
Cancel
Pugazh V - Coimbatore / Cochin,இந்தியா
31-டிச-201310:15:39 IST Report Abuse
Pugazh V இதெல்லாம் பேசலாமா? ப சிதம்பரம் அவர்களை விமர்சிக்கலாம், அவரால் நாடு குட்டிச்சுவராகிவிட்டது என்று சொல்லலாமே தவிர, அதிமுக வாழ் குட்டிச் சுவரானது என்று சொல்ல முடியுமா? அல்லது கலைஞரால் தான் பலரும் போலி கார்டுகள் வைத்திருப்பதாக சொல்ல வேண்டியது தான். இடைத் தேர்தல் அல்லது லோக்சபா தேர்தலுடன் நடக்கப் போகிற தேர்தலில், ஆலந்தூரிலும் அதிமுக விற்கு வாக்களித்து விட வேண்டியது தான்.
Rate this:
Share this comment
Cancel
Baskaran Kasimani - Singapore,சிங்கப்பூர்
31-டிச-201306:54:17 IST Report Abuse
Baskaran Kasimani சுதந்திரம் வாங்கி 6X ஆண்டுகள் ஆன பின்னரும் கூட இன்னும் ரேசன் கடை பற்றி பேசும் ஒரே நாடு இந்தியாவாகத்தான் இருக்கும்
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.