Count down for Aam adhmi government | 'ஆம் ஆத்மி' அரசுக்கு 'கவுன்ட்-டவுன்'| Dinamalar

'ஆம் ஆத்மி' அரசுக்கு 'கவுன்ட்-டவுன்'

Updated : ஜன 29, 2014 | Added : ஜன 28, 2014 | கருத்துகள் (28)
Advertisement
 
 
Advertisement
 
 
dinamalar-advertisement-tariff-2018
 
Advertisement
Advertisement
Count down,Aam adhmi government, 'ஆம் ஆத்மி' அரசு,'கவுன்ட்-டவுன்'

டில்லியில், கடந்த ஆண்டு நடந்த சட்டசபை தேர்தலில், 28 இடங்களைப் பிடித்த, அரவிந்த் கெஜ்ரிவாலின், 'ஆம் ஆத்மி' கட்சியில், தற்போது உட்கட்சி பூசல் அதிகரித்துள்ளது. 'முதல்வர், கெஜ்ரிவால் சர்வாதிகாரி போல செயல்படுகிறார்' என, அந்த கட்சி எம்.எல்.ஏ., வினோத்குமார் பின்னி குறை கூறி வருகிறார். அத்துடன், தேர்த லின் போது, மக்களுக்கு அளித்த வாக்குறுதிகளை நிறைவேற்ற வேண்டும் என வலியுறுத்தியும், நேற்று முன்தினம் உண்ணாவிரதமும் இருந்தார்.அதேநேரத்தில், ஆம் ஆத்மிக்கும், அந்த கட்சி அரசு அமைக்க ஆதரவு அளித்த காங்கிரசுக்கும் இடையேயான மோதலும் அதிகரித்துள்ளது. மக்களுக்கு செய்ய வேண்டிய பணிகளைச் செய்யாமல், கெஜ்ரிவால், மத்திய அரசுக்கு எதிராக செயல்படுகிறார் என, காங்கிரஸ் தலைவர்கள் குற்றம் சாட்டி வருகின்றனர். அதனால், ஆம் ஆத்மிக்கான ஆதரவை, வாபஸ் பெறுவது தொடர்பாக காங்கிரஸ் ஆலோசித்து வருகிறது.

இதுதொடர்பாக, டில்லி மாநில காங்., தலைவர், அர்விந்தர் சிங் லவ்லி கூறியதாவது: 'ஆம் ஆத்மி அரசுக்கான ஆதரவை தொடரக்கூடாது' என, டில்லி காங்கிரசிலும், அகில இந்திய காங்கிரஸ் கமிட்டியிலும் எதிர்ப்பு கிளம்பியுள்ளது. மக்கள் குறைகளை தீர்க்கும் பணியில், முதல்வர் கெஜ்ரிவால் ஈடுபட்டால் மட்டுமே, அவரது அரசுக்கான ஆதரவு தொடரும்.




கடும் கோபத்தில்:

இனியும், காங்கிரசுக்கும், மத்திய அரசுக்கும் எரிச்ச லூட்டும் வகையில் அவர்கள் செயல்பட்டால், கெஜ்ரிவால் அரசுக்கான ஆதரவை வாபஸ் பெறுவது நிச்சயம். அந்த அளவுக்கு, கெஜ்ரிவால் மீது காங்கிரஸ் தலைவர்கள், கடும் கோபத்தில் உள்ளனர். ஆம் ஆத்மி அரசுக்கான ஆதரவை வாபஸ் பெற வேண்டும் என்பதே, பெரும்பாலான காங்கிரஸ் தலைவர்களின் விருப்பம். ஆனாலும், எப்போது வாபஸ் பெறுவது என்பதில் தான், குழப்பம் நீடிக்கிறது. சிலர், லோக்சபா தேர்தலுக்கு பின், வாபஸ் பெறலாம் எனக்கூறி வருவதால், கட்சி மேலிடம் முடிவு எடுப்பதில் தயக்கம் காட்டி வருகிறது. இருந்தாலும், கெஜ்ரிவால் அரசின் நாட்கள் எண்ணப்படுகின்றன என்பதே உண்மை. இவ்வாறு, டில்லி மாநில காங்கிரஸ் தலைவர் கூறினார்.

இது ஒருபுறமிருக்க, டில்லி மாநிலத்திற்கான ஜன்லோக்பால் மசோதாவை, அரவிந்த் கெஜ்ரிவால் தலைமையிலான அமைச்சரவை, எந்த நேரத்திலும் இறுதி செய்யலாம் என, எதிர்பார்க்கப்படுகிறது. அத்துடன், டில்லி ராம்லீலா மைதானத்தில், சட்டசபை கூட்டத்தை நடத்தி, அங்கு, ஜன்லோக்பால் மசோதாவை நிறைவேற்றவும், கெஜ்ரிவால் திட்டமிட்டு உள்ளார்.




வாபஸ் பெற...:

ஆனால், அவரின் இந்த திட்டத்திற்கு, மத்திய உள்துறை அமைச்சகத்தின் கட்டுப்பாட்டில் உள்ள, டில்லி மாநில போலீசார் கடும் எதிர்ப்புத் தெரிவித்துள்ளனர். இதற்கிடையில், ஆம் ஆத்மி கட்சியை சேர்ந்த, எம்.எல்.ஏ., வினோத்குமார் பின்னி, கடந்த ஞாயிறன்று, 'சஸ்பெண்ட்' செய்யப்பட்டு உள்ளதால், 70 உறுப்பினர்களைக் கொண்ட, டில்லி சட்டசபையில், ஆம் ஆத்மி எம்.எல்.ஏ.,க்கள் எண்ணிக்கை, 27 ஆக குறைந்துள்ளது. காங்கிரஸ் - எம்.எல்.ஏ.,க்கள், எட்டுப் பேரின் ஆதரவையும் சேர்த்தால், 35 பேர் மட்டுமே, அரசுக்கு ஆதரவாக உள்ளனர். பெரும்பான்மைக்கு, 36 எம்.எல்.ஏ.,க்கள் ஆதரவு தேவை என்பது குறிப்பிடத்தக்கது. தற்போதைய நிலையில், அரவிந்த் கெஜ்ரிவால் அரசுக்கான ஆதரவை வாபஸ் பெறுவதற்கான, 'கவுன்ட்-டவுனை' காங்கிரஸ் துவக்கி விட்டது. கெஜ்ரிவால், தன் செயல்பாடுகளை மாற்றிக் கொண்டால், காங்கிரஸ் விரும்பும் வகையில் செயல் பட்டால், அவரின் அரசு தொடரும். இல்லை எனில், கவிழும் நாள் வெகு தூரத்தில் இல்லை.

- நமது சிறப்பு நிருபர் -

Advertisement




வாசகர் கருத்து (28)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Sankar ganesh - sivakasi,இந்தியா
29-ஜன-201420:27:54 IST Report Abuse
Sankar ganesh மக்களின் குறைகளை தீர்க்காமல் சேட்டை செய்து கொண்டு இருக்கிறார் கெஜ்ரிவால்
Rate this:
Share this comment
Cancel
Shanmuga Sundaram - Dubai,ஐக்கிய அரபு நாடுகள்
29-ஜன-201416:14:01 IST Report Abuse
Shanmuga Sundaram கெஜ்ரிவால் அரசை கவிழ்க்க வேண்டிய வேலைகளை காங்கிரஸ் ஏற்கெனவே ஆரம்பித்து விட்டது. முதல் பலி வினோத்குமார் பின்னி திரை மறைவில் என்ன நடந்ததோ நமக்கு தெரியாது. ஆனால் பின்னியின் கட்சி தலைமை எதிர்ப்பு நிலையை அறிந்து அவரை இன்னும் உசுப்பேற்றி கெஜ்ரிவாலே அவரை நீக்கும் நிலையை காங்கிரஸ் ஏற்படுத்தியிருந்தாலும், ஆச்சரியபடுவதற்கில்லை. சில கோடிகளை வீசி எறிந்தால் பின்னி போல இன்னும் சில MLA க்களை காங்கிரஸ் கெஜ்ரிவாலுக்கு எதிராக களம் இறக்கலாம். கெஜ்ரிவாலும் வசதியாக அவர்களை கட்சியை விட்டு நீக்குவார். பின்னர் காங்கிரஸ் ஆதரவு இருந்தும் அவர் அரசு தன்னால் கவிழ்ந்து விடும். பின்னர் கெஜ்ரிவால் வழக்கம் போல மக்களிடம் போய் என்னை ஏமாற்றி விட்டார்கள் என்று உணர்சி பொங்க அழுவார். அவருக்கும் அந்த அனுதாபம் தேவை படுகிறது. அந்த அனுதாபத்தை வைத்து அடுத்த தேர்தலில் முழு மெஜாரிட்டியை பெறலாமே. Indian politics is a stinking nasty game. A big game with millions and billions of money.
Rate this:
Share this comment
Cancel
Peria Samy - chennai,இந்தியா
29-ஜன-201414:59:15 IST Report Abuse
Peria Samy கேஜ்ரிவால் தன் அரசுக்கான ஆதரவை காங்கிரஸ் விலக்கிக் கொண்டால் ஆட்சி கவிழட்டும் , தான் நேர்மையாக ஆட்சி செய்வது காங்கிரசுக்குப் பொறுக்கவில்லை, தன் ஆட்சி தொடர்ந்தால் மக்கள் மன்றத்தில் காங்கிரஸ் கட்சி செல்லாக் காசு ஆகிவிடும் என்ற பயத்தால் தான் ஆட்சியை கவிழ்த்து விட்டார்கள் என்று பிரசாரம் செய்து மக்களிடம் அனுதாபம் ஈட்ட முயற்சிப்பார்கள். ஆக ஆம் ஆத்மி கட்சியின் ஆட்சி தொடர்ந்தாலும், அல்லது கவிழ்க்கப் பட்டாலும் இழப்பு என்னமோ காங்கிரஸ் கட்சிக்கு தான். இதற்குத் தான் நம் முன்னோர்கள் அன்று சொன்னால் "பாத்திரம் அறிந்து பிட்சை இடு" என்று. பா..ஜ.க. மீதுள்ள கோபத்தில் கெஜ்ரிவாலை ஆதரித்து தங்கள் தலையில் மண்ணெண்ணெய் ஊற்றி அதில் நெருப்பையும் வைத்துக் கொண்டார்கள். இப்பொழுது எரிகிறதே எரிகிறதே என்று துடிப்பதால் என்ன பயன்?
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X