Karunanidhi upset over Alagiri matter | கருணாநிதி 'அப்செட்' - அறிவாலயத்திற்கு 'ஆப்சென்ட்': அழகிரி பேட்டி; போஸ்டர் விவகாரம்| Dinamalar

கருணாநிதி 'அப்செட்' - அறிவாலயத்திற்கு 'ஆப்சென்ட்': அழகிரி பேட்டி; போஸ்டர் விவகாரம்

Updated : ஜன 07, 2014 | Added : ஜன 07, 2014 | கருத்துகள் (139)
Advertisement
 
 
Advertisement
 
 
dinamalar-advertisement-tariff-2018
 
Advertisement
 கருணாநிதி 'அப்செட்' - அறிவாலயத்திற்கு 'ஆப்சென்ட்': அழகிரி பேட்டி; போஸ்டர் விவகாரம்

அழகிரி ஆதரவாளர்கள் ஒட்டிய போஸ்டர் விவகாரமும், அதையொட்டி நடந்த, மதுரை தி.மு.க., கலைப்பு நடவடிக்கையும், தி.மு.க.,வில் பரபரப்பை ஏற்படுத்தி உள்ளது. இதனால், ஏற்பட்ட அதிருப்தி காரணமாக, தி.மு.க., தலைவர் கருணாநிதி, கடந்த ஒரு வாரமாக அறிவாலயம் வரவில்லை.

இதற்கிடையில், சென்னையில் இரண்டு நாட்களாக தங்கியிருந்த அழகிரியை, கட்சி தலைமை அழைத்துப் பேச விரும்பாததால், கடும் கோபத்தில், குடும்பத்துடன் திருப்பதிக்கு சென்று விட்டார். மதுரை தி.மு.க.,வினர், அழகிரியை வாழ்த்தி, ஊரெங்கும் போஸ்டர்கள் ஒட்டினர். அந்தப் போஸ்டர்களில், அவரது பிறந்த நாளான, 30ம் தேதி, பொதுக்குழு கூடுவதாக, அச்சிடப்பட்ட போஸ்டர், கட்சித் தலைமை வட்டாரத்தில், கடும் சர்ச்சையை கிளப்பியது.இதையடுத்து நடந்த அவசர ஆலோசனைக்கு பின், அதிரடியாக, மதுரை மாநகர் கட்சி அமைப்பு, அடியோடு கலைக்கப்பட்டது. அதனால், அழகிரி ஆதரவாளர்கள், 165 பேர் பதவி இழந்துள்ளனர். வழக்கமாக, இதுபோன்ற விவகாரம் வெடிக்கும்போது, அழகிரியை சமாதானப்படுத்த, தலைமையிடம் இருந்து தூதும், அழைப்பும் வருவது உண்டு. கட்சி தலைமையும், குடும்பத்தினரும் பேசியதும், அழகிரி சமாதானமாகி விடுவதும் உண்டு.இதற்கு உதாரணமாக, 2001ல் நடந்த நடவடிக்கையை, தி.மு.க.,வினர் சுட்டிக் காட்டுகின்றனர். அந்த ஆண்டில், அழகிரிக்கு எதிராக நடவடிக்கை எடுத்து, அவரை கட்சியை விட்டு, 'சஸ்பெண்ட்' செய்தது, தி.மு.க., தலைமை. சட்டசபைத் தேர்தலில், எதிர்த்து வேலை செய்ததாகவும, குறிப்பாக, இவரது உள்ளடி வேலையால் தான், பி.டி.ஆர்.பழனிவேல்ராஜன் போன்றோர் தோற்றனர் என்றும், குற்றம் சாட்டப்பட்டு, இந்த நடவடிக்கை எடுக்கப்பட்டது.

அப்படியொரு கடுமையான நடவடிக்கைக்கு பிறகும், அழகிரிக்கு கட்சியில், மறுபிரவேசம் கிடைத்தது. ஆனால், இந்த முறை, அவரது ஆதரவாளர்கள் மீதான நடவடிக்கை ரத்தாகுமா என்ற சந்தேகம் எழுந்துள்ளது. காரணம், கட்சியில் அவருக்கான ஆதரவு வட்டம் சுருங்கியது தான். மொத்தத்தில், கட்சி முழுக்க, ஸ்டாலின் கட்டுப்பாட்டில் வந்து விட்டது என, அறிவாலய வட்டாரத்தினர் கூறுகின்றனர்.

இதற்கிடையில், அழகிரி அளித்த, 'டிவி' பேட்டியும், கட்சித் தலைமைக்கு கடும் கோபத்தை ஏற்படுத்தியுள்ளது. லோக்சபா தேர்தலை எதிர்கொள்ள, கூட்டணி பலம் அவசியம் என்ற நிலையில், தே.மு.தி.க.,வை இழுக்க, கருணாநிதி காய் நகர்த்தி வருகிறார். இதற்கு இடைஞ்சல் ஏற்படுத்தும் நோக்கில், பேட்டி அளித்துள்ளதாக, அடுத்த புகார் அழகிரி மீது பாய்ந்துள்ளது. இதனால், கடும் கவலை அடைந்த, கருணாநிதி, அறிவாலயம் வராமல் வீட்டில் இருக்கிறார். இந்த பிரச்னையால், அவர் உடல் நலம் பாதிக்கப்பட்டுஉள்ளதாகவும், தி.மு.க.,வினர் தெரிவித்தனர்.

- நமது சிறப்பு நிருபர் -

Advertisement


வாசகர் கருத்து (139)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
rajan - kerala,இந்தியா
07-ஜன-201422:50:23 IST Report Abuse
rajan கூட நட்பு கேடாய் முடியும் என்பதை அஞ்சா நெஞ்சன் உணர்ந்து விட்டார்.
Rate this:
Share this comment
Cancel
ayubkhan - Dubai,ஐக்கிய அரபு நாடுகள்
07-ஜன-201422:20:36 IST Report Abuse
ayubkhan நல்ல ஐடியாவா இருக்கே இப்புடியாவது கூட்டத்தை சேக்க பாக்குறீங்களா
Rate this:
Share this comment
Cancel
Vinoth - thanjavur,இந்தியா
07-ஜன-201422:03:48 IST Report Abuse
Vinoth வணக்கம் திரு. கருணாநிதி அவர்களுக்கு தன்னுடைய குடும்பத்தையும் மற்றும் தமது பேரன்களையும் பற்றி யோசிக்கவும் தான் நேரம் இருக்கும் மேலும் அவருக்கு கூட்டணியின் போது எந்த இலாகாக்களை பெற வேண்டும் என்றும் யோசிக்க தான் நேரம் இருக்கிறது மேலும் அவர் ஏற்கனவே மாறன் குடுபத்தினரிடம் சண்டை போட்டு விட்டு இன்று அனைவரும் ஒன்று கூடிவிட்டார்கள் இது மட்டுமா சட்ட சபை தேர்தலில் அவர் வடிவேலு வை வைத்து எப்படி எல்லாம் திரு விஜயகாந்த் மற்றும் அவரது கட்சி ஆட்களை எல்லாம் மேடை மேடை ஆக ஏறி வருதெடுத்து குடும்பத்துடன் அமர்ந்து சிரித்தார்கள் ஆனால் இன்று ஏன் ஆட்சியை பிடிப்பதற்காக ஏன் விஜி காலில் சென்று விழ வேண்டும் அதனால்தான் திரு அழகிரி அவருடன் கூட்டணி வேண்டாம் என்று தன் மனசாட்சிபடி நடந்து கொண்டு இருக்கிறார் இதெல்லாம் மனசாட்சி இல்லாத திரு கருணாநிதியிடமும் திரு ஸ்டாலினிடமும் எங்கே தெரிய போகிறது எனவே தி மு க உடன் கூட்டணி வைக்கும் எந்த ஒரு கட்சியும் இனிமேல் ஜெயிக்கவும் முடியாது மேலும் அப்படி வைத்தால் மாம்பழத்தை சப்பி கொட்டையை தூக்கி எறிவது போல் அந்த கட்சிகளையும் தூக்கி எறிவார்கள் (உதாரணம் ஊழல் காங்கிரஸ், பா ம க, தோழர் கட்சிகள்,) எனவே யோசித்து முடிவு எடுப்பதே நல்லது நன்றி
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X