DMK, Congress and BJP confuse over vijayakanth | விஜயகாந்த் அழைப்பால் பா.ஜ., காங்., தி.மு.க., குழப்பம்: கூட்டணி பிரச்னைக்கு நாளை 'தெளிவு' கிடைக்குமா?| Dinamalar
பதிவு செய்த நாள் :
கருத்துகள் (176)  கருத்தை பதிவு செய்ய
எழுத்தின் அளவு:

உளுந்தூர்பேட்டை யில், நாளை நடைபெறும், ஊழல் எதிர்ப்பு மாநாட்டுக்கு, தி.மு.க., - பா.ஜ., - காங்கிரஸ் கட்சி களுக்கு, தே.மு.தி.க., அழைப்பு விடுத்துள்ளது.அ.தி.மு.க., மற்றும் ச.ம.க., தவிர்த்து, மற்ற கட்சிகளுக்கும் அழைப்பு விடுத்து, கூட்டணி விஷயத்தில், குழப்ப நிலையை நீடிக்க வைத்திருக்கிறார் விஜயகாந்த். அதனால், நாளைய மாநாட்டிலாவது, 'தெளிவு' கிடைக்குமா என்ற, எதிர்பார்ப்பு, கட்சிகள் மத்தியில் எழுந்துள்ளது.

தே.மு.தி.க., சார்பில், விழுப்புரம் மாவட்டம், உளுந்தூர்பேட்டை அருகே உள்ள, எறஞ்சியில், நாளை, ஊழல் எதிர்ப்பு மாநாடு நடக்கிறது. இந்த மாநாட்டில் தான், கூட்டணி குறித்து முடிவு எடுத்து, அறிவிக்கப் போவதாக, அந்தக் கட்சியின் தலைவர், விஜயகாந்த் ஏற்கனவே கூறி இருந்தார்.

ரகசிய பேச்சு வார்த்தை:எனவே, இம்மாநாட்டுக்கு, மிகப்பெரிய அரசியல் முக்கியத்துவம் கிடைத்துள்ளது. அதிலும், தி.மு.க., மற்றும் பா.ஜ., கட்சிகள், மாநாட்டு முடிவை அறிய ஆவலுடன் காத்திருக்கின்றன. இவ்விரு கட்சிகளும், தே.மு.தி.க.,வுக்கு கூட்டணி அழைப்பு விடுத்து உள்ளன. ரகசியமாகவும், வெளிப்படையாகவும், தே.மு.தி.க.,வுடன் பேச்சு வார்த்தையும் நடத்தி முடித்துள்ளன.

பா.ஜ., அணியில் சேர...:இந்நிலையில், மாநாட்டு ஏற்பாடுகளை பார்வையிட வந்த, விஜயகாந்தின் மனைவி பிரேமலதா, தி.மு.க.,வில் ஏற்பட்டு உள்ள குடும்ப சண்டை குறித்து, அளித்த பேட்டியும், அதற்கு கருணாநிதி சொன்ன சூடான பதிலும், இரு

கட்சிகளுக்கும் இடையே உறவு மலருவதற்கான வாய்ப்பை சூன்யமாக்கி உள்ளதாக கருதப்பட்டது.அதேபோல, மாநாட்டு ஏற்பாடுகளை பார்வை யிட்ட பின், கட்சி நிர்வாகிகள் சிலருடன் பிரேமலதா பேசியுள்ளார். அப்போது கூட்டணி திட்டம் குறித்த விவாதம் நடந்துள்ளது. 'மாவட்ட செயலர்களில் பெரும்பான்மையோர், பா.ஜ., அணியில் சேர ஆதரவு தெரிவித்துள்ள நிலையில், மாநாட்டின் முடிவு, அதை ஒட்டித்தானே இருக்கும்' என, நிர்வாகிகள் கேட்டுள்ளனர்.

அதற்கு பதிலளித்து, பிரேமலதா கூறியதாவது: நமக்கு வெற்றி பெறுவது தான் இலக்கு. ஜெயலலிதாவின் பிரதமர் கனவை தவிடு பொடியாக்க வேண்டும். அதற்கு நாம் வலுவான கூட்டணியில் இருக்க வேண்டும். பா.ஜ.,வுடன் சேர்ந்தால், அந்தளவுக்கு வெற்றி பெற முடியுமா என்ற கேள்வி உள்ளது. மேலும், அங்கு பா.ம.க.,வும் உள்ளது.சிறுபான்மையினர் ஆதரவையும் எண்ணிப் பார்க்க வேண்டியிருக்கிறது. என்னதான் பிரசாரம் செய்தாலும், கடைசியில் காங்கிரசா, பா.ஜ.,வா என்ற கேள்வி தான் மக்கள் மனதில் எழும். அதற்கேற்ப நமது முடிவு அமையும்.இவ்வாறு, பிரேமலதா கூறியுள்ளார்.ஒரே நேரத்தில், தி.மு.க.,வுக்கு எதிராக பேட்டியும், பா.ஜ.,வுக்கு எதிராக கருத்தும் கூறி, கூட்டணி திட்டத்தை கேள்விக்குறியாக்கி இருந்தார் பிரேமலதா.

அழைப்பு :இச்சூழ்நிலையில், மாநாட்டுக்கு வரும்படி, தி.மு.க.,வுக்கும், பா.ஜ.,வுக்கும் அழைப்பு அனுப்பி, கூட்டணி குழப்பத்தை புதுப்பித்துள்ளது, தே.மு.தி.க., தலைமை.இதுகுறித்து, தே.மு.தி.க.,

Advertisement

நிர்வாகிகள் சிலர் கூறியதாவது:அ.தி.மு.க., மற்றும் சரத்குமார் கட்சியை தவிர்த்து, மற்ற கட்சிகளுக்கு எல்லாம் அழைப்பு விடலாம் என்பது தான் விஜயகாந்த் கூறிய யோசனை. அதன்படி, தி.மு.க., - காங்கிரஸ் -பா.ஜ., - பா.ம.க., - ம.தி.மு.க., - கம்யூனிஸ்ட் - ம.ம.க., என, எல்லா கட்சிகளுக்கும் மாநாட்டு அழைப்பிதழ்கள் கொடுக்கப்பட்டு வருகின்றன.இதற்காக, எம்.எல்.ஏ., நல்லதம்பி தலைமையில், மூவர் குழு அமைக்கப்பட்டுள்ளது. அவர்கள், இக்கட்சி அலுவலகங்களுக்கு நேரில் சென்று, மாநாட்டு அழைப்பிதழை கொடுத்து வருகின்றனர். எங்களை பொறுத்தவரை, அ.தி.மு.க., தான் எதிரி. அதை, இந்த தேர்தலில் வீழ்த்த வேண்டும் என்பது தான் எங்கள் நோக்கம். மற்ற கட்சிகளுடன் எந்த பிணக்கும் இல்லை. அதை வெளிப்படுத்தவே, இந்த அழைப்பு.மற்றபடி கூட்டணி விஷயத்தை விஜயகாந்த் முடிவு செய்வார். கட்சியினரின் கருத்துக்கள் அடிப்படையிலேயே அவரது முடிவு இருக்கும். அதில் சந்தேகம் வேண்டாம்.இவ்வாறு, அவர்கள் தெரிவித்தனர்.- நமது சிறப்பு நிருபர் -




Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (176)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
02-பிப்-201402:31:54 IST Report Abuse
வருத்தப்படாத சோம்பேறிகள் சங்கம்  Sekar சேகரன் மானம் "விமானம்" ஏறுது... "மொக்க கருத்து" எழுதி கிடைக்கும் "மானகெட்ட ஸ்டார் ரேட் (1700 மோசம்)" தேவையா சேகரா சார்??.. ஒரு வரி எழுதினாலும் ஒழுக்கமா எழுதணும்... கண்டதை எழுதினா முகத்தில் கரியைதான் பூசுவாங்க.. உங்களுக்கு இதுவும் வேணும்.. இன்னமும் வேணும்..
Rate this:
Share this comment
Cancel
Sundeli Siththar - North Carolina,யூ.எஸ்.ஏ
02-பிப்-201400:21:30 IST Report Abuse
Sundeli Siththar நாளை இவர் முடிவை அறிவிக்க மாட்டார்.. இழுத்தடிப்பார்...
Rate this:
Share this comment
Cancel
Sundeli Siththar - North Carolina,யூ.எஸ்.ஏ
02-பிப்-201400:20:33 IST Report Abuse
Sundeli Siththar இவர் கடைசியில் ஆம் ஆத்மி கட்சியோடு சேர்ந்து போட்டியிடப் போகிறார்...
Rate this:
Share this comment
Cancel
Thangam - chennai,இந்தியா
01-பிப்-201423:30:10 IST Report Abuse
Thangam 4% ஓட்டு வருவதற்கே வாய்ப்பில்லை...
Rate this:
Share this comment
Cancel
Meenakshi Sundaram - Chennai,இந்தியா
01-பிப்-201422:43:55 IST Report Abuse
Meenakshi Sundaram இருக்கு ஆனா இல்லை வரும் ஆனா வராது பிறந்தா ஆம்பளை இல்லேன்னா பொம்பளை என்ன மக்களே புரியலையா இப்ப தெளிவா சொல்றேன் கேளுங்க. ஒரு பைத்தியகார ஆஸ்பத்திரியில பைத்தியத்துக்கு வைத்தியம் பாக்கிற பைத்தியக்கார வைத்தியனுக்கெ பைத்தியம் புடிச்சா, எந்த பைத்தியக்கார ஆஸ்பத்திரியில பைத்தியத்துக்கு வைத்தியம் பாக்கிற பைத்தியக்கார வைத்தியன் கிட்ட தன்னோட பைத்தியத்துக்கு வைத்தியம் பாத்துக்குவான். பயப்படாதீங்க நம்ம அண்ணனுக்கு பில்டிங் ஸ்ட்ராங் பேஸ்மென்ட் வீக்.
Rate this:
Share this comment
Cancel
adalarasan - chennai,இந்தியா
01-பிப்-201422:31:57 IST Report Abuse
adalarasan யார் கட்சித்தலைவர்?விஜயகாந்த் அவர்களா அல்லது....? நடராசன்.
Rate this:
Share this comment
Cancel
Shankar Balasubramanian - Chennai,இந்தியா
01-பிப்-201422:11:06 IST Report Abuse
Shankar Balasubramanian ஊழல் எதிர்ப்பு மாநாட ? அ இ அ தி மு க எதிர்ப்பு மாநாட
Rate this:
Share this comment
மதுரை விருமாண்டி - சான் ஹோஸே, கலிபோர்னியா ,யூ.எஸ்.ஏ
02-பிப்-201407:27:03 IST Report Abuse
மதுரை விருமாண்டிஅர்த்தம் ஒன்று தான்....
Rate this:
Share this comment
Cancel
Selvam Palanisamy - Thiruthangal,இந்தியா
01-பிப்-201419:41:34 IST Report Abuse
Selvam Palanisamy பி.ஜே.பி.தான் விஜயகாந்திற்கு ஆதாயம். மாநாட்டுக்கு அழைப்பு - சம்பிரதாயம்.
Rate this:
Share this comment
Cancel
சக்தி - COMBATORE,இந்தியா
01-பிப்-201419:26:38 IST Report Abuse
சக்தி ரொம்ப குழப்புராங்களே...
Rate this:
Share this comment
Cancel
Kuyil - Munich,ஜெர்மனி
01-பிப்-201419:07:32 IST Report Abuse
Kuyil நாளைய மாநாடு உளுந்துர்பேட்டை பிரியாணி புகழ் பாடி முடிந்து போகும், கேப்டன் கூட்டணி முடிவை அடுத்த மார்ச் மாநாட்டில், ஆம்பூரில் அறிவிப்பார்.
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X