ராகுலின் பேட்டி மக்களிடம் தாக்கத்தை ஏற்படுத்தியுள்ளதா?| Dinamalar

ராகுலின் பேட்டி மக்களிடம் தாக்கத்தை ஏற்படுத்தியுள்ளதா?

Added : ஜன 29, 2014 | கருத்துகள் (7)
Advertisement
 
 
Advertisement
 
 
dinamalar-advertisement-tariff-2018
 
Advertisement
 ராகுலின் பேட்டி மக்களிடம் தாக்கத்தை ஏற்படுத்தியுள்ளதா?

'இந்த ஆண்டின் மிகச் சிறந்த பேட்டி' என, தனியார் தொலைக்காட்சி நிறுவனம் ஒன்று, அறிவிப்பு வெளியிட்டு, நேற்று முன்தினம், காங்கிரஸ் துணைத் தலைவர் ராகுலின் பேட்டியை ஒளிபரப்பியது. நாடு முழுவதும் பரபரப்பாக எதிர்பார்க்கப்பட்ட இந்த பேட்டியில், அதிரடியான கருத்துக்கள் எதையும் சொல்லவில்லை; எல்லாம் வெற்று அலங்கார வார்த்தைகளாகவே இருந்தன. அமைப்பு ரீதியான மாற்றமும், சமூக மாற்றமும் அவசியம் என்பதை வலியுறுத்திய, ராகுல், நரேந்திர மோடியை பார்த்து, காங்கிரஸ் பயப்படவில்லை என்றும் தெரிவித்தார். பேட்டியில், ராகுல் தெரிவித்த தகவல்கள் நியாயமானவை, தர்க்கம் நிறைந்தவை என, ஒரு தரப்பும், சுவாரஸ்யம் இல்லை என, மற்றொரு தரப்பும் கூறுகின்றன. இந்த விவகாரத்தில் மாறுபட்ட கருத்துக்களை உடைய இரு பிரபலங்கள், முன்வைத்த வாதங்கள்:
ராகுல், தொலைக்காட்சிக்கு அளித்த பேட்டியில், சமூக மாற்றத்தை முன்வைத்தே பேசினார். அதில், வெற்று ஆரவாரம், அலங்கார வார்த்தைகள் இல்லை. எதார்த்தம் தான் தேவைஎன்பதை வெளிப்படுத்தியது.நாட்டில், தற்போது நிலவும் பல்வேறு சூழல்கள் குறித்து கேள்விகள் எழுப்பினாலும், அதற்கெல்லாம், அமைப்பு ரீதியான மாற்றம் தான் அவசியம் என, ராகுல் குறிப்பிட்டார். லோக்சபா, சட்டசபை தேர்தல்களில், வேட்பாளர்களை தேர்வு செய்வது, ஒரு மாநிலத்தின் முதல்வர் அல்லது நாட்டின் பிரதமர் தேர்வு என்பது, நான்கு சுவற்றுக்குள் நடக்கும் விஷயமாக உள்ளது. இம்முறையில் மாற்றம் ஏற்பட வேண்டும்.
நாட்டில் உள்ள மக்கள் எல்லாம், எந்த மாதிரியான இந்தியாவை எதிர்பார்க்கின்றனர் என்பதை அறிந்து, அதுபோன்ற இந்தியாவை உருவாக்க வேண்டும் என, தன் பேட்டியில் ராகுல் குறிப்பிட்டார்.அரசியல் ஆரவாரங்களுக்கான கேள்விகளை தவிர்த்துவிட்டு, சமூக மாற்றத்துக்கான விவாதங்களை நடத்த ஏன் முன்வர மறுக்கிறீர்கள் என்றும் குறிப்பிட்டார். தனி மனித விமர்சனங்களைத் தவிர்க்க வேண்டும் என்பதே, ராகுலின் நோக்கமாக வெளிப்பட்டது.
ஆனால், பா.ஜ., நிறுத்தியுள்ள பிரதமர் வேட்பாளர் மோடி, தனி மனித விமர்சனத்தை தான், முன் வைக்கிறார்.மோடியை விமர்சிக்க ராகுல் மறுத்ததால், அவரை கண்டு ராகுல் அஞ்சுகிறார் என்கின்றனர். யார், யாரைக் கண்டு அஞ்சுகிறார்கள் என்பது, போக போகத் தெரியும்.ராகுல், ஆங்கில தொலைக்காட்சிக்கு அளித்த பேட்டி, தொண்டர்கள் மத்தியில் உற்சாகத்தை ஏற்படுத்தவில்லை எனவும் கூறுகின்றனர். ஆங்கில தொலைக்காட்சியை, சாதாரண தொண்டர்கள் எத்தனை பேர் பார்க்கின்றனர் என, தெரியவில்லை. இந்நிலையில், ராகுலின் தொலைக்காட்சி பேட்டி, தொண்டர்களுக்கு உற்சாகம் அளிக்கவில்லை என, கூறுவதில் அர்த்தமில்லை.ஞானதேசிகன்தமிழக காங்., தலைவர்.
பா.ஜ.,வின் பிரதமர் வேட்பாளராக அறிவிக்கப்பட்டுள்ள நரேந்திர மோடி, நாட்டின் பல நகரங்களில், 70க்கும் மேற்பட்ட கூட்டங்களில் பேசிவிட்டார். இன்னும் சில கூட்டங்களில் பேசிவிட்டால், அவரது வெற்றி உறுதியாகிவிடும் என, நினைத்தோம்.ஆனால், ராகுலின் தொலைக்காட்சி பேட்டியைப் பார்த்த பின், மோடி இனி பேசத் தேவையில்லை. ராகுல் பேசினாலே போதும். மோடியின் வெற்றி உறுதியாகிவிடும் என்ற எண்ணம், எங்களுக்கு ஏற்பட்டுள்ளது. தொலைக்காட்சி பேட்டியில், எந்த ஒரு கேள்விக்கும், நேரடியான பதிலை ராகுல் கூறவில்லை. அவருக்கு வரலாறு தெரியாமல் இருக்கலாம். ஆனால், நாளிதழ்களை படிக்கும் பழக்கம் கூடவா அவருக்கு இல்லை. கோத்ரா சம்பவம் குறித்து, நீதிமன்றம் அமைத்த குழு அளித்த அறிக்கையை தொடர்ந்தே, கோத்ரா சம்பவத்தில், மோடிக்கு தொடர்பில்லை என, நீதிமன்றம்அறிவித்தது.ஆனால், மோடிக்கும், கோத்ரா சம்பவத்துக்கும் தொடர்புண்டு என்பது போன்ற பொய் பிரசாரத்தை, ராகுல் செய்து வருகிறார். ராகுலின் சொந்த தொகுதியான அமேதி குறித்து, சுப்ர மணியசாமி தெரிவித்த கருத்துக்கு, ராகுலால் எந்த பதிலையும் கூற முடியவில்லை. மாறாக, அவர் தனிமனித விமர்சனத்தை செய்ய விரும்பவில்லை. சமூக மாற்றத்துக்கானவிவாதத்தை செய்ய விரும்புகிறார் என்கின்றனர்.
பகதுார் சாஸ்திரி, 'திங்கள்கிழமை இரவு ஒரு நேரம் உண்ணா நோன்பு இருக்க வேண்டும்' என்றார். பல கோடி மக்கள் பின்பற்றினர். இதற்குக் காரணம், சொல்கிறவர்களுக்கு உள்ள தகுதியை மக்கள் அறிந்து கொண்டிருந்தனர். ராகுல் சார்ந்துள்ள காங்கிரசும், அவரது குடும்பம் மீதும், ஊழல் குற்றச்சாட்டுகள் சுமத்தப்பட்டுள்ளன.இந்த நிலையில், சமூக மாற்றம் வேண்டும் என, ராகுல் விரும்புகிறார். அதற்கு, விவாதம் நடத்த வேண்டும் என்பதை, யாரும் கேட்கவும் மாட்டார்கள், ஏற்கவும் மாட்டார்கள்.இல.கணேசன்பா.ஜ., தேசிய குழு உறுப்பினர் .

Advertisement


வாசகர் கருத்து (7)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Muthusamy Thiagarajan - Coimbatore,இந்தியா
31-ஜன-201408:14:12 IST Report Abuse
Muthusamy Thiagarajan எந்த ஒரு விஷயத்தை ஆழமாக தெரிந்து அல்லது புரிந்து கொள்ளவேண்டும் எனில் அவ்விசயத்தின் மீது ஆழ்ந்த ஈடுபாடு இருக்க வேண்டும்.அப்படி பார்க்கும்போது ராகுலின் பேட்டியில் இருந்து நாம் புரிந்து கொள்வது அவருக்கு இந்த நாட்டின் மீதோ,இந்த நாட்டு மக்களின் மீதோ எவ்வித ஈடுபாடும் ,பற்றும் இருப்பதாக தெரியவில்லை.அதனால் நம் நாட்டு விடயங்களில் எந்தவித புரிதலும் அவருக்கு இல்லை.காரணம் அவர் வளர்ந்த (வளர்த்த) விதம் அப்படி.இப்படிப்பட்ட மனிதரிடம் நாட்டை ஒப்படைத்தால் என்ன நேரும் என்பது உள்ளங்கை நெல்லிக்கனி. கடந்த 10 ஆண்டுகளாக காங்கிரஸ் நாட்டை எப்படி வழி நடத்தியது என்பதே இதற்க்கு சான்று. எனவே வரும் காலங்களில் நாட்டை யார் நடத்த வேண்டும் என்பதற்கு பட்டிமன்றம் தேவையா?
Rate this:
Share this comment
Cancel
EV Srenivasan - Muscat,ஓமன்
29-ஜன-201418:18:40 IST Report Abuse
EV Srenivasan மேலும் ராகுல் தன பேட்டி முழுவதும் யாரோ இத்தனை நாட்கள் ஆண்டது போலவும், இவருக்கும் இவர் கட்சிக்கும் சம்பந்தமே இல்லாதது போலவும், பெண்கள் சுதந்திரம் வேண்டும், மறைமுகமாக இல்லாத வெளிபடையான அணுகுமுறை வேண்டும் என்று சொன்னதையே திருப்பி திருப்பி சொன்னார். சுதந்திரம் பெற்று அறுபது வருடங்களுக்கு ஆண்டது இவர்கள் கட்சி. மேலும் ஆண்டது இவருடைய கொள்ளு தாத்தா, பாட்டி, அப்பா மற்றும் அம்மாவின் கைகாட்டலில் இன்றைய பிரதமர் எல்லோரும் இவர்கள் கட்சியை, குடும்பத்தை சேர்ந்தவர்களே. இவர்கள் ஏன் செய்யவில்லை என்று கட்சி கூட்டத்திலோ அல்லது சாப்பாட்டு மேஜையிலோ கேட்கவேண்டிய கேள்வியை தொலைகாட்சியில் கேட்டிருக்கிறார். மேலும் சுமார் 2000 க்கும் மேல் சீக்கியர்களை கொலை செய்ததில் இவர்களுக்கு தொடர்பில்லயாம் (கட்சிக்கோ / ஆட்சிக்கோ) அனால் சுமார் ஒரு சில முஸ்லிம்கள் கொல்லப்பட்டதற்கு நரேந்திர மோடியும் குஜராத் அரசுமே காரணமாம். உண்மையில் பார்த்தால், இந்திரா காந்தி என்ற ஒரு நபர் கொல்லப்பட்டதற்கு (அவர் பிரதமர் என்பதால், கொலையாளிகள் குறித்து அரசு நடவடிக்கை எடுப்பதை யாரும் எதுவும் சொல்லவில்லை - மேலும் இவர் சீக்கியர்களின் புனித கோவிலில் ராணுவத்தினை அனுப்பி புனித்ததினை கெடுத்தது என்பது குற்றச்சாட்டு) 2000 பேர் கொல்லப்பட்டதை ஞாயபடுத்தும் ராகுல், 22 கரம் சேவகர்கள் ரயிலில் எரித்து கொலை செய்யப்பட்டதற்கான எதிரொலியாக நடந்த கலவரத்திற்கு மோடியை / மோடி அரசை குற்றப்படுத்துவது எந்த விதத்தில் ஞாயம்? மேலும் இவர் பாட்டி சிறையில் அடைக்கப்பட்ட பொழுது என்று எதோ சொன்னார் (1977), அது எதற்கு? இந்திய வரலாற்றில் கரும் புள்ளியாக ராணுவ ஆட்சி நடத்திய இந்திரா காந்தி பதவி இழந்து செய்த தவரிக்கக வீட்டு சிறையில் வைக்கப்பட்டார். அதே சமயம் அவருடைய மகனும், மருமகளும் இரண்டு பேரன்களும் இத்தாலிக்கு ஓடி ஒளிந்து கொண்டனர். அதற்க்கு அன்றைய ஜனதா அரசு மறுப்பேதும் சொல்லாமல் அனுமதி அளித்தது. அறுபது ஆண்டுகள் ஆண்ட காங்கிரஸின் தவறு எதுவுமே இல்லாதது போலவும், எல்லாமாக சேர்ந்து ஆறு அல்லது ஏழு ஆண்டுகள் ஆண்ட எத்ரிகட்சிகல்தான் குற்றம் செய்ததுபோல பேசியதும், திரும்ப திரும்ப சொன்னதையே திருப்பி சொன்னதும், அவர் ஒரு அரசியல்வாதி மட்டுமல்ல, ஒரு படித்த சாதாரண மனித்தரா என்பதே வியப்பு. மேலும் அவர் பட்டப்படிப்பு விவகாரம் பற்றி கேட்டதற்கு, ஒன்று சுப்பிரமணியம் சுவாமி மீது கோவம் கொண்டு பேசி இருக்க வேண்டும், இல்லையேல் வழக்கு தொடுக்கப்படும் என்று (தமிழக அரசியல் வாதிகள் ஒன்றுமே இல்லாவிட்டாலும் சொல்கின்றனன்ர்) உதார் விட்டிருக்க வேண்டும். ஒரு சாதாரண மனிதரை பற்றி சொல்லியிருந்தாலும் அவர் வெகுண்டிருப்பார். ஆனால், ராகுல் அவர்களோ சுப்பிரமணியம் சுவாமி கேஸ் போடட்டும் என்று சொல்கிறார். இதனை என்னவென்று சொல்வது? அப்படி சு. சுவாமி சொன்னது உண்மை இல்லை என்று எப்படி நம்புவது?
Rate this:
Share this comment
Cancel
Venkat - chennai,இந்தியா
29-ஜன-201412:33:39 IST Report Abuse
 Venkat ராகுல் மட்டும் போதும். காங்கிரஸ் ஒரே அடியாக வொழிந்து விடும்......சோனியாவின் அள்ளக் கைகள் மாடு/ பன்றி மேய்க்கப் போகலாம்......
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X