அ.தி.மு.க.,விற்கு ஆதரவாக பிரசாரம்: மதுரை ஆதீனம் 'கிரீன் சிக்னல்?'| Dinamalar

அ.தி.மு.க.,விற்கு ஆதரவாக பிரசாரம்: மதுரை ஆதீனம் 'கிரீன் சிக்னல்?'

Added : ஜன 22, 2014 | கருத்துகள் (4)
Advertisement
 
 
Advertisement
 
 
dinamalar-advertisement-tariff-2018
 
Advertisement
அ.தி.மு.க.,விற்கு ஆதரவாக பிரசாரம்: மதுரை ஆதீனம் 'கிரீன் சிக்னல்?'

லோக்சபா தேர்தலில், அ.தி.மு.க.,விற்கு ஆதரவாக பிரசாரம் செய்ய, மதுரை ஆதீனம் தயார் செய்யப்படுகிறார். இதற்கான, 'அசைன்மென்டை' கூட்டுறவுத் துறை அமைச்சர், செல்லூர் ராஜு கச்சிதமாக முடித்துள்ளார்.

சமூக பிரச்னை முதல் இலங்கை தமிழர் பிரச்னை வரை, எதுவாக இருந்தாலும், 'கருத்து கந்தசாமி' யாக மாறி, தன் நிலைப்பாட்டை அறிக்கையாக வெளியிடுவதில், மதுரை ஆதீனம், அதீத ஆர்வம் காட்டுவார். நித்யானந்தா மூலம் எழுந்த பிரச்னையால், வெளி நிகழ்ச்சிகளில் பங்கேற்காமலும், அறிக்கைகள் வெளியிடாமலும், சற்று 'அடக்கி வாசித்து' வந்தார். ஆனால், அவரது மறைமுக அரசியல், 'மூவ்'களில் இருந்து, 'முதல்வர் ஜெயலலிதா பிரதமராக வர வேண்டும்' என்பதில், அவருக்கு உடன்பாடு இருந்தது வெளிப்பட்டது. இதை நிரூபிக்கும் வகையில், மதுரையில் நடந்த பொங்கல் விழா ஒன்றில், 'சிறந்த நிர்வாக திறமையுள்ள முதல்வர் ஜெயலலிதா, நாட்டின் பிரதமர் ஆனால் நல்லது,' என, பேசி அரசியலில் அனலை மூட்டினார். இந்நிலையில், மதுரை நகரில் எம்.ஜி.ஆர்., பிறந்த நாள் பொதுக்கூட்டங்களில் பங்கேற்று அதிரடியாக பேசிவரும், கூட்டுறவுத் துறை அமைச்சர் செல்லூர் ராஜு, நேற்று முன்தினம், ஆதீனம் பேச்சுக்கு நன்றி தெரிவிக்கும் வகையில், மடத்திற்கு சென்று அவரை நேரில் சந்தித்தார். 'லோக்சபா தேர்தலில், ஆன்மிகவாதிகள் மற்றும் மடாதிபதிகளிடம் சென்று அ.தி.மு.க.,விற்கு ஆதரவு கேட்க வேண்டும்' என, அமைச்சர் கேட்டதாகவும், அதற்கு, 'கருணாநிதி முதல்வராக இருக்கும்போதே, ஜெயலலிதா பிரதமராக வேண்டும் என்று வலியுறுத்தியுள்ளேன். பல மொழிகள் தெரிந்தவர், ஜெயலலிதா. அவர் பிரதமரானால் அனைத்து மதத்தினரும் ஏற்றுக்கொள்வர்' என, ஆதீனம் கூறியதாகவும் தகவல் பரவி உள்ளது. சந்திப்பு முடிந்ததும், வழக்கமாக கொடுக்கும் ஞானப்பாலை அமைச்சருக்கு ஆதீனம் வழங்கினார். மறுக்காமல், 'தங்கள் சித்தம்' என, அமைச்சரும் அடக்கமாக கூறி, ஞானப்பாலை பருகிவிட்டு, மடத்தை விட்டு 'ஜூட்' விட்டார். இவர்கள் சந்திப்பால், அ.தி.மு.க.,விற்கு ஆன்மிக ரீதியான பிரசாரத்திற்கு, ஆதீனம் கிட்டத்தட்ட ரெடியாகிவிட்டார் என்ற கருத்து, மதுரை அ.தி.மு.க., வட்டாரத்தில் வலுத்துள்ளது.

- நமது நிருபர் -

Advertisement


வாசகர் கருத்து (4)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
chandru - male  ( Posted via: Dinamalar Android App )
22-ஜன-201416:39:52 IST Report Abuse
chandru இந்தாள் ஆன்மிகவாதி்யா இல்லை அரசியல்வாதி்யா
Rate this:
Share this comment
Cancel
Parthiban S - arumuganeri,இந்தியா
22-ஜன-201412:46:41 IST Report Abuse
Parthiban S "ஆவின் பாலை இவர் கையால் வாங்கினால், அது ஞானப்பால் ஆகிவிடுமாம்... இதெல்லாம் ரொம்ப ஓவர்..."
Rate this:
Share this comment
Cancel
Sampathkumar Sampath - Karur,இந்தியா
22-ஜன-201412:46:27 IST Report Abuse
Sampathkumar Sampath ஒரு தப்பு செஞ்சுட்டோம். பேசாம நித்யாகிட்டயெ புடிச்சு குடுத்திருக்கலாம். இந்நேரம் ஒருவழி பண்ணியிருப்பான்... ஜஸ்ட் மிஸ் ஆயிருச்சு... இருடி உனக்கு ஆப்பு நீயே வச்சுகிட்ட. வடிவேல ஞாபகமிருக்கா ?.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X