Karunanidhi reply to Ramdoss | சிலருக்கு நாக்கு தான் முதல் விரோதி: கருணாநிதி| Dinamalar

சிலருக்கு நாக்கு தான் முதல் விரோதி: கருணாநிதி

Updated : ஜன 22, 2014 | Added : ஜன 21, 2014 | கருத்துகள் (100)
Advertisement
 
 
Advertisement
 
 
 
Advertisement
சிலருக்கு நாக்கு தான் முதல் விரோதி: கருணாநிதி

'சில பேருக்கு, நாக்கு தான் முதல் விரோதி' என, பா.ம.க., நிறுவனர் ராமதாசுக்கு, தி.மு.க., தலைவர் கருணாநிதி மறைமுகமாக எச்சரிக்கை விடுத்துள்ளார்.

அவரது அறிக்கை:தி.மு.க., தூண்டுதலின் பேரில் விடுதலை சிறுத்தைகள், பா.ம.க,வினரைத் தாக்குவதாக ராமதாஸ் குற்றஞ்சாட்டியுள்ளார். இது அபாண்டமான, அடிப்படை ஆதாரமில்லாத குற்றச்சாட்டு. டாக்டர் ராமதாசுக்கு அண்மைக் காலத்தில், இப்படி தேவையில்லாமல் விமர்சனம் செய்கின்ற ஒரு கெட்ட பழக்கம் வந்து விட்டது போலும். ராமதாசின் நடவடிக்கைகள் பற்றி தி.மு.க.,வினர் எதுவும் சொல்வதில்லை.தி.மு.க.,விற்கு வேறோருவரைத் தூண்டி விட்டு, தாக்குதல் நடத்தும்படி சொல்கிற ஈன புத்தி, என்றைக்கும் கிடையாது. அ.தி.மு.க., ஆட்சியில், பா.ம.க.,வினர் மீது வழக்குகள் தொடுக்கப்பட்டபோது, தி.மு.க., சார்பில், அதைக் கண்டித்ததோடு, தி.மு.க., ஆட்சி பொறுப்பேற்றவுடன், அந்த வழக்குகள் எல்லாம் திரும்பப் பெறப்பட்டன.

கடந்த, 1992ம் ஆண்டு, 'பா.ம.க.,வை வன்முறை இயக்கம்' என, அ.தி.மு.க., அரசு, மத்திய அரசுக்கு கடிதம் எழுதிய போதும் கூட, அதைக் கடுமையாக எதிர்த்தவன் நான். அதுவும் அம்பேத்கர் சிலையை உடைக்க, தி.மு.க., காரணம் என்றெல்லாம் ராமதாஸ் கூறுகிறார். அம்பேத்கர் புகழினை உயர்த்த, தி.மு.க., எந்த அளவிற்கு செயல்பட்டது என்பதை, சுட்டிக்காட்ட வேண்டுமானால், அவரது நினைவு மண்டபம் எழுப்பப்பட்டது. பல்கலைக் கழகங்களுக்கு அவரது பெயர் அமையப் பாடுபட்டது என, ஏராளமாகச் சொல்லலாம். ஆனால், ராமதாஸ், 'வன்முறை, தி.மு.க.,விற்கு கை வந்த கலை' என, விமர்சனம் செய்திருக்கிறார். சில பேருக்கு, நாக்கு தான் முதல் விரோதி.இவ்வாறு, கருணாநிதி கூறியுள்ளார்.

- நமது நிருபர் -

Advertisement


வாசகர் கருத்து (100)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Capt JackSparrow - Madurai,இந்தியா
21-ஜன-201422:52:45 IST Report Abuse
Capt JackSparrow கொஞ்சம் ஓவரா பேசி, இப்போ கூட்டணிக்கு யார் வருவாங்கன்னு காத்துக்கிட்டுருகிங்களே...உங்கள பத்தி தான சொல்லுரீங்க..
Rate this:
Share this comment
Cancel
Chennai - Ragu - thombe,இலங்கை
21-ஜன-201420:36:02 IST Report Abuse
Chennai  - Ragu ஆமாம். முதல் நாள் 'சொக்கத்தங்கம்', இரண்டாம் நாள் 'மணிமேகலை' என்று பேசிவிட்டு, மூன்றாம் நாள் 'நன்றி கெட்டவர்கள், நம்பிக்கைத் துரோகம் செய்தவர்கள்' என்றெல்லாம் மாற்றிப்பேச எங்களுக்குத் தெரியவில்லைதான். ஆட்சியில் இருக்கும் போது, தேசியத்தலைவரின் அம்மாவை மருத்துவச் சிகிச்சைக்காக சென்னைக்குள் அனுமதிக்காமல் திருப்பி அனுப்பிய அதே கல்நெஞ்சம், ஆட்சி போனபின் தேசியத்தலைவரின் பிள்ளை 'பாலகன் பாலச்சந்திரனுக்காக' முதலைக் கண்ணீர் வடித்தது போல - எங்களுக்கு இரட்டை நாக்கு இல்லாமல் போய்விட்டதுதான். 'ஈழத்தில் போர் தொடர்கிறதே, ஆயிரக்கணக்காணவர்கள் கொல்லப்படுகிறார்களே' என்று தமிழ்நாடே துடித்த போது - 'இல்லை இல்லை போர் நிறுத்தம் ஏற்பட்டுவிட்டது. மழைவிட்டாலும் தூவானம் விடாதது போல சில குண்டுகள்தான் வீசப்படுகின்றன' - என்று எகத்தாளமாக பேசிவிட்டு - இப்போது 'ஐயோ இனப்படுகொலை' என மாற்றிப்பேசும் உங்களது வஞ்சக நாக்கு எக்களுக்கு இல்லைதான்.
Rate this:
Share this comment
Gogulaa - Thiruthuraipoondi,இந்தியா
22-ஜன-201409:14:28 IST Report Abuse
Gogulaaதேசியத்தலைவரின்(??????????)...
Rate this:
Share this comment
Cancel
VSRINIVASAN - PUDHUCHERRY,இந்தியா
21-ஜன-201419:45:22 IST Report Abuse
VSRINIVASAN அவருக்கு நாக்குல சனி இருக்கும் உங்களைப்போல
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X